ESAIA 6:1 - Jinghpaw Hanson Version Bible

¹ Hkawhkam Uzia si ai shaning hta, Madu gaw, galu kaba nna tsaw htum ai tingnyang hta dung nga ai hpe ngai mu nngai; shi lawai ai hpun nba gaw nawku Htingnu ting hpring nga ai.

Jinghpaw Common Language Bible 2009

¹ Hkawhkam Uzia si mat ai shaning hta, ngai gaw Madu hpe mu nngai. Shi gaw tsaw ai shi a tingnyang hta dung nga ai hte shagrau shatsaw hkrum nga ai, shi a palawng galu gaw Nawku Htingnu ting hpring nga ai.

ESAIA 6:1 ပူးပေါင်းရင်းမြစ်များ

1 HKAWHKAM 22:19

Bai Mihkaia gaw, “Dai re ai majaw Yehowa a ga madat mara ya u: Yehowa gaw shi a tingnyang hta dung nna, sumsing lamu na zaw nawng zaw wa ni, shi a hkra maga hte pai maga de tsap nga ma ai hpe, ngai mu nngai.

2 HKAWHKAM 15:7

Shing rai Azaria gaw kaji kawa ni hte rau yup pyaw nga nna, Dawi mare hta e shanhte hte rau makoi mayang di mu ai: shi a kasha Yohtam gaw shi a malai hkaw dung nga ai.

2 HKAWHKAM LABAU 18:18

Bai Mihkaia gaw, “Dai re ai majaw Yehowa a ga madat mara ya mu: Yehowa gaw shi a tingnyang hta dung nna, sumsing lamu na zaw nawng zaw wa ni shi a hkra maga hte pai maga de tsap nga ma ai hpe ngai mu nngai.

YOBA 42:5

Ngai gaw na a lam na hte na yu ni ai; ya chyawm gaw, nye myi hte nan nang hpe mu sade ai.

SHAKAWN KUNGDAWN 108:5

Karai Kasang e, sumsing lamu hta nang grau tsaw nga u ga; Aga ting hta e, na a hpung shingkang dan hkung nga u ga;

SHAKAWN KUNGDAWN 113:5

Htaw ntsa e shi a dung tingnyang rai nga timung, Lamu hte aga a arai guji guyang yu yu na,

SHAKAWN KUNGDAWN 46:10

Amu sha nga mu, ngai Karai Kasang rai nga nngai, chye mu. Amyu baw ni hta ngai galu kaba wa nna, Ga ntsa e dan hkung nga na nngai.

PRU MAT 24:9

Shaloi Mawshe hte Arun, Nadab, Abihu hte hte Israela salang sanit shi lung wa ma ai rai nna,

ESAIA 1:1

Yuda hkawhkam Uzia, Yohtam, Ahaza hte Hezekia aprat e, Amot a kasha Esaia gaw, Yuda mung hte Yerusalem mare a lam, mu ai shingran gaw, da ndai rai nga ai.

ESAIA 12:4

Bai, dai shani e nanhte gaw, Yehowa a chyeju dum mu; shi a amying ningsang hpe kajai gumhkawng mu; shi a up hkang ai lam, amyu baw ni hpe shana ya mu; shi amying ningsang galu kaba nga ai hpe, chye shangun mu.

ESAIA 57:15

Kaning rai nme law, Htani htana anga nga nna, Chyoi pra mying ai wa, Matsaw Ntsang na Daru Magam rawng ai wa gaw, ning nga ai: “Ngai gaw tsaw htum ai shara hte chyoi pra htum ai shara hta shanu nga nna, myit gyip ai wa a wenyi hpe shalan shabran na matu mung, myit nem ai wa a myit masin hpe shalan shabran na matu mung, myit nem ai wa hte myit gyip ai wa hte rau, ngai shanu nga nngai.

ESAIA 66:1

Yehowa gaw ning nga ai: Sumsing lamu gaw nye a tingnyang, ginding aga gaw nye lagaw a kabye lahkum rai nga ai: nye a matu kaning re ai nta galaw na myit ta? ngai ban sa ai shara, kaning re ai shara rai na a ta?

EZEKELA 1:1

Ya sumshi ning ngu na hta, shata mali a manga ya shani e, Hkebara hka kau e bawng dung ai ni hte rau ngai nga nga yang, sumsing lamu hpaw malang wa nna, Karai Kasang a shingran hpe ngai mu nngai.

EZEKELA 10:1

Bai ngai mada yu yang, yu u, Hkerubim ni a baw ntsa e din ai lamu madin hta, nila lungseng nsan ai hkawhkam tingnyang hkrang dan pru nga ai.

EZEKELA 10:4

Shaloi Yehowa a hpung shingkang gaw, dai Hkerub ntsa na, Nta a chyinghka hkinbawng de sit lung wa ai: dai Nta gaw, sumwi hte hpring nna, dai wang gaw, Yehowa a tu kabrim ai hpung shingkang hte dan hkung nga ai.

Daniela 10:17

Kaning rai nme law, na mayam wa gaw, nang madu hte kaning rai ga tsun lu na rai ta? ya e pyi ngai n-gun n rawng nngai, nye a nsoi nsa mung htum sai,” ngu nna nye makau e tsap nga ai wa hpe, ga tsun nngai.

Daniela 7:9

Shaloi tingnyang ni hpe shadun da nna, moi chyaloi nhkoi na wa langai mi dung nga ai du hkra, ngai mu mada nngai; shi a hpun palawng hkyen zawn hpraw nna, shi a kara seng ai sagu mun hte bung nga ai; shi a tingnyang wan shinglet, de a dingsen ni grung ai wan rai nga ai.

BU HKAWM 12:8

shi hta ngai ga tsun yang gumwai ga hku ngai n tsun, ngai hkum nan hkra dan dan leng leng tsun na we ai; shi gaw Yehowa a hkrang mung mu lu na rai nga ai: dai rai nna, nye a shangun ma wa Mawshe hpe hpa rai mara shagun rip myit ta?” ngu wu ai.

MAHTE 25:31

Dai Masha Kasha gaw shi a hpung shingkang dan hkung let, lamu kasa ni nlang hte rau sa du ai shaloi, shi a hpung shingkang a tingnyang ntsa e shi dung nna,

YAWHAN 1:18

Karai Kasang hpe gade e muk galoi mung n mu yu ai; Kawa a lahpyen e rawng nga ai Kasha shingtai gaw, Karai Wa a hkum shadan dan nu ai.

YAWHAN 12:41

Esaia gaw shi a hpung shingkang mu lu ai rai nna, shi a lam shing nga tsun ai rai nga ai.

1 TIMOHTI 6:16

shi chyu sha htani htana asak a rawng nga ai hte, n dep lu ai nhtoi hta anga nga ai; masha gade ai mung shi hpe n mu yu ai hte, n mu lu nga ai: shi kaw htani htana arawng sadang hte hpung shingkang anga nga u ga law. Amen.

SHINGRAN 15:8

Shaloi dai nawku Htingnu gaw Karai Kasang a hpung shingkang hte shi a atsam majaw wan hkut hpring ing nna, dai lamu kasa sanit a ari zinli garai n htum htum gaw, dai nawku Htingnu kata de kadai mung n shang lu ai.

SHINGRAN 20:11

Bai, galu kaba ai tingnyang ahpraw mung, dai hta e dung nga ai wa hpe mung, ngai mu nngai; shi a myi man kaw na aga hte lamu gaw hkoi mat wa nna, dai yan a matu nga shara n nga mat ai.

SHINGRAN 3:21

Ngai dang lu nna, nye Wa a tingnyang e shi hte rau dung nga lu ai zawn, dang lu ai wa gaw, nye a tingnyang e ngai hte rau dung nga lu na ahkang, ngai jaw na we ai.

SHINGRAN 4:10

dai salang hkun mali mung, tingnyang hta dung nga ai wa a man e dingnyawm nna, htani htana prat dingsa ahkrung nga ai wa hpe nawku let, dai tingnyang man e tinang ni a ja janmau ni hpe raw tawn da nna,

SHINGRAN 4:2

Dai hte tsun ngut ai shaloi jang, wenyi hta ngai nawng mat wa nngai; shaloi, yu u, sumsing lamu hta e tingnyang dung nga ai rai nna, dai tingnyang hta marai langai mi dung nga ai.

SHINGRAN 4:3

Dung nga ai wa a ahpraw asam gaw, nagahtoi hte patemya lungseng zawn san nga ai rai nna, dai tingnyang grup yin e gaw, mya lungseng nsan ai n-goilatum jung nga ai.

SHINGRAN 4:9

Dai dusat amyu mali gaw, tingnyang hta dung ai htani htana prat dingsa ahkrung nga ai wa kaw, hpung shingkang, arawng sadang hte chyeju jaw ma ai shaloi e,

SHINGRAN 5:1

Bai, tingnyang hta dung nga ai wa a hkra lata hta, kata e mung ntsa e mung ka da nna, dazik sanit hte shakap da sai laika shabawn hpe ngai mu nngai.

SHINGRAN 5:7

Shaloi dai Sagu Kasha sa nna tingnyang hta dung nga ai wa a hkra lata na dai laika hpe la wu ai.

SHINGRAN 6:16

bum ni hte lunghkrung ni hpe shaga nna, Anhte a ntsa e hkrat bun mi; tingnyang hta dung ai wa a myit man hte, Sagu Kasha a pawt bu ai hta na anhte hpe magap maga la mi;