Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ESAIA 61:7 - Jinghpaw Hanson Version Bible

7 Nanhte kaya kahpa hkrum ai a malai, akyu htam lahkawng lu la nna, arawng hpoi hkrum ai a malai, shanhte a kumhtaw hta kabu gara lu na myit dai: dai rai nna shanhte gaw tinang a mung hta akyu htam lahkawng lu la nna, htani htana kabu gara ai hkrum na mara ai.

အခန်းကိုကြည့်ပါ။ ကော်ပီ

Jinghpaw Common Language Bible 2009

7 Na a kaya kahpa hte arawng hpoi hkrum ai gaw htum mat nga sai. Nang gaw na a mungdan hta nan nga lu na rai ndai, Na a sut gan gaw htam lahkawng law jat wa nna; Na a kabu gara ai gaw htani htana agrin nga na ra ai.

အခန်းကိုကြည့်ပါ။ ကော်ပီ




ESAIA 61:7
19 ပူးပေါင်းရင်းမြစ်များ  

Ya shan lahkawng rap tawng ngut jang, Elia gaw Elisha hpe, “Ngai nang hte garai n hka yang, nang hpe hpa gam jaw na, hpyi rit,” ngu nna tsun wu yang, Elisha gaw, “Na a wenyi htam lahkawng nye a ntsa e anga nga li ga,” ngu nna hpyi wu ai.


Ya Yoba gaw shi a manang ni a matu tawngban nga yang, Yehowa gaw Yoba hpe shi a bawng dung ai kaw na shalawt dat wu ai hta n-ga, shi shawng e lu malu mahkra hta htam lahkawng shagup ya wu ai.


Myi prwi hte gat hkai ai ni, Kabu gara let bai shu lu na mu ai.


Nang ngai hpe asak hkrung ai lam madun ya na ndai; Na a man e kabu gara htum nga ai: Na a hkra lata hta pyaw ai lam tut tut anga nga ai law.


Yehowa majaw hkye hkrang la hkrum ai ni gaw nhtang wa nna, mahkawn mangoi let Ziun bum de du na mara ai: shanhte a baw ntsa e htani htana kabu gara gup na ra ai: shanhte awng sharawng let kabu gara nga nna, yawn hkyen ai hte madai ai gaw sim mat na ra ai.


Yerusalem mare hpe ngwipyaw ga tsun mu: shi a hpyen majan ngut wa sai, shi yubak raw dat kau ai hkrum sai, yubak mara majaw ari hkrum ai hta, Yehowa lata hta na chyeju htam lahkawng hkam la nu ai, ngu nna shi hpe jahtau tsun mu.


Shing rai, Yehowa a lata hte hkye mawai la hkrum ai ni bai wa nna, Ziun bum de mahkawn mangoi let du na mara ai: shanhte a baw ntsa e, prat dingsa na kabu gara ai gaw, mara nga na ra ai; shanhte gaw sharawng awng nna, ngwipyaw ai lu la na mara ai; yawn hkyen ai hte madai ai gaw hkoi mat na ra ai.


Hkum tsang et, nang gaw kaya kahpa hkrum na n rai; myi man hkum sum et, hkrit kaya hkrum na n rai: kaning rai nme law, ram prat e hkrum ai kaya kahpa hpe, nang malap kau nna, gaida nna hkrum ai shatan nhkan hpe, htawm hpang de dum na n rai.


Nang hta kadai mung n kabye lai mayu hkra, jahti da ai hte n dawng n yawt hkrum ai majaw, ngai nang hpe prat dingsa na arawng sadang, shu mashi shu masha ni a kabu gara, shara shatai na nngai.


Na a amyu masha ni gaw, hkum ting dinghpring ai ni, tai na mara ai; ngai gaw arawng sadang lu la na matu, shanhte gaw, ngai hkai da ai bawng, nye lata shabyin ai amu ngu ai mungdan hpe, prat dingsa madu na mara ai.


Dai re ai majaw Madu Yehowa gaw, “Yu mu, nye a shangun ma ni sha lu na mara ai, nanhte chyawm gaw kawsi hkrum na myit dai; yu mu, nye a shangun ma ni lu lu na mara ai, nanhte chyawm gaw hpang kara na myit dai; yu mu, nye a shangun ma ni kabu gara na mara ai, nanhte chyawm gaw kaya kahpa hkrum na myit dai;


Yu u, nang hpe zingri zingrat ai ni nlang hte hpe, ndai aten e ngai dawdan na nngai: lagaw hten ai ni hpe ngai hkye hkrang la nna, shabra kau hkrum ai ni hpe jahpawng da na nngai: ga ntsa ting hta kaya hkrum ai ni hpe, shakawn kungdawn shara hte amying shingteng lu ai amyu, ngai shatai na nngai.


“Ngwipyaw nli ngai gat nngai; tsabyi ru si si nna, lamu ga gaw, nsi naisi shatut na ra ai; sumsing lamu gaw mari jahkrat nna, ndai naw ngam nga ai amyu masha ni gaw, ndai mahkra hpe madu lu na, ngai shabyin na nngai.


myit mada nga ai bawng dung ni e, hpyen dap de nhtang wa manu: ngai nang hpe chyeju htam lahkawng jaw na nngai, dai ni jang ngai tsun da ni ai.


Shaloi shanhte gaw n htum n wai ari de shang wa na mara ai; dinghpring ai ni mahtang n htum n wai asak de shang lu na mara ai,” ngu wu ai.


Kaning rai nme law, dandawng nga ai arai ni gaw ndai aprat na sha, n dan n dawng nga ai arai ni gaw htani htana na arai rai nga ai majaw, dandawng nga ai arai ni hpe anhte n tau yu ai sha, n dan n dawng ai arai ni hpe tau yu let,


n tsaw ai num a kasha hpe alat aya yin nna, sali wunli htam lahkawng jaw na rai wu ai: kaning rai nme law, dai wa mahtang she kawa n-gun ningshawng rai nga ai rai nna, alat aya gaw shi a rai nga ai.


Ya, anhte hpe tsawra nga nna, chyeju a jaw e anhte hpe htani htana shangwi shapyaw ai hte, mai kaja ai myit mada shara jaw ai, anhte a Wa Karai Kasang hte anhte a Madu Yesu Hkristu nan,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ