ESAIA 61:11 - Jinghpaw Hanson Version Bible

¹¹ Lamu ga gaw apu pu shangun nna, sun gaw gat hkai ai nli hpe maku ku shangun ai hte maren, Madu Yehowa gaw Dinghpring ai hte shakawn kungdawn ai lam, amyu baw ni mahkra a man e tu pru shangun na ra ai.

Jinghpaw Common Language Bible 2009

¹¹ Nli tum ni kaw na maku rawt wa ai hte tu kaba wa ai hte maren, dai Tsaw Htum ai dai Madu gaw shi a amyu masha ni hpe hkye hkrang la na ra ai, Masha amyu baw ni yawng shi hpe shakawn kungdawn na mara ai.

ESAIA 61:11 ပူးပေါင်းရင်းမြစ်များ

NINGPAWT NINGHPANG 1:11

Shaloi Karai Kasang gaw, “Aga gaw, tsingdu tsingman hpe mung, nsi naisi li rawng ai nai mam chyakai hpe mung, ga ntsa e tinang nang a nli rawng ai hte tinang amyu a asi si ai namsi namsaw hpun hpe mung shatut u ga,” nga ai: dai mung shing rai nga ai.

SHAKAWN KUNGDAWN 72:16

Mungdan na bum ni a pungding du hkra, nai mam paw wa nna, Lebanon zawn, de a nsi naisi a hkung nga lu ga: mare masha ni mung, lamu ga na nam lap zawn prut wa mu ga.

SHAKAWN KUNGDAWN 72:3

Dingman ai hku majaw, bum ni hte kawng ni gaw, Amyu masha ni hpe ngwipyaw lam tawn da na mu ai.

SHAKAWN KUNGDAWN 85:11

Sadi sahka gaw lamu ga de na tu pru nna, Dinghpring ai gaw sumsing lamu de na mada yu na ra ai.

Shawlumon A Mahkawn Ga 4:16

Dingdung nbung e, rawt u; dingda nbung e, wa rit; Nye sun a manam pyaw ai baw mawng wam nga mu ga, De a ntsa e bung sun nga mu. Ngai tsawra ai wa gaw, shi a sun hta shang nna, De a dwi sau ai namsi sha nga u ga.

ESAIA 4:2

Dai shani e Yehowa a Makrung gaw tsawm pra ai hte arawng sadang pu na ra ai rai nna, mungdan a namsi gaw, lawt lu ai Israela masha ni a matu, kaja htum ai hte htaphtuk na ra ai.

ESAIA 45:23

Lahput shagu nye a man e hput di nna, shinglet shagu ngai hta hpa let dagam nga na gaw, nye hkum hpe ngai dagam da ai hte, ndai dinghpring ai ga gaw nye n-gup na pru wa sai rai nna, nhtang wa lu na n rai.

ESAIA 45:24

“Yehowa hta chyu sha dinghpring ai hte n-gun atsam rai nga ai da,” nga nna nye a lam tsun da sai; masha ni gaw shi hpang de du na mara ai; shi hpe pawt sindawng ai ni yawng, kaya kahpa hkrum na mara ai.

ESAIA 45:8

Sumsing lamu ni e, ntsa de na yun hkrat mu; sumwi ni dinghpring ai hpe htu mu ga: ginding aga gaw pu pu nna, hkye hkrang la ai chyeju si si u ga; dinghpring ai gaw rau tu wa u ga: ngai Yehowa gaw dai lam hpan da nngai.

ESAIA 46:13

ngai gaw nye a dinghpring ai hpe shani la nna, dai gaw tsan nga ai n rai; nye a hkye hkrang la ai lam ganung nga ai n rai; ngai gaw Ziun bum hta hkye hkrang la ai lam, Israela hta e, nye a arawng sadang hpe, tawn da na we ai.

ESAIA 48:18

Nang gaw nye a hkang ai ga hpe shatup nga u: dai rai yang na a ngwipyaw ai lam hka nu zawn, na a dinghpring ai gaw, nammukdara hka leng ni zawn, tai wa na mara ai:

ESAIA 58:11

Yehowa gaw nang hpe tutnawng woi wa nna, hkraw hkun ai shara e na a myit masin hpe jahkru shakat ya ai hte, na a nrut nra ni hpe n-gun shaja ya na ra ai: nang gaw hka rawng ai sun hte, galoi n hkyet mat ai hka hpawk zawn, tai na rin dai.

ESAIA 60:18

Na a mung hta kashun kashe, nang shanu ai shara hta, katsi katsang hte hten byak ai htawm hpang de n nga na sai; nang gaw na a bunghku ni hpe Hkye hkrang la ai lam, na a chyinghka ni hpe Shakawn Kungdawn ai shara, nga nna shamying na wu ai.

ESAIA 60:21

Na a amyu masha ni gaw, hkum ting dinghpring ai ni, tai na mara ai; ngai gaw arawng sadang lu la na matu, shanhte gaw, ngai hkai da ai bawng, nye lata shabyin ai amu ngu ai mungdan hpe, prat dingsa madu na mara ai.

ESAIA 62:1

Ziun mare na dinghpring ai gaw, kabrim ala nga ai hte, Yerusalem mare na hkye hkrang la ai lam, pyengdin zawn htoi tu nga ai du hkra, ngai atsin sha nga na n rai, ban sa ai mung nga na n rai.

ESAIA 62:2

Maigan amyu ni, na a dinghpring ai hpe, hkawhkam ni mahkra gaw, na a arawng sadang hpe, mu mada nna, Yehowa n-gup na pru ai mying nnan hte nang hpe shaga na mara ai.

ESAIA 62:7

Shi gaw Yerusalem mare hpe garai n shagrin da ai hte, ga ntsa e shakawn kungdawn lam garai n shatai dingsa, shi hpe hkum sim shangun myit.

MAHTE 13:23

Ga kaja hta gat ai nli a lam chyawm gaw, dai ga hpe na la nna hta la nu ai hte, gaja wa teng teng asi si nna, nkau mi dang latsa, nkau mi kru shi, nkau mi sumshi jat wa ai wa hpe, rai nga ai,” ngu wu ai.

MAHTE 13:3

Shaloi, lam law law wa ga shadawn hku hte shi shanhte hpe tsun mu ai gaw, “Nli gat ai wa gaw nli gat na pru sa wa ai.

MAHTE 13:8

Nkau mi gaw ga kaja hta hkrat wa nna, asi si wa ai: nkau mi dang latsa, nkau mi kru shi, nkau mi sumshi si mayat wa ai:

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.