ESAIA 6:2 - Jinghpaw Hanson Version Bible

² Shi a ntsa e Serahpim tsap nga ma ai: langai hte langai singkaw kru kru tu ma ai; singkaw lahkawng hte tinang myi man magap; lahkawng hte tinang lagaw magap; lahkawng hte pyen ma ai.

Jinghpaw Common Language Bible 2009

² Shi grup grup hta wan shinglet pru ai hkrung kanu ni tsap nga ma ai, dai ni langai hte langai hta singkaw kru kru tu nga ai; hkrung kanu shagu a myi man hpe singkaw lahkawng hte magap da nga ai, de a hkum hpe singkaw lahkawng hte kaga singkaw lahkawng gaw pyen na matu rai nga ai.

ESAIA 6:2 ပူးပေါင်းရင်းမြစ်များ

NINGPAWT NINGHPANG 17:3

Dai majaw Abram gaw shi a man e dingnyawm dagup nga ai rai nna, Karai Kasang shi hpe bai tsun wu ai gaw, “Yu u, ngai nan nye a ga shaka hpe nang hte shagrin da se ai rai nna, nang gaw masha amyu baw law law a kawa rai na nit dai.

1 HKAWHKAM 19:13

Elia gaw dai na jang, shi a myi man hpe hpajawng hte lawai magap nhtawm, pru wa nna lungpu mahka e tsap nga ai. Shaloi, yu u, nsen langai mi gaw, “Elia e, nang nang e hpa galaw nga n ta?” ngu nna shi hpe san wu ai.

1 HKAWHKAM 22:19

Bai Mihkaia gaw, “Dai re ai majaw Yehowa a ga madat mara ya u: Yehowa gaw shi a tingnyang hta dung nna, sumsing lamu na zaw nawng zaw wa ni, shi a hkra maga hte pai maga de tsap nga ma ai hpe, ngai mu nngai.

1 HKAWHKAM 6:24

Dai Hkerubim yan a singkaw gaw maga mi hte maga mi dawng manga nga rai malu ai: singkaw matu maga mi kaw nna maga mi du hkra dawng shi rai nga ai.

1 HKAWHKAM 6:27

Dai Hkerubim yan hpe shingram gawk kata e shadun da nhtawm, shakum du hkra shan a singkaw maga mi hte maga mi shachyen da nna, gawk ka-ang e de a matu lahakwng shada hkrum nga ma ai.

1 HKAWHKAM 8:7

Kaning rai nme law, dai Hkerubim yan gaw, dai sumpu dung ai ntsa e tinang a singkaw ni shachyen nna, sumpu hpe mung, de a ntsa na kandang ni hpe mung, ka-up da mu ai.

NEHEMIA 9:6

Nang nan Yehowa rai nga ndai; nang gaw sumsing lamu hte sumsing lamu ni a sumsing lamu hte de a zaw nawng zaw wa ni hpe mung, ginding aga hte dai hta nga manga hpe mung, nammukdara hte dai hta rawng marawng hpe mung, hpan tawn da nna, mahkra hpe bau sin nga ndai: sumsing lamu a zaw nawng zaw wa ni gaw nang hpe nawku nga ma ai.

YOBA 1:6

Ya Karai Kasang a kasha ni gaw, tinang hkum hpe Yehowa man e sa shadan dan ai nhtoi du yang, Satan mung shanhte hte rau ginrun sa wa ai.

YOBA 15:15

Shi gaw shi a chyoi pra ai ni hpe pyi n kam nna, sumsing lamu mung, shi a man e san seng nga ai, n rai:

YOBA 4:18

Yu u, shi a ali ama ni hpe shi n kam nga ai; lamu kasa ni hta pyi, mara shagun shara rawng nga ai:

SHAKAWN KUNGDAWN 103:20

N-gun ja nna, shi a mungga nsen madat let, Shi a mungga hpe shadik ya ai lamu kasa ni e, Yehowa hpe sha-a mu.

SHAKAWN KUNGDAWN 104:4

Nbung hpe shi a kasa shi shatai nna, Shi a ali ama ni grung ai wan shinglet rai nga ma ai.

SHAKAWN KUNGDAWN 18:10

Hkerub hta shi jawn nna pyen nga ai. Nbung a singkaw ntsa e pyen nang nga ai.

SHAKAWN KUNGDAWN 89:7

Shi gaw, chyoi pra ai ni a shawa hpawng hta e, Makrim hpa rai nga ai rai nna, Shi a grup yin e nga ai nlang hte hta, Hkrithpa Karai Wa rai nga ai.

PRU MAT 25:20

Dai Hkerubim lahkawng yan myi man hkrum rai nna, dai chyeju myi magap de myi man yawng let, shan a singkaw kapyen nhtawm, dai chyeju magap hpe ka-up na rai mu ai.

PRU MAT 3:6

“Ngai gaw na nwa a Karai Kasang, Abraham a Karai Kasang, Isak a Karai Kasang, Yaku a karai Kasang rai nga nngai,” nga nna mung, tsun wu ai: dai rai nna Mawshe gaw, Karai Kasang hpe yu na hkrit wu ai majaw, shi a myi man magap da wu ai.

PRU MAT 37:9

Dai Hkerubim lahkawng yan myi man hkrum rai nna, dai chyeju magap de myi man yawng let, shan a singkaw kahpyen nhtawm, chyeju magap hpe ka-up nga ma ai.

ESAIA 6:6

Shaloi Serahpim langai mi gaw, tawn hkungri ntsa na, lakap hte matep la ai wan n-ga, shi a lata hta lang let, ngai hpang de pyen sa nhtawm, dai hte nye a n-gup ahtawk let, “Yu u, dai gaw na a nten hpe hkra sai; na a mara hpe yeng seng kau sai; na a yubak hpe mung raw dat kau nu ai,” nga ai.

EZEKELA 1:11

Bai shanhte a myi man hte singkaw ni gaw, baw daw de karan nga ai: langai hte langai a singkaw lahkawng shada matut nna, lahkawng hte tinang hkum hpe ka-up nga ma ai.

EZEKELA 1:24

Shanhte hkawm wa yang, shanhte a singkaw ngoi ai gaw, nammukdara nsen zawn, N-gun Chyalai rawng ai wa a nsen hte, hpyen luksuk ni a nsen zawn wu kadu ai hpe ngai na nngai: shanhte tsap nga yang, tinang singkaw hpe jahkrat ma ai.

EZEKELA 1:4

Ya ngai mada yu yang, yu u, ja ai nbung, sumwi kaba hte grup yin htoi gala ai wan dingsen, dingdung maga de na dawng pru nga ai: de a ka-ang na wan kata de na kung byawng abya htoi tu nga ai.

EZEKELA 1:6

Langai hte langai myi man mali li, bai langai hte langai singkaw mali li tu ma ai.

EZEKELA 1:9

singkaw ni shada matut ma ai; hkawm wa yang shanhte kayin ra ai, n rai; langai hte langai myi man ang ang hkawm wa ma ai.

EZEKELA 10:16

Ya Hkerubim ni hkawm wa ma yang, leng dingsen ni shanhte a makau e hkawm wa ma ai; ga ntsa na lung wa na matu, Hkerubim ni singkaw hpyan yang, leng dingsen ni mung, htep htep hkan nang ma ai.

EZEKELA 10:21

Langai hte langai myi man mali li, singkaw mali li tu nna, singkaw npu e masha lata nsan ai tu ma ai.

Daniela 7:10

Shi a man e wan grung ai hka hpaw lwi nga ai; marai hkying mi lang hkying mi shi hpe daw jau nna, mun mi lang mun mi, shi a man e tsap nga ma ai: tara dara na matu hkyen nga nna, laika ni hpe hpaw tawn nga ai.

Daniela 9:21

gaja wa, ngai naw akyu hpyi nga yang pyi, shawng na shingran hta dan pru ai, dai wa Gabriela gaw, alawan pyen sa wa nna, shana hkungga nawng ya ai aten e, ngai hpe sa ahtawk nga ai.

ZEHKARIA 3:4

Shaloi lamu kasa gaw, “Agang chyalang re ai hpun palawng raw kau mu,” ngu nna shi a man e tsap nga ai ni hpe tsun mu ai. Bai shi gaw Yoshua hpe mung, “Yu u, na a mara hpe ngai raw kau ni ai rai nna, tsawm htap ai hpun palawng nang hpe jahpun na nngai,” ngu wu ai.

LUKA 1:10

Dai manam pyaw nat ai ahkying hta shawa masha ni nlang hte gaw, shinggan e akyu hpyi let nga nga ma ai.

HEBRE 1:7

Lamu kasa ni a lam gaw, Shi a kasa ni hpe shi nbung shatai nna, Shi a ali ama ni grung ai wan hpe shatai wu ai,” nga nna shi tsun ai.

SHINGRAN 14:6

Bai, dinghta ga ntsa e nga ai ni hte, amyu baw shagu, baw lakung shagu, ga amyu shagu hte masha mungdan shagu hpe, htani htana a kabu gara shiga hkaw dan lu ai lamu kasa kaga gaw, sumsing lamu hpatwat e pyen nga ai hpe, ngai mu nngai:

SHINGRAN 4:8

Dai dusat amyu mali gaw singkaw kru hpra hpra tu nna, hkum grup e mung, kata e mung, myi hkrai pri rai nga ai: shanhte gaw shani shana n sim n na, ning nga, Moi na aprat e, ya na aprat e, htawm hpang na aprat e dinggrin anga nga ai, Chyahtum chyalai n-gun rawng ai Madu Karai Kasang gaw, chyoi pra, chyoi pra, chyoi pra a rai nga ai law, nga nna tsun nga ma ai.

SHINGRAN 7:11

Bai, dai tingnyang hte salang ni hte dusat amyu mali a grup yin e, lamu kasa ni nlang hte gaw kawan tsap nga ma ai; shaloi shanhte dai tingnyang nhpang e myi man dagup nna, Karai Kasang hpe nawku let,

SHINGRAN 8:13

Bai, ngai yu nga yang, langda langai mi lamu a ka-ang hpatwat e pyen yawn nga nna, Naw dum na ra ai lamu kasa masum a pahtau nsen majaw, dinghta ga e nga nga ai ni a matu, dingnye, dingnye, dingnye hkrai rai nga ai, nga nna nsen kaba hte jahtau nga ai gaw, ngai na nngai.