ESAIA 61:1 - Jinghpaw Hanson Version Bible

¹ Madu Yehowa a Wenyi gaw nye a ntsa e dung nga ai; kaning rai nme law nga yang, matsan mayan ni hpe kabu gara shiga hkaw tsun dan na matu, Yehowa ngai hpe namman chya ya ni ai; gawng run ai ni a nma hpe ahkyen kayawp na matu mung, bawng dung ai ni hpe shalawt dat na lam, gyit hkang hkrum ai ni hpe htawng chyinghka hpaw ya na lam, hkaw dan na hte,

Jinghpaw Common Language Bible 2009

¹ Tsaw Htum ai dai Madu gaw ngai hpe shi a Wenyi hte jahpring ya ni ai. Matsan mayan ni hpang de kabu gara shiga gun sa na matu mung, Myit daw mat sai ni hpe shamai shatsai ya na matu mung, Bawng dung ai ni hpe raw dat na matu mung, Htawng hta shareng da hkrum ai ni hpe shalawt dat na matu mung, Shi ngai hpe lata la nna shangun dat nu ai.

ESAIA 61:1 ပူးပေါင်းရင်းမြစ်များ

SHAKAWN KUNGDAWN 102:20

Bawng dung ai ni a madai ai hpe shi madat nga ai, Si na wa a matu shi chyinghka hpaw ya nga ai.

SHAKAWN KUNGDAWN 147:3

Myit maku daw ai ni hpe shi shamai ya nna, Shanhte a nma hpe ahkang kayawp ya mu ai.

SHAKAWN KUNGDAWN 149:4

Kaning rai nme law, Yehowa gaw shi a amyu hta, awng nga ai rai nna, Myit gyip nga ai ni hpe hkye hkrang la ai hte, mawn sumli mu ai.

SHAKAWN KUNGDAWN 2:6

“Ngai gaw, nye a chyoi pra ai Ziun bum hta e Nye a hkawhkam wa hpe tawn da ni ai,” ngu na mu ai.

SHAKAWN KUNGDAWN 22:26

Matsan mayan ni hkru kat hkra lu sha lu na mara ai, Yehowa hpe hkan tam ai ni, shi hpe shakawn na mara ai; Nanhte a myit masin tutnawng e ahkrung nga malit ga.

SHAKAWN KUNGDAWN 25:9

Myit gyip ai ni hpe tara lam de shi lau la nna, Myit gyip ai ni hpe shi a lam sharin ya mu ai.

SHAKAWN KUNGDAWN 34:18

Yehowa gaw myit maku daw ai ni hte ani sha rai nga ai rai nna, Wenyi htum ai ni hpe hkye la mu ai.

SHAKAWN KUNGDAWN 45:7

Nang gaw dinghpring ai tsaw nna yubak hpe n dawng ndai: Dai majaw Karai Kasang gaw, na a Karai Kasang, Na a manang ni hta, kabu gara ai namman hte nang hpe grau chya ya nit dai.

SHAKAWN KUNGDAWN 51:17

Karai Kasang tsaw nga ai shagu hkungga gaw, Gawng run mat ai wenyi hpe rai nga ai. Karai Kasang e, gawng run nna htum mat ai myit hpe, Nang gang kau nga na ndai n rai.

SHAKAWN KUNGDAWN 68:7

Karai Kasang e, na a amyu a man e nang pru sa nna, Nam mali hta e hkawm langang ai shaloi e, [Selah.]

SHAKAWN KUNGDAWN 69:32

Myit nem ai ni dai lam hpe mu nna, kabu gara na mara ai. Karai Kasang hpe tam ai ni e, myit masin bran nga malit ga.

PRU MAT 28:41

Shing rai na nhpu Arun hte shi a shadang sha ni hpe nang shabu jahpun nna, nye a man e hkinjawng amu gun hpai nga na matu, shanhte hpe namman chya nna, aya dang da ai hte shachyoi shapra na rai mu ai.

PRU MAT 29:7

Shing di nhtawm chya na namman la nna, shi a baw hta ru bun let shi hpe chya na rai wu ai.

ESAIA 29:19

Myit kyip ai ni gaw, Yehowa hta hpa let kabu gara shalaw na mara ai; ga ntsa na matsan mayan ni gaw, Israela a Chyoi pra ai Wa hta awng sharawng na mara ai.

ESAIA 30:19

Yerusalem mare na Ziun bum ntsa e shanu nga ai amyu e, nang gaw htawm hpang de hkrap sa na, n rai; nang jahtau ai nsen majaw, shi teng teng gaja wa nang hpe matsan dum na ra ai; dai nsen hpe na jang, shi htan na ra ai.

ESAIA 30:26

Dai hta n-ga, Yehowa gaw, shi amyu a nma hpe kayawp nna, shanhte a hkala nba hpe shamai shatsai ai shani e, shata a nhtoi gaw jan a nhtoi zawn, jan a nhtoi gaw, myi na hta, htam sanit htoi na ra ai.

ESAIA 32:7

Maji ai wa a galaw ai lam mung, n hkru la nga ai: matsan mayan ni tara hte maren galaw timung, masu ai ga hte myit gyip ai ni hpe jahten na nga, shi n hkru ai hpaji daw nga ai.

ESAIA 40:9

Ziun bum de kabu gara shiga htawn tsun ai wa e, tsaw ai bum de lung u; Yerusalem mare de kabu gara shiga htawn tsun ai wa e, na a nsen hpe tsam mari sharawt u; dai hpe sharawt u, hkum hkrit et; “Nanhte a Karai Kasang hpe mada yu mu,” ngu nna Yuda mare ni hpe tsun u.

ESAIA 42:1

Ngai shadaw ai nye a shangun ma, ngai lata la ai nye tsawra ai wa hpe, yu mu: nye a Wenyi shi a ntsa e ngai bang da ya nngai; shi gaw amyu baw ni hpe tara dara na ra ai.

ESAIA 42:7

ngai Yehowa nan dinghpring ai hte nang hpe shaga la nna, na a lata hpe shadaw let, nang hpe makawp maga nna, masha amyu ni a matu ga shaka, maigan amyu ni a matu nhtoi, nang hpe san da de ai.

ESAIA 48:16

Ngai hpang de sit sa nna, ndai ga madat mara mu; ngai gaw npawt kaw nna mayun e tsun ai n rai: byin pru ai shani kaw nna ngai lawm nga nngai; ya mung Madu Yehowa hte shi a Wenyi ngai hpe shangun dat nngai.

ESAIA 49:9

shing rai nang gaw, bawng dung ai ni hpe, “Pru wa mu,” nsin e dung nga ai ni hpe, “Dawng pru wa mu,” ngu nna tsun na maru ai. shanhte gaw hkrun lam e shat lusha nna, krin ai kawng shagu ntsa e, shanhte a matu udat shara tai na ra ai.

ESAIA 52:7

Shiga kaja gun nna, ngwipyaw ai lam shana, kaja ai shiga kajai gumhkawng ai hte, hkye hkrang la ai lam shana ya let, “Na a Karai Kasang up nga ai,” nga nna Ziun hpe tsun shana ai wa a lagaw gaw, bum lang ntsa e gade tsawm htap nga a hka!

ESAIA 52:9

Yerusalem na katsi katsang shara ni e, mahkawn mangoi let, rau garu mu: Yehowa gaw shi a amyu hpe shalan shabran ai hte, Yerusalem mare hpe hkye mawai la wu ai.

ESAIA 57:15

Kaning rai nme law, Htani htana anga nga nna, Chyoi pra mying ai wa, Matsaw Ntsang na Daru Magam rawng ai wa gaw, ning nga ai: “Ngai gaw tsaw htum ai shara hte chyoi pra htum ai shara hta shanu nga nna, myit gyip ai wa a wenyi hpe shalan shabran na matu mung, myit nem ai wa a myit masin hpe shalan shabran na matu mung, myit nem ai wa hte myit gyip ai wa hte rau, ngai shanu nga nngai.

ESAIA 57:18

shi a arawn alai ngai mu se ai; ngai shi hpe shamai shatsai na nngai; ngai shi hpe woi wa nna, shi a matu mung, shi hte rau sharung shayawt ai ni matu mung, ngwipyaw lam bai shatai na nngai.

ESAIA 59:21

Bai Yehowa gaw, “Ngai shanhte hte tawn da ai, nye a ga shaka gaw, da ndai rai nga ai: na ntsa e dung ai nye a wenyi mung, na n-gup hta ngai bang da ai nye a sumtu ga mung, na a n-gup hta na mung, na nshu nsha ni a n-gup hta na mung, na a shu mashi shu masha ni a n-gup hta na mung, ya kaw nna htani htana prat du hkra, htum mat na n rai,” nga nna Yehowa tsun ai.

ESAIA 66:2

Nye a lata dai lam yawng mayawng hpe galaw da nna, dai ni mahkra byin wa sai: rai timung ngai gaw, myit kyip ai hte gawng run nna, nye a ga majaw hkrit gari chye ai wa hpe, mada yu nngai.

YEREMIA 34:8

Mung masha ni langai hte langai, yam sha ai Hebre la hte Hebre num ni hpe dat dat nna, Yuda wa gaw tinang hpunau wa hpe, htawm hpang e mayam n yam na, nga nna hkawhkam Zedekia gaw Yerusalem masha ni mahkra hte ga sadi tawn da ai hpang, Yehowa kaw na Yeremia hpang de du ai mungga gaw da ndai rai nga ai.

YEREMIA 52:33

Shing rai Yehoiahkin gaw shi a prat dingsa e hkawhkam a man e lusha nga lu nna,

Daniela 9:24

Tawt lai ai amu hpe shangut na hte, yubak hpe jahtum kau na matu mung, shut hpyit ai a matu gawng malai hkungga nawng ya nna, prat dingsa dinghpring ai hpe jashawn na matu mung, shingran hte myihtoi ga hpe dazik shakap nna, chyoi pra htum ai shara hpe namman chya ya na matu mung, na a amyu hte, na a chyoi pra ai mare ntsa e, nhtoi bat sanit shi, san da nga sai.

HOSEA 6:1

“Sa marit, Yehowa hpang de bai wa ga; shi amya kau timung, bai shamai ya na mi ai; jahpye kau timung, nma kayawp ya na mi ai.

JAW JAU 7:35

Dai gaw, Arun hte shi a shadang sha ni Yehowa a man e hkinjawng amu gun hpai nga na matu, shanhte hpe aya dang ai shani e Yehowa hpe wan hte nawng ai kumhpa ni hta na, shanhte lu la ai namman chya ya ai kumhtaw rai malu ai; Israela a kashu kasha ni a lata na kumhtaw dai lu la na matu, Yehowa shanhte hpe namman chya ya ai shani e hkang da ai lam rai nga ai: dai gaw shanhte a shu mashi shu masha prat dingsa na kumhtaw rai nga malu ai.

MIHKA 3:8

Ngai chyawm gaw, Yaku hpe tinang a tara tawt lai ai lam, Israela hpe tinang a yubak lam, madun dan na matu, Yehowa a Wenyi jaw e, n-gun atsam, tara dara ai nyan hte hpung shingkang hpring nga nngai.

MAHTE 11:5

myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai hte, matsan mayan ni a matu kabu gara shiga hkaw dan nga ai:

MAHTE 3:16

Ya Yesu gaw baptisma hkam la ngut jang, dai hka hta na byawn hprang rai lung wa nna, yu u, lamu gaw hpaw malang wa nhtawm, Karai Kasang a Wenyi gaw, hkrudu zawn yu hkrat wa nna, shi a ntsa e dung nga ai hpe shi mu lu ai:

LUKA 7:22

Shaloi htan let shi shan hpe, Na mana mu mamu hte maren Yawhan hpe wa tsun dan mu: myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai, matsan mayan ni a matu kabu gara shiga hkaw dan nga ai:

YAWHAN 1:41

Dai wa gaw shi a kahpu Simun hpe shawng mu nna, “An gaw Meshia hpe mu saga ai,” ngu nna shi hpe tsun dan wu ai: (Meshia ngu ai ga lachyum gaw, Hkristu nga ai, rai nga ai.)

YAWHAN 3:34

Karai Kasang e shangun dat ai wa gaw, Karai Kasang a mungga tsun nga ai: kaning rai nme law, Karai Kasang gaw shadawn sharam nna sha, Wenyi jaw wu ai n rai.

KASA 10:38

dai gaw Nazaret wa Yesu a lam rai nga ai; Karai Kasang gaw Chyoi pra ai Wenyi hte mung, n-gun atsam hte mung, shi hpe chya ya wu ai; Karai Kasang shi hte rau rai nga ai majaw, mai kaja ai amu shi galaw nna, nat gumlau e zingri zingrat hkrum ai ni yawng mayawng hpe shamai ya let, kawan katsan hkawm nga ai.

KASA 26:18

shanhte a myi jahpaw na matu, ngai nang hpe shanhte hpang de shangun dat de ai rai nna, na a amyu a lata na mung, maigan masha ni a lata na mung, hkye hkrang la na de ai,’ nga nna ngai hpe tsun nngai.

KASA 4:27

Gaja wa teng teng, na a lata, na a myit hpaji hte tau hpang da ai hku, byin wa lu hkra, nang namman chya ai, na a chyoi pra ai wa Shangun ma Yesu hpe tai na nga,

2 KORINHTU 3:17

Dai Madu chyawm gaw dai Wenyi rai nga ai rai nna, dai Madu a Wenyi nga ai shara hkan e shanglawt mung rai nga ai.

2 KORINHTU 7:6

Rai timung, myit gyip ai ni hpe shangwi shapyaw ai Karai Kasang gaw, Titu du sa ai hte e anhte hpe shangwi shapyaw mi ai.

HEBRE 1:9

Nang dinghpring ai tsaw nna, yubak hpe n dawng ndai; Dai majaw Karai Kasang gaw, na a Karai Kasang, Na a manang ni hta, kabu gara namman hte nang hpe grau nna chya ya nit dai.”