ESAIA 6:11 - Jinghpaw Hanson Version Bible

¹¹ Shaloi ngai gaw, “Madu e, gade wa na na rai ta?” ngu nna san we yang, shi gaw, “Mare ni hte nta ni hta masha n nga hkra shaza kau ai hkrum ai hte, mungdan ting atsai awai katsi katsang rai nga nna,

Jinghpaw Common Language Bible 2009

¹¹ Ngai gaw, “Madu e, dai zawn re ai gaw kade daram na wa na rai ta?,” ngu nna san nngai. Shi gaw, “Mare ni hten run mat nna, kaman byin mat ai aten du hkra, dum nta ni katsi katsang tai mat nna lamu ga shi nan akrin akraw rai nna lamu ga hpe lahpawt lama di shakram da ai aten du hkra rai na rai nga ai,” ngu nna htan wu ai.

ESAIA 6:11 ပူးပေါင်းရင်းမြစ်များ

SHAKAWN KUNGDAWN 74:10

Karai Kasang e, gaten du hkra, hpyen ni shatan lu na rai nga ma ta? Gumlau ni gaw na a amying nsang hpe, tut tut asawng nga lu na rai ma ni?

SHAKAWN KUNGDAWN 79:5

Yehowa e, nang gaten du hkra masin a pawt nga na n ta? Na a supbun bun ai myit, wan zawn a hkru nga na rai ta?

SHAKAWN KUNGDAWN 90:13

Yehowa e, wa rit; gade na hkra? Na a ali ama ni hpe shangwi shapyaw ya mu.

SHAKAWN KUNGDAWN 94:3

Yehowa e, tara n lang ai ni gaten du hkra? Tara nlang ai ni gaten du hkra, ninglaw nga lu na rai ma hka?

ESAIA 1:7

Nanhte a mungdan gaw katsi katsang rai nga ai; nanhte a mare ni hkru mat sai; maigan masha ni, nanhte a ga dachyawk ni hpe nanhte a man e sha kau nga ma ai: tsasam masha ni hpya kau ai ga zawn, dai de katsi katsang rai nga ai.

ESAIA 13:12

Shinggyim masha gaw ja jet daram, yu maya wa gaw Ohpira ja daram, n law mat hkra, ngai shabyin na we ai.

ESAIA 3:26

Shi a chyinghka ni gaw hkrap ngu hkrap ngoi let sharung shayawt na mara ai: shi gaw shingran katsi ai shara e ga hta dung nga na ra ai.

ESAIA 3:8

Kaning rai nme law, Yehowa a hpung rawng ai myi hpe kamau shangun na matu, shanhte a tsun ai ga hte arawn alai shi hte nhtan shai nga ai majaw, Yerusalem mare gaw hten run mat sai; Yuda mung gaw kadawng mat sai.

ESAIA 32:14

Kaning rai nme law, hkawhkam htingnu gaw, kau da ai hkrum nna, masha law nga ai mare gaw, shingran katsi mat na ra ai:

ESAIA 35:1

Nam mali hte hkraw hkun ai shara gaw, kabu gara na ra ai; zaibru jang mung awng sharawng nna, mari pan zawn pu na ra ai.

ESAIA 5:9

Zaw nawng zaw wa up ai Yehowa, nye a na hta tsun ai gaw, Gaja wa, galu kaba ai hte hkik la ai nta law law hta, rawng ai masha n nga nna, katsi katsang rai na ra ai.

ESAIA 60:15

Nang hta kadai mung n kabye lai mayu hkra, jahti da ai hte n dawng n yawt hkrum ai majaw, ngai nang hpe prat dingsa na arawng sadang, shu mashi shu masha ni a kabu gara, shara shatai na nngai.

ESAIA 64:10

Na a chyoi pra ai mare ni, nam mali tai mat sai; Ziun bum mung, nam mali tai mat sai; Yerusalem mare gaw katsi katsang re ai shara tai mat sai.

YEREMIA 22:6

Kaning rai nme law, Yehowa gaw Yuda hkawhkam a nta hpe lakap nna ning nga ai: Nang gaw nye a man e Gilead hte Lebanon bum pungding zawn rai nga timung, gaja wa ngai nang hpe nam mali hte masha n nga ai mare ni zawn shatai na de ai.

YEREMIA 4:7

Amyu baw ni hpe jahten shabyak na, hkanghkyi ngu ai wa gaw, tinang a wuyup na lung wa sai; shi gaw du magang ra ai; na a mungdan hpe katsi katsang shatai na hte, na a mare ni hpe kadai n nga lu hkra marawng marang di kau na matu, shi gaw tinang shara kaw na pru wa sai.

YEREMIA 44:2

Israela Karai Kasang Zaw nawng zaw wa up ai Yehowa ning nga ai: Yerusalem hte Yuda mare ni mahkra ntsa e ngai shapraw ai tsin-yam tsindam nlang hpe, nanhte mu yu manit dai;

YEREMIA 52:27

Babelon hkawhkam gaw Hamat mung Ribla mare hta shanhte hpe kahtam sat kau mu ai. Shing rai Yuda amyu gaw tinang a mung hta na shapraw kau ai hkrum mat ma ai.

EZEKELA 6:6

Nanhte a tawn hkungri ni shaza kau ai hte, shingran katsi mat nna, nanhte a hpara sumla ni agrawp kau ai hkrum nna n nga lu hkra, nanhte a jan sumla ni kran kau hkrum nna, nanhte a lata amu htum mat hkra, nanhte shanu nga ai shara shagu hkan e, nanhte a mare ni marawng marang tai mat nna, tsaw ai kawng ni a shara ni, katsi katsang rai mat na ra ai.

Daniela 8:13

Shaloi chyoi pra ai wa langai mi a ga tsun ai nsen ngai na nngai: bai, chyoi pra ai wa kaga gaw, ga tsun ai chyoi pra ai wa hpe shaga nna, “Dai chyoi pra ai shara hte, zaw nawng zaw wa hpe kabye anin kau ai hkrum hkra, tutnawng nawng ya ai wan nat hkungga hte, jahten shabyak chye ai tara tawt lai ai lam pru ai shingran gaw, gaten du hkra ri na rai ta?” ngu nna san wu ai.

JAW JAU 26:31

Nanhte a mare ni hpe ngai nam shatai nna, nanhte a nawku nta ni hpe akrin atsai hpya kau na we ai: nanhte a manam pyaw sangau mung ngai manam ya na n rai.

JAW JAU 26:33

Maigan amyu ni hta ngai nanhte hpe shabra kau nna, nhtu shada lang let hkan shachyut na made ai: nanhte a mung gaw akrin atsai rai mat nna, nanhte a mare ni mung nam tai mat na ra ai.

MIHKA 2:4

Ndai aten e shanhte gaw, nanhte a lam ga shadawn hku tsun nna, Anhte htum mat saga ai; nye a amyu masha ni a sali wunli, shi galai kau nna, nye a lata na dawm la nu hka! Shi gaw htak mat ai ni hpe, anhte a yi hkauna ni karan jaw kau mu ai, nga nna yawn madai let shabam na mara ai.

MIHKA 5:11

na a mung na mare ni hpe ngai run kau nna, na a hpyen dap ni yawng hpe hpya kau na nngai;

MIHKA 6:13

Dai re majaw ngai nang hpe hkala nba kaba hte jahpye nngai; na a yubak majaw, ngai nang hpe shingran katsi ai shara shatai nngai.

MIHKA 7:13

Rai timung, dai garai n byin yang, dai mungdan gaw, mung masha ni hkan nang ai arawn alai majaw, shingran katsi ai shara tai na ra ai.

TARA JAHPRANG 28:62

Nanhte sumsing lamu shagan made law htam myit dai rai timung, na a Karai Kasang Yehowa a nsen hpe n madat myit dai majaw kachyi sha mi rai mat na marin dai.

TARA JAHPRANG 28:63

Nang hpe chyeju hte karum nna shalaw jahtam ai amu hta Yehowa awng sharawng wu ai zawn, nang hpe hpya nna shayawm shagrit ai amu hta awng sharawng na wu ai rai nna, nang wa shang sha na rin dai mung hta na ningli shamyit kau ai hkrum na rin dai.