ESAIA 60:9 - Jinghpaw Hanson Version Bible

⁹ Gaja wa, na a Karai Kasang Yehowa a amying nsang majaw mung, nang hpe hpung shingkang sharawng ya ai, Israela a Chyoi pra ai wa majaw mung, na a kashu kasha ni hte hpawn, shanhte a aja gumhpraw hpe sumtsan mung de na la wa na matu, zunlawng ni ngai hpe ala nga nna, Tarshi sanghpaw li ni shawng jin nga na mara ai.

Jinghpaw Common Language Bible 2009

⁹ Dai ni gaw sumtsan mung na du wa ai sanghpaw li ni rai nna, Karai Kasang a amyu masha ni hpe nta de woi wa nga ma ai. Shanhte gaw masha amyu baw ni yawng hpe Shi a amyu masha ni a matu shagrau sha-a hkrum shangun nga sai. Dai Madu Israela a chyoi pra ai Karai Kasang hpe Shagrau sha-a na matu shanhte hte rau aja gumhpraw la wa ma ai.

ESAIA 60:9 ပူးပေါင်းရင်းမြစ်များ

NINGPAWT NINGHPANG 9:27

Karai Kasang Yahpet hpe maden shajat dat nna, Shem a sum hkan e shi nga nga u ga: Hkanan chyawm gaw shi a mayam tai nu ga,” nga ai.

1 HKAWHKAM 10:1

Ya Sheba hkawhkam jan gaw, Yehowa a mying nsang hte seng ai Shawlumon a kajai gumhkawng wa ai lam hpe na wu yang, shi hpe gumwai ga hte chyam yu na matu, sa du wu ai.

1 HKAWHKAM 10:22

Kaning rai nme law, hkawhkam wa gaw Kiram a sanghpaw li ni hte rau, Tarshi ngu ai sanghpaw li ni hpe mung, nammukdara hta hkawm shangun wu ai: Tarshi ngu ai sanghpaw li ni gaw, masum ning hta lang mi wa du nna, aja gumhpraw, magwi kawng, awoi hte u tawng ni hpe wa htaw ya mu ai.

1 HKAWHKAM 22:48

Yehosahpat gaw, Ohpira mung de aja sa htaw na nga, Tarshi sanghpaw li shachyaw timung, Ezion-gebera danam e hten grawp mat lu ai majaw, n sa lu ma ai.

1 HKAWHKAM 8:41

“Dai hta n-ga, sumtsan mung na masha ni gaw, na a daru magam amying hpe mung, na n-gun ja ai lata hte ladawn ai lahpum hpe mung, chye wa lu nna,

SHAKAWN KUNGDAWN 48:7

Nang gaw sinpraw de na nbung laru hte, Tarshi a hpaga li ni hpe agrawp kau mu ai.

SHAKAWN KUNGDAWN 72:10

Tarshi hte zunlawng ni a hkawhkam ni kumhpa sak nna, Sheba hte Seba hkawhkam ni kang bang nga mu ga.

SHAKAWN KUNGDAWN 97:1

Yehowa gaw Hkawhkam rai nga ai; Ginding aga kabu jahtau nga u ga; Zunlawng law law ni mung, kabu gara nga mu ga.

PRU MAT 33:19

Yehowa gaw, Nye a mai kaja ai hpung mahkra na a man e ngai shalai dat nna, Yehowa a mying hpe na man e ngai shapraw na we ai: chyeju madun mayu ai wa hpe ngai chyeju madun na we ai; matsan dum myit rawng ai wa hpe ngai matsan dum na we ai.

GA SHAGAWP 18:20

Masha a kan gaw, tinang n-gup a asi hte hpring lu nga ai; Tinang nten a amyat hte hkru kat lu na ra ai.

ESAIA 11:11

Dai aten e, Madu gaw, lahkawng lang ngu na, shi a lata bai ladawn nna, naw ngam nga ai, shi a amyu masha ni hpe, Asuri mung, Egutu mung, Pahtru mung, Hkusha mung, Elam mung, Shina mung, Hamat mung hte nammukdara zunlawng ni hta na, mawai la na ra ai.

ESAIA 2:16

Tarshi sanghpaw li shagu a ntsa e mung, tsawm la ai dawnghkawn shagu a ntsa e mung, Zaw nawng zaw wa up ai Yehowa a nhtoi du na ra ai rai nna, dai hte yawng shagrit kau ai hkrum na ra ai.

ESAIA 24:15

Dai re ai majaw, jan pru maga de na ni, Yehowa hpe, nammukdara zunlawng ni, Israela Karai Kasang Yehowa amying nsang hpe, shagrau sha-a mu.

ESAIA 42:10

Nammukdara rap ai ni hte dai hta nga manga hpawn, zunlawng ni hte dai hta shanu ai ni e, mahkawn mangoi ningnan hte Yehowa hpe mahkawn mu, lamu ga jahtum de nna shi hpe shakawn mu.

ESAIA 42:4

Shi a tara ding ai lam ga ntsa e garai n grin nga yang, shi n-gun yawm na n rai, gawng mung run na n rai: zunlawng ni shi a tara hpe a mada nga na ra ai.

ESAIA 43:4

Nang gaw nye a man e ging dan nna, arawng sadang lu ai hte, ngai nang hpe tsawra nngai majaw, na a malai masha ni hpe, na asak a malai masha amyu ni hpe ngai jaw na nngai.

ESAIA 43:6

ngai gaw, “Ap ya u,” ngu nna dingdung maga hpe mung, “Hkum ndang u,” ngu nna dingda maga hpe mung, tsun na nngai.

ESAIA 46:13

ngai gaw nye a dinghpring ai hpe shani la nna, dai gaw tsan nga ai n rai; nye a hkye hkrang la ai lam ganung nga ai n rai; ngai gaw Ziun bum hta hkye hkrang la ai lam, Israela hta e, nye a arawng sadang hpe, tawn da na we ai.

ESAIA 49:1

Zunlawng ni e, nye a ga na la mu, sumtsan mung na amyu ni e, madat mara mu: Yehowa gaw hkritung nna pyi, ngai hpe shaga ni ai; nye nu a kraw lawang kaw nna, nye a amying hpe shabrawng ya ni ai;

ESAIA 49:22

Madu Yehowa ning nga ai: “Yu u, ngai gaw maigan amyu ni hpe nye a lata ladawn nna, amyu baw ni a man e nye a dawnghkawn sharawt na we ai: shaloi shanhte gaw na a shadang sha ni hpe pawn let, na a shayi sha ni hpe lahpa hta hpai let, woi wa na mara ai.

ESAIA 51:5

Nye a dinghpring ai tara ani sha rai nga ai; nye a hkye hkrang la ai lam pru wa sai; nye a lata gaw amyu baw ni hpe tara dara na ra ai; zunlawng ni gaw ngai hpe ala nga nna, nye a lata hta shamyet shanat na mara ai.

ESAIA 55:5

Nang n chye ai amyu hpe nang shaga la nna, nang hpe n chye ai amyu mung, na a Karai Kasang Yehowa hte Israela a Chyoi pra ai wa a majaw, nang hpang de gat bang wa na ra ai: kaning rai nme law, shi gaw nang hpe shagrau shatsaw nga ai.

ESAIA 57:17

Shi a n hkru ai lawhpa myit majaw, ngai masin pawt nna, shi hpe ari jaw we ai: ngai myi man makoi nna pawt sindawng nga nngai; shi mung tinang ra ai hku hkan nna, nhtang mat wa sai.

ESAIA 60:4

Grup yin mada yu u; shanhte yawng zuphpawng nna, nang hpang de wa mara ai; na a shadang sha ni gaw sumtsan mung de na wa nna, na a shayi sha ni gaw ba kaye ai hkrum na mara ai.

ESAIA 60:6

Gawla-uk wunawng ni, Midian hte Ehpa mung na gawla-uk hkalung ni gaw, nang hpe ka-up na mara ai; Sheba mung na ni yawng du na mara ai: shanhte gaw aja hte lawban lang nna, Yehowa hpe shakawn kungdawn na lam kajai gumhkawng na mara ai.

ESAIA 66:12

Kaning rai nme law, Yehowa gaw ning nga ai: “Yu u, ngai gaw ngwipyaw ai hpe hka nu zawn, maigan amyu ni a arawng sadang hpe, lim ai hka zawn, Yerusalem de shadu na nngai: nanhte chyu chyu nna, ba kaye ai hte lahput ntsa e makrai chyai ai, hkrum na myit dai.

YEREMIA 3:17

Dai aten e shanhte gaw Yerusalem mare hpe, Yehowa a tingnyang, ngu nna shamying na maru ai: amyu baw ni yawng, Yehowa amying hpe hpa let, Yerusalem mare de zuphpawng na mara ai; shanhte gaw htawm hpang de tinang a myit masin a je hpre ai hta hkawm na n rai.

YEREMIA 30:19

Dai ni a kata de na chyeju dum ai nsen hte kabu gara ai nsen pru na ra ai; ngai shanhte hpe shalaw jahtam nna, shanhte yawm wa na n rai; shanhte hpe galu kaba shangun nna, shanhte kaji wa na n rai.

EZEKELA 39:7

Shing rai, nye a chyoi pra ai mying ningsang hpe, Israela amyu ka-ang e ngai dan hkung shangun na nngai; htawm hpang e nye a amying ningsang awu asin hkrum na, ngai hkraw na n rai: ngai gaw Israela amyu a Chyoi pra ai wa ngu ai Yehowa rai nga ai hpe, maigan amyu ni chye lu na mara ai, nga ai.

MIHKA 4:13

Ziun shayi sha e, rawt nna kabye u; na a nrung hpe, hpri, na lahkru hpe, magri, ngai shatai nna, nang gaw amyu baw law law hpe dup mani kau na mu ai: shanhte a sutgan hpe Yehowa a matu, shanhte a arung arai hpe, ginding aga ting a Madu ngu ai wa a matu, ngai majai kau na nngai.

MIHKA 7:12

Dai shani e, Asuri mung hte Egutu mare ni hta na mung, Egutu mung hte Hka nu lapran hkan na mung, nammukdara kaw nna, nammukdara du hkra, bum mi kaw nna bum mi du hkra, bra nga ai ni gaw, nang hpang de du na mara ai.

ZEHPANI 2:11

Yehowa shanhte hpe nhtum nni di na ra ai; kaning rai nme law, shi gaw ga ntsa hpara ni mahkra hpe kawsi shakyet nna, maigan amyu ni a zunlawng masha ni yawng, langai hte langai tinang a shara kaw nna shi hpe nawku na mara ai.

ZEHKARIA 14:14

Yuda mung, Yerusalem makau e hpyen gasat nga na ra ai: grup yin e nga ai maigan amyu ni a sutgan, ngu ai, aja, gumhpraw, hpun palawng law law wa, sumpum nga na ra ai.

LUKA 2:32

Na amyu Israela a hpung shingkang matu rai nga ai, Na a hkye hkrang la ai lam hpe, nye a myi hte chyaw ngai mu lu se ai,” nga nna tsun ai.

YAWHAN 17:26

nang ngai e tsawra ai n-gaw nwai myit gaw, shanhte hta anga nga u ga mung, ngai shanhte hta anga nga na matu mung, na a mying ningsang hpe ngai shanhte e shachye shachyang mase ai rai nna, a shachye shachyang nga na nngai law,” nga ai.

KASA 9:15

Madu mung, “She sa su; dai wa gaw, maigan amyu ni hte hkawhkam ni a man e mung, Israela amyu masha ni a man e mung, nye a amying gun hpai na matu, nye a ngu nna san tawn da ai malai rai nga ai:

GALATI 3:26

Kaning rai nme law, Hkristu Yesu hta e kamsham nga myit dai majaw, nanhte nlang hte gaw, Karai Kasang a kashu kasha ni rai nga myit dai.

GALATI 4:26

Ntsa de rai nga ai Yerusalem chyawm gaw, numdung num rai nga ai rai nna, anhte a kanu mung rai nga mali ai.

YAWSHU 9:9

Shaloi shanhte gaw, “Na a Karai Kasang Yehowa a amying ningsang majaw, na a mayam ni nachying tsan ai mung kaw nna du ra ga ai: shi a gumhkawng ai shiga hpe mung, Egutu mung e galaw ai lam yawng mayawng hpe mung,