ESAIA 61:3 - Jinghpaw Hanson Version Bible

³ Ziun mare hta sharung shayawt ai ni hpe, wan dap a malai nampan shanghkawng, sharung shayawt ai a malai kabu gara ai namman, myit kaji ai a malai kabu gara ai hpun palawng jaw na matu mung, shi ngai hpe shangun dat nngai; shing rai, Yehowa gaw arawng sadang lu la na matu, shanhte gaw, shi hkai da ai dinghpring ai hpun ni ngu ai mying, mying na mara ai.

Jinghpaw Common Language Bible 2009

³ Ziun hta sharung shayawt nga ai ni hpe yawn madai na malai Kabu gara ai hte kabu pyaw ai lam, Yawn hkyen ai a malai mahkawn shakawn na lam jaw ya na matu shangun dat ni ai. Shanhte gaw dai Madu shi nan hkai da sai Hpun ni zawn tai na mara ai. Shanhte gaw ding man ai amu yawng mayawng hpe galaw na mara ai, Karai Kasang gaw shi galaw sai amu ni a majaw shakawn kungdawn ai hkrum na ra ai.

ESAIA 61:3 ပူးပေါင်းရင်းမြစ်များ

ESHTA 8:15

Ya Mordehkai gaw amut, ahpraw nsan ai, hkawhkam hpun palawng bu hpun nna, ja janmau kaba gup ai hte mani ai lachyit nba ahpraw hte hkyeng sawm ai nba lawai let, hkawhkam wa kaw na pru wa nna, Shushan mare masha ni gaw, kabu gara ai hte jahtau garu nga ma ai.

ESHTA 9:22

Mordehkai gaw ndai lam ni hpe ka da nna, hkawhkam Ahasuru a ni ai tsan ai mungdaw ni mahkra hta nga ai, Yuda masha ni yawng hpang de, laika shagun dat wu ai.

SHAKAWN KUNGDAWN 104:15

Tsabyi jahku masha a myit hpe shapyaw ya nga ai, Shi a myi man namman hte htoi nga ai: Ashat mung masha a myit hpe shadaw ya nga ai.

SHAKAWN KUNGDAWN 149:4

Kaning rai nme law, Yehowa gaw shi a amyu hta, awng nga ai rai nna, Myit gyip nga ai ni hpe hkye hkrang la ai hte, mawn sumli mu ai.

SHAKAWN KUNGDAWN 23:5

Nye gumlau ni a man e, nye a matu sha ku nang lajang da ya nga ndai; Nye a baw hpe namman hte nang chya ya ndai, Nye a gawm a kabrat nga li ai.

SHAKAWN KUNGDAWN 30:11

Nye a yawn hkyen ai hpe ka gumlawt ai hte nang galai ya ndai; Nye a lachyit nba hpe nang raw kau ya nna, Kabu gara ai hte ngai hpe shingkyit kyit ya ndai.

SHAKAWN KUNGDAWN 30:12

Dai majaw galoi mung n sim n sa hkra, Nye a arawng nang hpe mahkawn mangoi na ra ai; Nye a Karai Kasang Yehowa e, Ngai nang hpe htani htana e shakawn kungdawn na nngai.

SHAKAWN KUNGDAWN 45:7

Nang gaw dinghpring ai tsaw nna yubak hpe n dawng ndai: Dai majaw Karai Kasang gaw, na a Karai Kasang, Na a manang ni hta, kabu gara ai namman hte nang hpe grau chya ya nit dai.

HPAJI NINGLI 9:8

Na a hpun palawng tutnawng hpraw nga u ga; na a baw sau n kadawn nga u ga.

ESAIA 12:1

Dai shani e nang gaw, “Yehowa e, ngai nang hpe shakawn na de ai; nang ngai hpe pawt bu timung, myit bai kawp wa nna, ngai hpe shangwi shapyaw ya ndai.

ESAIA 26:2

Dinghpring ai hte kangka re ai amyu shang lu u ga, mare chyinghka ni hpe hpaw malang da mu.

ESAIA 44:23

Yehowa dai amu galaw ai majaw, sumsing lamu ni e, mahkawn mangoi nga mu; lawu tsang na gingding aga e, marawn jahtau mu: bum ni e, maling hte dai hta tu ai hpun yawng hte e, mahkawn mangoi nga mu: kaning rai nme law, Yehowa gaw Yaku hpe mawai la nna, Israela hta e tinang hkum hpe shagrau sha-a na ru ai.

ESAIA 46:13

ngai gaw nye a dinghpring ai hpe shani la nna, dai gaw tsan nga ai n rai; nye a hkye hkrang la ai lam ganung nga ai n rai; ngai gaw Ziun bum hta hkye hkrang la ai lam, Israela hta e, nye a arawng sadang hpe, tawn da na we ai.

ESAIA 52:1

Ziun e, hprang u, hprang u, na a n-gun atsam dagraw u; chyoi pra ai mare Yerusalem e, na a tsawm htap ai hpun palawng hpe mawn sumli u: kaning rai nme law, ya kaw nna matu n gadoi ai hte n san n seng ai wa kadai mung, nang kaw shang lu na n rai.

ESAIA 61:10

Ngai gaw Yehowa hta aja awa kabu gara nga nna, nye a myit masin gaw, nye a Karai Kasang hta sharawng awng na ra ai; kaning rai nme law, la ningnan gaw nampan shanghkawng gup ai zawn mung, num ningnan gaw shi a lungseng ni hte shi a hkum hpe mawn sumli ai zawn mung, shi ngai hpe hkye hkrang la ai hpun palawng jahpun ya nna, dinghpring ai nba lawai ya ni ai.

YEREMIA 31:13

Dai shaloi e mahkawn ni ka gumlawt let kabu nna, shabrang ni hte dingla ni rau pyaw na mara ai: shanhte a sharung shayawt ai a malai, kabu gara ai, ngai shatai na nngai; ngai shanhte hpe shangwi shapyaw nna, shanhte yawn hkyen hkrum ai hta kabu shangun na nngai.

EZEKELA 34:29

Ngai gaw kajai gumhkawng ai sun langai mi, shanhte a matu lajang da nna, shanhte gaw dai mungdan hta, htawm hpang de hku wa hkrum na n rai; maigan amyu ni a man e mung, shatan nhkan hkrum na n rai.

EZEKELA 47:7

Ya ngai nhtang wa nga yang, yu u, hka ndai hkran, wora hkran, hpun law law tu nga ai.

ZEHKARIA 3:5

Ngai mung, “San seng ai lagup shi hpe shagup ya u ga,” ngu nna hpyi nngai; shing rai shanhte gaw, san seng ai lagup shi hpe shagup ya nna, shi hpe shabu jahpun mu ai: Yehowa a lamu kasa mung, makau e tsap nga ai.

MAHTE 15:13

Shi htan nna, “Sumsing lamu hta nga ai nye Wa n hkai da ai hpun yawng hte gaw, ru hte nawng baw kau ai hkrum na ra ai.

MAHTE 5:16

Dai rai nna, masha ni gaw nanhte a kaja ai bungli mu lu nna, sumsing lamu e nga ai nanhte a Kawa hpe shagrau sha-a lu mu ga, shanhte a man e nanhte a nhtoi hpe htoi tu shangun da mu law.

LUKA 15:22

Kawa chyawm gaw shi a mayam ni hpe, “Reng htum ai hpun palawng alawan la sa nna, shi hpe jahpun ya maru; shi a lata hta lachyawp chyawp ya maru; lagaw hta kyepdin din ya maru;

YAWHAN 15:8

Nanhte asi law law si wa ai a majaw, nye Wa a hpung shingkang dan hkung wa nna, nanhte mung, nye a sape ni teng na myit dai.

YAWHAN 16:20

Ngai nanhte hpe gaja wa teng teng tsun made ga, “Nanhte gaw hkrap ngu hkrap ngoi ai hte, sharung shayawt ai hkrum na marin dai; mungkan masha ni chyawm gaw kabu gara lu na mara ai; nanhte gaw yawn hkyen ai hkrum na marin dai, rai timung, nanhte a yawn hkyen ai gaw kabu gara ai bai tai na ra ai.

1 KORINHTU 3:9

Anhte chyawm gaw Karai Kasang a shingdep shingtau ni rai nga ga ai: nanhte gaw Karai Kasang a yi hkauna hte, Karai Kasang a wahpang htingnu, rai nga myit dai.

1 KORINHTU 6:20

nanhte jahpu manu daw nna mari da sai ni rai nga myit dai: dai re ai majaw, nanhte a hkumhkrang hte Karai Kasang hpe shagrau sha-a nga mu law.

HPILIPI 1:11

nanhte a tsawra ai myit gaw chye chyang ai hte myit leng ai yawng hta grau nna jat htam wa na matu ngai a hpyi nga nngai.

2 HTESALONI 1:10

n madat ai ni gaw dai Madu a myi man hte shi a atsam a hpung shingkang hte, hka wa na htani htana hten nan ai ari ahpri hkrum na mara ai.

HEBRE 1:9

Nang dinghpring ai tsaw nna, yubak hpe n dawng ndai; Dai majaw Karai Kasang gaw, na a Karai Kasang, Na a manang ni hta, kabu gara namman hte nang hpe grau nna chya ya nit dai.”

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.

1 PETRU 4:14

Hkristu a amying nsang a majaw, nanhte asawng asang hkrum nga myit yang gaw, nanhte a lu myit dai; kaning rai nme law, hpung shingkang a Wenyi hte Karai Kasang a Wenyi gaw, nanhte a ntsa e awam nga ai.