ESAIA 60:2 - Jinghpaw Hanson Version Bible

² Kaning rai nme law, yu u, gaw ginding aga hpe, htat ai nsin gaw amyu baw ni hpe, ka-up na ra ai; rai timung, na a ntsa e Yehowa paw pru nna, shi a hpung shingkang na a ntsa e dan hkung na ra ai.

Jinghpaw Common Language Bible 2009

² Kaga masha amyu baw ni gaw nsin hte ka-up da hkrum na mara ai, Rai ti mung dai Madu a nhtoi gaw na a ntsa e htoi tu na ra ai; Shi a htoi kabrim ai hpung shingkang gaw nang hte rau nga nga na ra ai.

ESAIA 60:2 ပူးပေါင်းရင်းမြစ်များ

1 HKAWHKAM 8:11

hkinjawng ni gaw dai sumwi a majaw tinang a daw jau ai amu ni hpe n galaw lu mu ai: kaning rai nme law, Yehowa a hpung shingkang gaw Yehowa a nta hta hpring ka-up nga ai.

SHAKAWN KUNGDAWN 102:16

Kaning rai nme law, Yehowa gaw Ziun hpe de da nu ai; Shi a hpung shingkang dan hkung nga ai.

SHAKAWN KUNGDAWN 80:1

Sagu hpung hpe zawn, Yawsep amyu hpe woi wa ai, Israela hpe rem ai wa e, madat u; Hkerubim ntsa e dung ai wa e, dan pru rit.

ESAIA 2:5

Yaku a dap ni e, sa marit; Yehowa a nhtoi hta hkan hkawm sa ga.

ESAIA 4:5

Yehowa gaw Ziun bum na nta ni hte de a shawa hpawng ni a ntsa e, shani e wan hkut sumwi, shana e htoi kabrim ai wan shinglet hpan da nna, de a arawng sadang yawng a ntsa e magap ka-up nga na ra ai.

ESAIA 58:10

kawsi hkrum ai wa hpe yu machyi ai hte, nni nkri hkrum ai wa hpe shalan shabran nga ai rai yang, na a nhtoi gaw nsin hta htoi wa nna, na a sin mak ai gaw, jan pungdin zawn htoi na ra ai;

ESAIA 58:8

Shing rai na a nhtoi gaw, jahpawt manap na nhtoi zawn, htoi wa nna, na a hkam kaja ai gaw alawan tu na ra ai; na a dinghpring ai lam na a shawng e sa wa nna, Yehowa a hpung shingkang na a hpang e sin langa tai na ra ai.

ESAIA 62:1

Ziun mare na dinghpring ai gaw, kabrim ala nga ai hte, Yerusalem mare na hkye hkrang la ai lam, pyengdin zawn htoi tu nga ai du hkra, ngai atsin sha nga na n rai, ban sa ai mung nga na n rai.

ESAIA 66:11

shing rai nanhte gaw, shi a shalan shabran ai madoi chyu hpang chyu nna, hkru kat na myit dai; nanhte chyu shup nna shi a n taw n tsang ngamu ngamai ai hta ngwipyaw nga na marin dai.”

ESAIA 8:22

ga de mada yu yang, yu mu, ru tsang ai, nsin sin ai hte myit htum ai sin mang hkrai rai nga ai: shanhte gaw nsin htat ai shara de gawt kau ai hkrum na mara ai.

YEREMIA 13:16

Karai Kasang gaw, nsin hpe garai n shangun ai hte, nanhte a lagaw nsin sin ai bum ni a ntsa e garai n ahtu kataw nna, nanhte nhtoi hpe myit mada nga yang, shi dai hpe si du a shingnip hte htat ai nsin garai n shatai dingsa, nanhte a Karai Kasang Yehowa hpe shagrau sha-a mu.

EZEKELA 10:4

Shaloi Yehowa a hpung shingkang gaw, dai Hkerub ntsa na, Nta a chyinghka hkinbawng de sit lung wa ai: dai Nta gaw, sumwi hte hpring nna, dai wang gaw, Yehowa a tu kabrim ai hpung shingkang hte dan hkung nga ai.

JAW JAU 9:23

Bai Mawshe yan Arun gaw shawa sum kata de shang nna pru wa nhtawm, amyu masha ni hpe shaman ya mu ai: shaloi Yehowa a hpung shingkang gaw amyu masha ni a man e dan pru nga ai.

MALAHKI 4:2

Nye a amying hpe hkrit hkungga ai ni a nta e chyawm gaw, dinghpring shangun ai ajan gaw, shamai shatsai ai singkaw hte, du pru na ra ai: nanhte mung pru wa nna, ulawng na dumsu kasha zawn, gumtawng na marin dai.

BU HKAWM 16:19

Shing rai Kora gaw, shan a man e shawa hpung nlang hte hpe shawa sum chyinghka e zuphpawng tawn mu ai: shaloi Yehowa a hpung shingkang gaw dai shawa hpung a man e dan hkung nga ai.

MAHTE 15:14

Shanhte gaw nga nga mu ga: myi kyaw ninglen lam madun ai ni rai nga ma ai: myi kyaw ai wa gaw, myi kyaw wa hpe lam madun a taw gaw, shan lahkawng gaw nhkun kata de hkrat na mara ai,” ngu mu ai.

MAHTE 23:19

Myi kyaw ai ni e, dai kumhpa hpe shachyoi shapra ai hkungri hte dai kumhpa gaw, gara mahtang grau kaba nga a ta?

MAHTE 23:24

Lam madun ai myi kyaw ai ni e, nanhte machyi hpe sai kau nhtawm e, gawla-uk hpe bai mayu kau myit dai.

YAWHAN 1:1

Shawng ningpawt e Mungga nga ai; dai Mungga gaw Karai Kasang hte rau rai nga ai rai nna, dai Mungga nan Karai Kasang rai nga ai.

YAWHAN 1:14

Dai Mungga gaw masha a hkum shan dagraw la nna, chyeju hte tengman ai hpring let, anhte hta nga nga yu sai rai nna, Kawa hta na Kasha shingtai a hpung shingkang zawn, anhte shi a hpung shingkang hpe, mu lu sagaw ai.

YAWHAN 1:18

Karai Kasang hpe gade e muk galoi mung n mu yu ai; Kawa a lahpyen e rawng nga ai Kasha shingtai gaw, Karai Wa a hkum shadan dan nu ai.

YAWHAN 8:55

rai timung nanhte shi hpe n chye myit dai, ngai chyawm gaw chye nga nngai. N chye nngai, ngu yang gaw, nanhte zawn masu ai wa ngai rai na ra ai: ngai chyawm gaw shi hpe chye nga nngai rai nna, shi a ga hpe mung hkan nga nngai.

KASA 14:16

Shi gaw, moi shawng na ni a ban e masha amyu baw shagu hpe, tinang ra ai hku hkan mu ga nga, dat tawn da mu ai;

KASA 17:23

Kaning rai nme law, ngai lai hkawm wa nna, nanhte jaw jau ai rai ni hpe mada yu yang, N chye gaw ai Karai Wa matu, nga nna ka tawn ai hkungri langai mi mung, ngai mu hkrup we ai: dai nanhte n chye let nawku ai wa a lam, ngai nanhte hpe hkai dan made ga,

KASA 26:18

shanhte a myi jahpaw na matu, ngai nang hpe shanhte hpang de shangun dat de ai rai nna, na a amyu a lata na mung, maigan masha ni a lata na mung, hkye hkrang la na de ai,’ nga nna ngai hpe tsun nngai.

2 KORINHTU 3:18

Anhte nlang hte chyawm gaw myi man a man magap kun di kau nna, dai Madu a hpung shingkang hpe jamna hta mada yu let, dai Madu ngu ai Wenyi a marang e, hpung shingkang htap mi hte htap mi lu la ai hte, shing re ai hkrang bung sumla hte nan galai mat mat rai nga ga ai.

KOLOSE 1:13

Dai Kawa gaw, nsin a ahkang aya kaw na anhte hpe mawai la nna, shi a tsawra ai Kasha a mungdan hta jashawn mi ai:

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.