ESAIA 61:2 - Jinghpaw Hanson Version Bible

² Yehowa sharawng awng ai shaning hte, anhte a Karai Kasang matai dawp ai shani hpe, hkaw dan na matu mung, yawn hkyen hkrum ai ni hpe shalan shabran na matu mung,

Jinghpaw Common Language Bible 2009

² Dai Madu gaw shi a amyu masha ni hpe Hkye hkrang la nna shanhte a gumlau hpyen ni hpe dang kau na aten du sai lam Tsun shana na matu, Shi ngai hpe shangun dat ni ai. Shi gaw sharung shayawt ai ni yawng hpe shalan shabran na matu

ESAIA 61:2 ပူးပေါင်းရင်းမြစ်များ

ESAIA 1:24

Dai re ai majaw, Israela amyu hta Daru Magam rawng ai, Zaw nawng zaw wa up ai, Madu Yehowa gaw, Gaja wa, ngai e hpyen ai ni hpe ngai yeng kau nna, ngai e n dawng ai ni hpe, matai dawp na nngai.

ESAIA 13:6

Yehowa a nhtoi ni wa ai majaw, sharung shayawt nga mu; dai gaw, N-gun Chyalai rawng ai wa kaw na shoihpa shoirang zawn, du na ra ai.

ESAIA 2:12

Kaning rai nme law, myit kaba nna gumrawng gumtawng re ai ni mahkra a ntsa e mung, rai la dum ai ni nlang hte a ntsa e mung,

ESAIA 25:8

Shi gaw si hkrung si htan hpe mayu kau nu ai; Madu Yehowa gaw myi man shagu a myi prwi katsut kau na ra ai; shi a amyu hkrum ai kaya kahpa hpe mung, ga ntsa ting na shaprai kau na ra ai: dai lam Yehowa tsun da sai.

ESAIA 34:2

Kaning rai nme law; Yehowa gaw amyu baw ni mahkra hpe pawt sindawng nna, shanhte a wunawng wuwa yawng hpe myit kahtet bu nga ai: shi shanhte hpe shamyit kau ai hte, sat kau hkrum na matu ap kau wu ai.

ESAIA 34:8

Kaning rai nme law, Ziun a lam majaw matai htang na shani hte, ari jaw na shaning, Yehowa tawn da sai.

ESAIA 35:4

Da ting mu, hkum hkrit myit, ngu nna myit htum ai ni hpe tsun mu: yu mu, nanhte a Karai Kasang gaw matai htang na matu mung, shi kaw na ari jaw na matu mung, du na ra ai; nanhte hpe hkye hkrang la na matu shi nan du na ra ai.

ESAIA 40:1

Nye a amyu hpe shalan shabran mu, shalan shabran mu, nga nna nanhte a Karai Kasang tsun nga ai.

ESAIA 49:8

Yehowa ning nga ai: “Ang wa ai aten e ngai na a ga htan ya de ai, hkye hkrang la ai nhtoi e ngai nang hpe karum de ai; ngai nang hpe makawp maga nna, dai mung hpe bai shagrin da na hte, katsi katsang re ai shara ni hpe bai madu na matu, mung masha ni a ga shaka nang hpe shatai na de ai:

ESAIA 51:12

Nanhte hpe shalan shabran ai wa gaw, kaga wa n rai, ngai nan rai nga nngai: si ang ai masha hpe mung, tsingdu zawn tai wa na shinggyim masha a kasha hpe mung, hkrit kamyin nna,

ESAIA 57:18

shi a arawn alai ngai mu se ai; ngai shi hpe shamai shatsai na nngai; ngai shi hpe woi wa nna, shi a matu mung, shi hte rau sharung shayawt ai ni matu mung, ngwipyaw lam bai shatai na nngai.

ESAIA 58:5

Ngai ra ai lusha gam ai gaw dai lam rai ni? masha wa shi myit masin hpe shagrit kau ai shani, dai zawn rai ni? mai-aw zawn tinang baw hpe gum nna, lachyit nba hte wan dap nep ai gaw, Yehowa man e lusha gam ai hte, sharawng awng ai shani rai ni?

ESAIA 60:10

Tsasam masha ni a kashu kasha ni gaw, na a bunghku ni hpe dè da nna, shanhte a hkawhkam ni nang hpe daw jau na mara ai: kaning rai nme law, ngai myit kahtet nna, nang hpe kayat timung, n-gaw nwai myit hte nang hpe matsan naw dum na nngai.

ESAIA 66:14

Nanhte dai hpe mu lu ai hte, nanhte a myit masin kabu gara nna, nanhte a nrut nra ni tsit lali ai tsingdu zawn, tsang wa na ra ai; Yehowa a lata gaw shi a shangun ma ni hpe maga nna, hpyen ni hpe pawt sindawng ai myit madun dan na ra ai.

YEREMIA 31:13

Dai shaloi e mahkawn ni ka gumlawt let kabu nna, shabrang ni hte dingla ni rau pyaw na mara ai: shanhte a sharung shayawt ai a malai, kabu gara ai, ngai shatai na nngai; ngai shanhte hpe shangwi shapyaw nna, shanhte yawn hkyen hkrum ai hta kabu shangun na nngai.

YEREMIA 46:10

Kaning rai nme law, dai shani gaw, Zaw nawng zaw wa up ai Madu Yehowa gaw shi e hpyen ai ni hpe matai dawp ai shani rai nga ai: nhtu gaw hkru hkra kawa sha nna, shanhte a sai hpe nang hkra lu na ra ai; Zaw nawng zaw wa up ai Madu Yehowa matu, dingdung mung na Uhprat hka kau e, shagu hkungga nawng ya shara rai nga ai.

MIHKA 3:8

Ngai chyawm gaw, Yaku hpe tinang a tara tawt lai ai lam, Israela hpe tinang a yubak lam, madun dan na matu, Yehowa a Wenyi jaw e, n-gun atsam, tara dara ai nyan hte hpung shingkang hpring nga nngai.

MAHTE 5:4

Yawn hkyen hkrum ai ni gaw, a lu ma ai; kaning rai nme law, shanhte shalan shabran ai hkrum na mara ai.

LUKA 4:19

Madu a sharawng awng ai shaning hkaw tsun dan na matu mung, shi ngai hpe shangun dat ni ai,” nga ai.

LUKA 6:21

Ya kawsi nga ai ni, nanhte a lu myit dai: kaning rai nme law, nanhte hkru kat lu na marin dai. Ya hkrap nga ai ni, nanhte a lu myit dai: kaning rai nme law, nanhte mani na marin dai.

2 KORINHTU 6:2

Kaning rai nme law, Ang wa ai aten e ngai na a ga madat ya de ai, Hkye hkrang la ai nhtoi e ngai nang hpe karum de ai, nga nna shi tsun nga ai; yu mu, ya e pyi mai ang ai aten rai nga ai; yu mu, ya e pyi hkye hkrang la ai nhtoi rai nga ai.

1 HTESALONI 2:16

maigan masha ni hkye hkrang la ai hkrum na matu hkaw tsun dan na, shanhte gaw anhte hpe ban hkum kau mi ai; shing rai shanhte gaw tinang a yubak hpe tutnawng e shalaw jahtam nga nna, dai pawt sindawng ai mung shanhte a ntsa e htum hkra dep nga sai.