ESAIA 61:4 - Jinghpaw Hanson Version Bible

⁴ Shanhte gaw moi chyaloi nhkoi na akrin akraw shara hpe bai dè da nna, prat mi hte prat mi marawng marang re ai mare ni hte, katsi katsang re ai shara ni hpe lajang tawn da na mara ai.

Jinghpaw Common Language Bible 2009

⁴ Shanhte gaw moi chyaloi nhkoi kaw nna hten run nga sai mare ni hpe bai gaw gap da na mara ai.

ESAIA 61:4 ပူးပေါင်းရင်းမြစ်များ

EZRA 9:9

Anhte gaw mayam rai nga ga ai: rai timung, anhte a Karai Kasang gaw, mayam amu hta, anhte hpe kau da mi ai n rai: anhte hpe bran shangun na hte, anhte a Karai Kasang a nta hpe galaw lu nna, de a marawng marang ni bai yu lajang na mung, Yuda mung hte Yerusalem mare hta bunghku naw sharawt lu na mung, shi gaw, chyeju myit hte, anhte hpe Persi hkawhkam a man e myi man pa shangun mi ai.

SHAKAWN KUNGDAWN 46:8

Sa marit, Yehowa a amu hpe mada yu mu; Ga ntsa e shi akrin atsai di kau nu ai.

SHAKAWN KUNGDAWN 74:3

Tut tut marawng marang rai nga ai de sa yu u, Gumlau ni a chyoi pra ai shara hpe hpya kau manu ai.

ESAIA 52:9

Yerusalem na katsi katsang shara ni e, mahkawn mangoi let, rau garu mu: Yehowa gaw shi a amyu hpe shalan shabran ai hte, Yerusalem mare hpe hkye mawai la wu ai.

ESAIA 58:12

Na a amyu matu ni gaw moi na marawng marang ni hpe bai dè na mara ai; nang gaw moi chyaloi nhkoi na npawt nhpang ni hpe, gaw kahtap na ra ai: shing rai, Run ai bunghku hpe lajang ai wa, Shanu na matu lam ni hpe lajang ai wa, nga nna nang hpe shamying na ra ai.

MIHKA 7:11

Na a mare bunghku ni de da ai aten du na ra ai; dai aten e na a lamu ga jarit maden jat wa na ra ai.

ZEHKARIA 1:17

“Bai tsun jahtau u, Zaw nawng zaw wa up ai Yehowa ning nga ai: Nye a mare kahtawng ni gaw, ngamu ngamai naw hpring kabrat na ra ai: Yehowa gaw Ziun bum hpe naw shalan shabran nna, Yerusalem mare hpe, naw lata la na ra ai,” nga ai.