ESAIA 61:8 - Jinghpaw Hanson Version Bible

⁸ Kaning rai nme law, ngai Yehowa gaw malang ai tara hpe sharawng nna, kashu kashe hte n hkru ai hpe n dawng nngai: tengman ai hku hkan let, ngai shanhte hpe nhtang jaw nna, htani htana ga shaka shanhte hte tawn da na nngai.

Jinghpaw Common Language Bible 2009

⁸ Dai Madu gaw, “Ngai gaw teng man rap ra ai tara hpe tsaw ra nngai, ngai gaw dip gamyet sha ai amu hte ru hka amu hpe n dawng nngai. Ngai gaw nye a amyu masha ni hpe kangka ai hte kumhpa shagrau na nngai. Shanhte hte htani htana ga shaka tawn da na nngai.

ESAIA 61:8 ပူးပေါင်းရင်းမြစ်များ

NINGPAWT NINGHPANG 17:7

Ngai gaw na a Karai Kasang mung, na a htawm hpang na, na a kashu kasha ni a Karai Kasang mung, tai nga na nngai, ngu nna, nang hte na a kashu kasha ni hta prat mi hte prat mi, nye a ga shaka hpe htani htana ga shaka ngai shatai na wa ai.

2 SAMUELA 23:5

Gaja wa, Karai Kasang a man e nye a amyu matu dai zawn re ai n rai; Rai timung, htani htana ga shaka gaw, shi ngai hte tawn da, nna, Yawng mayawng hpe shachyip ai hte shagrin da nu ai: Dai gaw ngai hpe hkye la ai lam, nye a sharawng shara tai nna, Dai hpe shatut da ya nu ai n rai ni?

SHAKAWN KUNGDAWN 105:10

“Hkanan mung hpe na a sali wunli jarit matu, Ngai nang hpe jaw na nngai,” nga ai ga gaw,

SHAKAWN KUNGDAWN 11:7

Kaning rai nme law, Yehowa dinghpring nga ai. Shi gaw dinghpring ai amu tsaw nga ai; Myit malang ai ni shi a myi man mu lu na mara ai.

SHAKAWN KUNGDAWN 32:8

Ngai nang hpe sharin ya nna, nang sa wa na lam madun ya na nngai, Nang hpe mada let hpaji daw ya na nngai.

SHAKAWN KUNGDAWN 33:5

Dinghpring ai hte tara ding ai lam shi tsawra ai, Lamu ga ting Yehowa a chyeju hte hpring nga ai.

SHAKAWN KUNGDAWN 37:28

Yehowa gaw tara ding ai hku tsawra nga nna, Shi a chyoi pra ai ni hpe kau da mu ai n rai: Shanhte prat dingsa e anga nga na ma ai. Tara n lang ai ni a aru arat chyawm gaw, kran kau ai hkrum na mara ai.

SHAKAWN KUNGDAWN 45:7

Nang gaw dinghpring ai tsaw nna yubak hpe n dawng ndai: Dai majaw Karai Kasang gaw, na a Karai Kasang, Na a manang ni hta, kabu gara ai namman hte nang hpe grau chya ya nit dai.

SHAKAWN KUNGDAWN 50:5

“Hkungga nawng let ngai hte ga shaka tawn da ai, Nye a dingman ai ni e, ngai kaw hpawng marit,” nga ai.

SHAKAWN KUNGDAWN 62:10

Kashun kashe ai hpe hkum machyu myit, Shanyen la lu ai majaw myit hkum gumrawng myit. Sut su yang dai hta myit hkum noi myit.

SHAKAWN KUNGDAWN 99:4

Dingman ai tara tsawra ai hkawhkam a atsam hpe, Tara npawt hta nang tawn da nu ai; Nang gaw Yaku hta e tara dara ai hte dingman ai lam, jashawn nu ai.

GA SHAGAWP 3:6

Lam shagu hta shi hpe adum nga u, Shing rai yang, shi na a lam shading na ra ai.

GA SHAGAWP 8:20

Ngai hpe tsawra ai ni sali wunli lu la nna, Shanhte a sutdek ni hpe sutgan hte jahpring ya lu hkra,

ESAIA 28:17

Dai hta kaga ngai gaw, tara ding ai hpe mahkret sumri, dinghpring ai hpe shadawn chyu shatai nna, sin laru gaw masu matsa ga a shingbyi shara jahkoi kau ai hte, hka hpungla ni gaw makoi shara hpe lim kau na ra ai.

ESAIA 30:18

Rai timung, nanhte hpe chyeju myit madun na matu, Yehowa ala nga ai; nanhte hpe matsan dum na matu shi galu kaba nga ai: kaning rai nme law, Yehowa gaw tara ding ai Karai Kasang rai nga ai; shi hpe ala nga ai ni yawng, a lu ma ai.

ESAIA 5:16

Zaw nawng zaw wa up ai Yehowa chyawm gaw, tara hte shagrau ai hkrum nna, Chyoi pra re ai Karai Kasang gaw, dinghpring ai hte chyoi pra na ra ai.

ESAIA 54:10

Bum ni sit wa nna, kawng ni htawt mat lu timung, nye a n-gaw nwai ai myit nang kaw na sit lu na n rai, nye a ngwipyaw ai ga shaka hpe mung, dawm la lu na n rai, nga nna nang hpe matsan dum ai Yehowa tsun nga ai.

ESAIA 55:3

Na la nna ngai hpang de sa marit; madat mara mu, shing rai yang nanhte a myit masin hkrung nga na ra ai: ngai mung nanhte hte htani htana ga shaka tawn da nna, Dawi hta grin nga ai chyeju hpe nanhte hta shagrin da na nngai.

ESAIA 56:1

Yehowa ning nga ai: Nye a hkye hkrang la ai chyeju du na aten, nye a dinghpring ai lam shadan dan na aten, du magang ra ai majaw, tara hpe shatup nna, dinghpring ai amu galaw mu.

ESAIA 66:22

“Kaning rai nme law, ngai hpan da ai sumsing lamu ningnan hte, ginding aga ningnan gaw, nye a man e grin nga ai zawn, nanhte a aru arat hte nanhte a amying shingteng mung grin nga na ra ai,” nga nna Yehowa tsun ai.

YEREMIA 32:40

ngai shanhte hpe n kau da, ngamu ngamai shangun na nga, ngai shanhte hte htani htana prat dingsa ga shaka tawn da na nngai; shanhte ngai kaw na n pru mat wa hkra, ngai hpe hkrit hkungga ai myit, shanhte a kraw lawang hta ngai bang da na nngai.

YEREMIA 9:24

gumrawng ai wa chyawm gaw, ga ntsa e n-gaw n wai ai myit, tara jeyang ai myit, dinghpring ai myit madun ai wa gaw, ngai Yehowa nan rai nga ai, nga nna nye a lam chye na lu ai hta she gumrawng nga u ga: dai lam hta ngai sharawng awng nga nngai,” nga nna Yehowa tsun ai.

EZEKELA 16:60

Rai timung, na a ram prat e ngai nang hte tawn da ai ga shaka hpe ngai naw dum nna, htani htana ga shaka nang hte tawn da na nngai.

EZEKELA 34:25

“Bai, ngai gaw shanhte hte ngwipyaw ga shaka tawn da nna, shanhte a mungdan hta na matse labye hpe shamyit kau na nngai; shing rai shanhte gaw nam mali hkan e a pyaw sha shanu nga nna, maling dinggram hkan e yup nga lu na mara ai.

MALAHKI 1:13

Bai nanhte gaw, “Ataw, dai gaw gawng shate ai hkrai rai nga ai,” nga nna tsun let jahpoi myit dai, nga nna Zaw nawng zaw wa up ai Yehowa tsun ai: kashun kashe la ai hkungga, lagaw hten ai hte myi hten ai hkungga, nanhte dun sa nna, dai zawn re ai baw nanhte nawng ya myit hka: dai hpe nanhte a lata na ngai hkap la na, rai ni? nga nna Yehowa tsun ai.

MAHTE 23:13

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw masha ni a man e, sumsing lamu a mungdan lam hpe pat da mu ai: nanhte nan n shang myit dai hte, shang wa ai ni, shang na pyi, n hkraw myit dai.

2 HTESALONI 3:5

Dai hta kaga, Karai Kasang a tsawra ai hte Hkristu a shakut sharang ai hta, dai Madu nan, nanhte a myit masin hpe shalawn nga u ga.