ESAIA 6:9 - Jinghpaw Hanson Version Bible

⁹ Shi gaw, Ndai amyu hpang de sa nhtawm, “Nanhte na ninglen n chye na lu na mu ai; mu ninglen n mu lu na mu ai,” ngu nna tsun mu.

Jinghpaw Common Language Bible 2009

⁹ Dai rai nna shi gaw ngai hpe amyu masha ni hpang de sa nna ndai mungga jaw na matu tsun wu ai: “Nanhte gaw kade mi madat ti mung, nanhte chye na na myit dai n rai. Nanhte kade mi yu ti mung, hpa byin nga ai lam hpe nanhte chye na myit dai n rai.”

ESAIA 6:9 ပူးပေါင်းရင်းမြစ်များ

GA SHAGAWP 28:5

N shawp ai ni gaw, tara malang ai hku n chye ma ai; Yehowa hpe hkan tam ai ni chyawm gaw, lam shagu chye ginhka ma ai.

ESAIA 28:13

Dai re ai majaw, shanhte sa wa yang, nhtang chyaw kadawng ai, agrawp kau ai, mahkam hta lu ai hte rim la ai hkrum lu hkra, Yehowa mungga gaw shanhte a matu, htet da ai ga ntsa e htet da ai ga, htet da ai ga ntsa e htet da ai ga; lam mi a ntsa e lam mi, lam mi a ntsa e lam mi, nang e kaji mi wonang kaji mi rai na ra ai.

ESAIA 29:10

Kaning rai nme law, Yehowa gaw, nanhte hpe yup shamwi ai hte, myi di shangun nga ai: myihtoi ni hte nanhte a baw ngu ai, shingran mu ai ni a myi hpe, shi magap da wu ai.

ESAIA 29:13

Dai rai nna, “Ndai amyu gaw tinang a n-gup hte ngai hpang de sit sa nna, nten hte ngai hpe hkungga lara ma timung, myit masin gaw ngai hte tsan gang nna, ngai hpe hkrit hkungga ai lam, masha sharin ya ai hkang da ai ga sha rai nga ai majaw,

ESAIA 29:14

yu u, ndai amyu a ka-ang e ngai mauhpa amu galaw nna, gaja wa, mauhpa amu hte lamik kumla shachyen na nngai: shanhte a hpaji rawng ai ni a hpaji byeng-ya hten mat nna, shanhte a myit su ai ni a nyan, makoi mat ai hkrum na ra ai,” nga nna Madu Yehowa tsun ai.

ESAIA 42:20

Nang gaw lam law law hpe mu timung, matsing nga ai n rai; shi a na hpaw nga timung, shi n chye madat ai.

ESAIA 43:8

Myi tu ninglen myi n mu ai amyu hte, na tu ninglen na lahpang ai ni hpe, woi shapraw marit.

YEREMIA 5:21

myi tu ninglen n mu, na tu ninglen n na ai, nyan kata ai, angawk angak re ai amyu e, ndai ga madat mu: Yehowa ning nga ai:

HOSEA 1:9

Shaloi Yehowa gaw “Shi hpe Lo-ami, shamying u; kaning rai nme law, nanhte gaw nye a amyu n rai; ngai mung nanhte a Karai Kasang n rai na nngai,” ngu wu ai.

MARKU 4:12

shinggan de nga ai ni chyawm gaw, Myit n kayin lu nna, raw dat kau ai n hkrum mu ga, Shanhte mu lamu n yu lu na hte, Na lana n chye na lu mu ga, hpa lam mung ga shadawn hku hte sha, shanhte hpe shapraw dan na nme ai,” ngu nna shanhte hpe tsun mu ai.

LUKA 8:10

Shi gaw, Karai Kasang a mungdan a sung htum ai lam ni hpe chye na na ahkang nanhte a matu hku nga malit dai: masha gale ni chyawm gaw, yu layu e n mu mu ga, na lana n chye na mu ga, ga shadawn hku hte tsun nme ai.

YAWHAN 12:40

Shanhte a myi hpe shi magap ya nna, Shanhte a myit masin hpe mung, shaja ya wu ai,” nga ai ga majaw, shanhte n kam n sham lu ma ai.

ROMA 11:8

gale chyawm gaw, Ya du hkra pyi, hpam nga ai wenyi mung, n mu lu na myi hte n na lu na ana mung, Karai Kasang shanhte hpe jaw da manu ai, nga nna ka da nga ai hte maren, myit shanuk ya ai hkrum nu ai.

TARA JAHPRANG 29:4

Ngai gaw nanhte hpe mali shi ning tup dai nam mali lam hku woi wa made yang, ngai nanhte a Karai Kasang Yehowa rai nga nngai gaw nanhte chye lu hkra, nanhte a hpun palawng n tsam mat, nanhte din ai kyepdin mung n htum;