ESAIA 61:10 - Jinghpaw Hanson Version Bible

¹⁰ Ngai gaw Yehowa hta aja awa kabu gara nga nna, nye a myit masin gaw, nye a Karai Kasang hta sharawng awng na ra ai; kaning rai nme law, la ningnan gaw nampan shanghkawng gup ai zawn mung, num ningnan gaw shi a lungseng ni hte shi a hkum hpe mawn sumli ai zawn mung, shi ngai hpe hkye hkrang la ai hpun palawng jahpun ya nna, dinghpring ai nba lawai ya ni ai.

Jinghpaw Common Language Bible 2009

¹⁰ Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

ESAIA 61:10 ပူးပေါင်းရင်းမြစ်များ

NINGPAWT NINGHPANG 24:53

Bai dai kunhting wa gaw, gumhpraw sumli rai, aja sumli rai hte hpun palawng re ai ni shaw nna Rebeka hpe jaw wu ai; kanu yan kayung wa hpe mung hpu ai baw amyu myu jaw wu ai.

2 HKAWHKAM LABAU 6:41

Dai re ai majaw Yehowa Karai Kasang e, rawt u, nang hte na a sumpu a daru magam na a shanu ai shara hta anga nga u ga: Yehowa Karai Kasang e, na a hkinjawng ni hkye hkrang la ai hpe bu hpun nna, na a chyoi pra ai ni chyeju hta kabu gara nga mu ga.

NEHEMIA 8:10

Bai shi gaw, “Sa wa mu; sau ai hpe sha mu, dwi ai hpe lu mu; n lu ai ni hpe gam jaw mu: dai ni gaw Madu a chyoi pra ai shani rai nga ai; myit hkum kaji myit; Yehowa hta kabu gara nga ai gaw, nanhte a n-gun atsam rai nga ai.”

YOBA 29:14

Ngai gaw dinghpring ai hpe hpahpun shatai nna, dai gaw nye a hpun palawng rai nga ai. Ngai dawdan ai lam nye palawng galu hte janmau rai nga ai.

SHAKAWN KUNGDAWN 132:16

Shi a hkinjawng ni hpe hkye hkrang la ai lam hte ngai jahpun na mawe ai: Shi a chyoi pra ai ni gaw kabu gara ai hte jahtau na ma ai.

SHAKAWN KUNGDAWN 132:9

Na a hkinjawng ni dinghpring ai hpe bu hpun nna, Na a chyoi pra ai ni kabu gara let jahtau nga mu ga.

SHAKAWN KUNGDAWN 28:7

Yehowa gaw nye a n-gun hte n-gang rai nga ai, Shi hta nye a myit shingbyi nga nna ngai karum ai hkrum ni ai. Dai majaw nye a myit awng nga nna, Mahkawn mangoi let ngai shi hpe chyeju jaw na nngai.

SHAKAWN KUNGDAWN 35:9

Shing rai nye a myit masin Yehowa hta kabu nga nna, Shi a hkye hkrang la ai lam hta sharawng awng nga na li ai.

Shawlumon A Mahkawn Ga 1:10

Na a shabyi ni lakan hte mawn nna, Na a du gaw lungseng gali nga ai.

ESAIA 12:1

Dai shani e nang gaw, “Yehowa e, ngai nang hpe shakawn na de ai; nang ngai hpe pawt bu timung, myit bai kawp wa nna, ngai hpe shangwi shapyaw ya ndai.

ESAIA 12:2

Yu mu, Karai Wa gaw ngai hpe hkye hkrang la ai wa rai nga ai; ngai shi hta shamyet shanat nga nna, hkrit kajawng na n rai: kaning rai nme law, Yehowa gaw, rai sa, Yehowa nan, nye a n-gun lagaw hte mahkawn mangoi lam rai nga ai: shi gaw, ‘ngai hpe hkye hkrang la ai Madu tai wa sai,’ nga nna tsun na ndai.

ESAIA 17:10

Kaning rai nme law, nang hpe hkye hkrang la ai Karai Kasang hpe nang malap kau nna, nang hpe n-gun jaw ai lunghkrung hpe n dum ndai; dai majaw manam pyaw ai nampan nang hkai nna, sumtsan mung na bawng hte shatsawm wu ai:

ESAIA 25:1

Yehowa e, nang gaw nye a Karai Kasang rai nga ndai; ngai nang hpe shagrau na nngai, na a mying nsang hpe shakawn na nngai; nang gaw mauhpa amu galaw nit dai; moi kaw nna nang hpaji daw ai lam ni, kangka ai hte tengman ai rai nga ai.

ESAIA 25:9

Dai shani e, Yu u, ndai gaw anhte a Karai Kasang rai nga ai: anhte shi hpe myit mada nna, shi anhte hpe hkye hkrang la na ra ai; ndai gaw Yehowa nan rai nga ai; anhte shi hpe myit mada nna, shi a hkye hkrang la ai lam majaw anhte kabu gara awng sharawng nga na ra ga ai, nga nna tsun shajang na mara ai.

ESAIA 35:10

Yehowa majaw hkye hkrang la hkrum ai ni gaw nhtang wa nna, mahkawn mangoi let Ziun bum de du na mara ai: shanhte a baw ntsa e htani htana kabu gara gup na ra ai: shanhte awng sharawng let kabu gara nga nna, yawn hkyen ai hte madai ai gaw sim mat na ra ai.

ESAIA 41:16

Nang shanhte hpe katsap nna, nbung gaw dai ni hpe ahpawt kau na ra ai; laru gaw shanhte hpe kamawng kau na ra ai: nang chyawm gaw Yehowa hta kabu gara nga nna, Israela Chyoi pra ai Wa hta gumrawng nga na rin dai.

ESAIA 48:18

Nang gaw nye a hkang ai ga hpe shatup nga u: dai rai yang na a ngwipyaw ai lam hka nu zawn, na a dinghpring ai gaw, nammukdara hka leng ni zawn, tai wa na mara ai:

ESAIA 49:18

Grup yin shara shagu mada yu u: ndai ni yawng hpawng nna, nang hpang de du mara ai. Yehowa ning nga ai: “Ngai hkrung nga ai hte maren, nang gaw na hkum hpe ndai ni hte mawn sumli nna, num ningnan zawn, shanhte hpe kyit na rin dai.

ESAIA 49:4

Ngai mahtang, “Ngai gaw kaman sha shakut sharang nngai; lila be lagya n-gun dat nngai; rai timung, nye a lam Yehowa man e rai nga nna, ngai hkam la na shabrai gaw, nye a Karai Kasang a lata hta rai nga ai,” nga nna tsun nngai.

ESAIA 51:11

Shing rai, Yehowa a lata hte hkye mawai la hkrum ai ni bai wa nna, Ziun bum de mahkawn mangoi let du na mara ai: shanhte a baw ntsa e, prat dingsa na kabu gara ai gaw, mara nga na ra ai; shanhte gaw sharawng awng nna, ngwipyaw ai lu la na mara ai; yawn hkyen ai hte madai ai gaw hkoi mat na ra ai.

ESAIA 51:3

Kaning rai nme law, Yehowa gaw Ziun hpe shalan shabran ya wu ai: shi gaw Ziun a katsi katsang re ai shara ni mahkra hpe shaman ya ai hte, de a nam mali hkan e Eden zawn, de a zaibru jang e Yehowa a sun zawn, shatai wu ai: sharawng awng ai hte kabu gara ai, chyeju dum ai nsen hte mahkawn mangoi ai, de a kata e hpring na ra ai.

ESAIA 52:1

Ziun e, hprang u, hprang u, na a n-gun atsam dagraw u; chyoi pra ai mare Yerusalem e, na a tsawm htap ai hpun palawng hpe mawn sumli u: kaning rai nme law, ya kaw nna matu n gadoi ai hte n san n seng ai wa kadai mung, nang kaw shang lu na n rai.

ESAIA 56:7

ngai gaw nye a chyoi pra ai bum de woi jashawn nna, nye a akyu hpyi ai nta hta kabu gara shangun na nngai: shanhte wan nat hkungga hte mayu hkungga hpe nye hkungri ntsa e hkap la na nngai; kaning rai nme law, nye a nta gaw amyu baw shagu baw shagu a matu akyu hpyi ai nta ngu na mu ai.

ESAIA 58:14

Yehowa hta nang awng sharawng nna, ga ntsa na tsaw htum ai shara ni a ntsa e, ngai nang hpe jawn shangun ai hte, na nwa Yaku a sali wunli hta nang hpe bau na de ai: kaning rai nme law, Yehowa a n-gup, dai ga tsun nga ai.

ESAIA 61:3

Ziun mare hta sharung shayawt ai ni hpe, wan dap a malai nampan shanghkawng, sharung shayawt ai a malai kabu gara ai namman, myit kaji ai a malai kabu gara ai hpun palawng jaw na matu mung, shi ngai hpe shangun dat nngai; shing rai, Yehowa gaw arawng sadang lu la na matu, shanhte gaw, shi hkai da ai dinghpring ai hpun ni ngu ai mying, mying na mara ai.

ESAIA 65:18

Ngai hpan da ai lam hta nanhte tutnawng kabu gara sharawng awng nga mu: kaning rai nme law, yu mu, Yerusalem hpe kabu gara ai shara, de a amyu masha ni hpe sharawng awng ai lam tai na, ngai hpan da nga nngai.

YEREMIA 2:32

Mahkawn gaw, tinang mawn sumli ai gali lakai hpe, num ningnan gaw tinang a shingkyit hpe, malap kau lu a ni? nye a amyu masha ni chyawm gaw, n dang hti hkra law ai nhtoi tup, ngai hpe malap mali kau ma ni ai.

EZEKELA 42:14

Hkinjawng ni gaw shang wa ngut jang, daw jau ai hpun palawng bu hpun let, chyoi pra ai shara kaw na shinggan wang de pru lu na n rai: dai hpun palawng chyoi pra nga ai majaw, kaga hpun palawng galai nhtawm, yu maya ni hte seng ai shara de pru lu na ma ai,” nga nna ngai hpe tsun ai.

HABAKU 3:18

Ngai gaw Yehowa hta kabu gara nga na nngai; Ngai hpe hkye hkrang la ai Karai Kasang hta sharawng awng nga na nngai.

ZEHKARIA 10:7

Ehprim masha ni gaw share ninghkrin zawn tai nna, tsabyi jahku hte hkru ai zawn, shanhte a myit masin kabu gara na ra ai; gaja wa, shanhte a kashu kasha ni, dai hpe mu nna, kabu gara na mara ai: shanhte a myit masin gaw, Yehowa hta sharawng awng na mara ai.”

ZEHKARIA 3:5

Ngai mung, “San seng ai lagup shi hpe shagup ya u ga,” ngu nna hpyi nngai; shing rai shanhte gaw, san seng ai lagup shi hpe shagup ya nna, shi hpe shabu jahpun mu ai: Yehowa a lamu kasa mung, makau e tsap nga ai.

LUKA 15:22

Kawa chyawm gaw shi a mayam ni hpe, “Reng htum ai hpun palawng alawan la sa nna, shi hpe jahpun ya maru; shi a lata hta lachyawp chyawp ya maru; lagaw hta kyepdin din ya maru;

ROMA 13:14

Dai hta n-ga, Madu Yesu Hkristu hpe bu hpun dagraw nga mu: hkum shan a myit marin ai hku shadik na matu, hkum maw hkum hkyen nga myit.

ROMA 14:17

Kaning rai nme law, Karai Kasang a mungdan gaw, sha sha, lu lu rai na hku n re ai sha, Chyoi pra ai Wenyi e, dinghpring ai, ngwipyaw ai hte kabu gara ai, rai nga ai.

ROMA 3:22

dai gaw Yesu Hkristu hta kamsham ai a majaw, kamsham ai ni nlang hte a matu mara Karai Kasang a dinghpring lu ai lam rai nga ai: lachyen lahka chyawm gaw hpa mung n nga lu ai.

ROMA 5:11

Bai, dai hta n-ga, anhte a Madu Yesu Hkristu a marang e, Karai Kasang hta mung anhte kabu gumrawng nga ga ai: shi a majaw dai htinglu htinglai ai chyeju gaw anhte ya hkam la lu sagaw ai.

GALATI 3:27

Hkristu hta e baptisma hkam ai ni yawng hte gaw, Hkristu hpe bu hpun sumraw nga myit dai.

HPILIPI 3:9

Dai hta n-ga Hkristu hpe ngai lum la lu nna, shi hta grin nga lu na hte, jep ai tara na nye a dinghpring ai n rawng ai sha, Hkristu a makam masham a marang e kamsham ai hte lu la ai Karai Kasang a dinghpring ai rawng nga let,

HPILIPI 4:4

Dai Madu hta tutnawng e kabu gara nga mu; bai ngai tsun nngai, kabu gara nga mu.

1 PETRU 1:8

Dai Yesu hpe nanhte n mu yu timung, tsawra nga manit dai; shi hpe garai n mada mu mu timung, shi hpe kamsham nga ai a gawp e, n dang tsun hkra dan hkung ai kabu gara ai hte nanhte kabu gara nga myit dai rai nna,

SHINGRAN 21:2

Shaloi chyoi pra ai mare ngu ai Yerusalem ningnan gaw, la ningnan a matu mawn sumli ai num ningnan zawn, lajang shachyip ngut nna, Karai Kasang a man sumsing lamu de na yu hkrat wa ai, ngai mu nngai.

SHINGRAN 21:9

Shaloi, hpang jahtum na ari zinli hte hpring chyat re ai gawm sanit lang ai lamu kasa sanit hta na langai mi sa du nna, ngai hte ga tsun ai gaw, “Sa rit, dai Sagu Kasha a madu jan ngu ai num ningnan, ngai nang hpe madun dan de ga,” nga ai.

SHINGRAN 4:4

Dai tingnyang grup yin e tingnyang hkun mali naw nga nga ai; dai tingnyang ni hta hpraw ai hpun palawng bu hpun nna, baw hta ja janmau gup ai salang hkun mali grup rai dung nga ma ai.

1 SAMUELA 2:1

Shaloi Hana akyu hpyi let shakawn wu ai gaw, “Nye a myit masin Yehowa hta kabu nga li ai: Yehowa majaw nye a nrung tsaw nga li ai; Shi a hkye hkrang la ai chyeju hta kabu nngai majaw, Nye a hpyen ni a man e ngai grang lu ni ai.