ESAIA 64:2 - Jinghpaw Hanson Version Bible

² nang hpe hpyen ai ni gaw, na a amying nsang hpe chye wa lu nna, maigan amyu ni, na a man e hkrit gari wa mu ga, shanut shanaw hkru kau ai hte, ntsin hpe shaprut kau ai wan zawn tai u law.

Jinghpaw Common Language Bible 2009

² Kahtet ai wan ntsa e hka prut nga ai zawn shanhte gari ashun mai nga ai. Na a gumlau hpyen ni a man e na a daru magam n-gun sa madun dan u, masha amyu baw ni hpe na a man e hkrit gari shangun u!

ESAIA 64:2 ပူးပေါင်းရင်းမြစ်များ

SHAKAWN KUNGDAWN 106:8

Rai timung, shi a daru magam dan hkung wa u ga, Shi mying nsang a matu, shi shanhte hpe hkye hkrang la mu ai.

SHAKAWN KUNGDAWN 46:10

Amu sha nga mu, ngai Karai Kasang rai nga nngai, chye mu. Amyu baw ni hta ngai galu kaba wa nna, Ga ntsa e dan hkung nga na nngai.

SHAKAWN KUNGDAWN 79:10

“Shanhte a Karai Kasang kanang nga a hka?” Nga nna maigan amyu ni hpa rai tsun lu na rai ma ta? Na a ali ama ni a ru kau ai asai majaw, matai dawp ai lam, masha amyu ni hte anhte a man e, pra rai nga u ga.

SHAKAWN KUNGDAWN 83:13

Nye a Karai Wa e, bungsha e shapoi ai ga nhpu zawn, Nbung hta poi ai yi hku hpe zawn, shanhte hpe shatai mu.

SHAKAWN KUNGDAWN 9:20

O, Yehowa e, shanhte hpe jahkrit mu; Masha amyu ni, si ging ai masha hkrai rai nga ma ai gaw, shanhte hpe shadum mu. [Selah.]

SHAKAWN KUNGDAWN 99:1

Yehowa gaw Hkawhkam rai nga ai; Amyu baw ni hkrit gari nga mu ga: Hkerubim ntsa e shi adung nga ai, Ginding aga awam nga u ga.

PRU MAT 14:4

ngai mung Hpara-u a masin shaja ya nna, shi shanhte hpe hkan shachyut na ru ai; shaloi ngai Yehowa rai nga nngai, Egutu masha ni chye lu na matu, Hpara-u hte shi a hpyen luksuk ni mahkra hta, nye a hpung shingkang dan hkung na ra ai,” ngu nna tsun ai: shanhte mung shin grai galaw ma ai.

ESAIA 28:21

Yehowa gaw shi a amu ngu ai, mauhpa amu, shi a bungli ngu ai, lak lai ai amu shangut lu hkra, Perazim bum e rawt ai zawn shi rawt nna, Gibeon kadit e pawt bu ai zawn, pawt bu na ra ai.

ESAIA 37:20

Ya chyawm gaw, anhte a Karai Kasang Yehowa e, nang Yehowa hkrai Karai Kasang rai nga ai gaw, ga ntsa mungdan ni nlang chye na lu mu ga, anhte hpe shi a lata na hkye hkrang la mi law,” ngu nna hpyi nem wu ai.

ESAIA 63:12

Mawshe a hkra lata makau e shi a dan hkung ai lahpum shadan shangun ai hte, htani htana e shi a amying kaba wa lu hkra, nammukdara hka hpe shanhte a man e ga wa shangun nna,

YEREMIA 33:9

Ndai mare masha ni hpe ngai galaw ai ngamu ngamai lam yawng, ga ntsa amyu ni mahkra na lu nna, ndai mare a matu ngai shapraw ai mai kaja ai hte ngwipyaw ai lam hpe tau yu nna, hkrit gari let mau mahka nga ma ai majaw, ndai mare gaw nye a matu kabu gara ai mying, shakawn kungdawn shara hte arawng sadang, shanhte a man e tai na ra ai.

YEREMIA 5:22

Nanhte ngai hpe n hkrit hkungga myit ni? Nammukdara hka leng ni n lai lu hkra, zaibru hpe jarit shatai na, htani htana mungga tawn da ai, nye man e wa, n hkrit gari nga myit ni? dai hka leng ni hta wa timung, dang lu ai n rai; wu kadu timung, lai lu ai n rai.

AMO LAIKA (AMOS) 4:12

Dai re ai majaw, Israela e, ngai nang hpe ning rai naw galaw na nngai: dai lam ngai nang hta galaw na nngai majaw, Israela e, na a Karai Kasang hpe hkrum na, hkyen nga u.

MIHKA 1:4

Bum ni gaw shi a npu e byawng mat nna, kadit ni gaw; wan makau na gitbaw hte, nhkap na lwi hkrat wa ai hka zawn, ga mahka wa na mara ai.

ZEHKARIA 14:4

Dai shani hta, shi a lagaw, Yerusalem a sinpraw maga na Tsanlun bum ntsa e tsap nna, Tsanlun bum gaw, sinpraw maga kaw nna sinna maga du hkra, ka-ang brang ga wa ai hte, grai kaba ai kadit tai na ra ai: dai bum a chyen mi gaw, dingdung maga de, chyen mi gaw, dingda maga de, sit wa na ra ai.

TARA JAHPRANG 2:25

Sumsing lamu a npu e nga ai masha amyu nlang hte hpe, dai ni kaw nna nang hpe hkrit gari ai hte ma shajang shangun na mawe ai; shanhte gaw na a shi na jang, na a majaw shanhte gari kanan nna myit htum shajang na ma ai,’ nga nna tsun dat nngai.