ESAIA 59:9 - Jinghpaw Hanson Version Bible

⁹ Dai re ai majaw tengman ai tara anhte hte tsan nga ai; dinghpring ai gaw anhte hpe n dep nga ai; anhte gaw nhtoi hpe myit mada timung, yu mu, nsin sin nga ai; htoi leng hpe myit mada timung, anhte sin mak hta hkawm nga ga ai.

Jinghpaw Common Language Bible 2009

⁹ Amyu masha ni gaw, “Ya chyawm gaw, anhte hpe dip gamyet nga ai ni a lata kaw na Karai Kasang anhte hpe hpa majaw n hkye la ai hpe anhte chye ga ai. Hkawm sa lu na matu nhtoi anhte myit mada ga ai, rai ti mung nsin sha nga nga ai,

ESAIA 59:9 ပူးပေါင်းရင်းမြစ်များ

ESAIA 5:30

Dai shani e shanhte gaw nammukdara wu kadu ai nsen hte zawn, shanhte hpe wu atet nna, dai mung hpe mada yu yang, yu u, nsin sin ai hte shoihpa shoirang hkrai rai nga ai; de a sumwi de na nhtoi pyi, nsin chyip rai mat sai.

YOBA 30:26

Rai timung, mai kaja ai hpe ngai mada nga yang, yubak sha du pru ai; nhtoi hpe marit nga yang htat ai nsin sin wa ai.

1 HTESALONI 5:3

Shanhte gaw, Ngwipyaw ai hte asan apan rai nga ai, nga nna tsun ma yang gaw, na-um nasin re ai numsha gaw shinggyim machyi hkrum ai zawn, shanhte a ntsa e hten byak wa ai gaw akajawng sha du na ra ai rai nna, shanhte kaning rai mung hprawng wa lu na ma ai n rai.

HABAKU 1:13

N hkru n hkra ai hpe n yu hkra, myit magaw ai lam n mada hkra, san seng ai myi tu ai wa e, nang hpa majaw hkalem hkalau ai wa hpe a mada nga ai hte, tara n lang ai wa gaw, shi hta grau dinghpring ai wa hpe jahtum kau nna,

MIHKA 1:12

Kaning rai nme law, Yehowa kaw na ari ahpri, Yerusalem mare chyinghka du hkra dep nga ai majaw, Marot kahtawng e shanu nga ai num gaw, shi kaning rai na lam, myit ung ang nga ai.

YEREMIA 14:19

Nang gaw Yuda mung hpe atsai awai kau da nu ni? na a myit masin Ziun hpe matsat kau nu ni? anhte n mai wa lu hkra, nang anhte hpe hpa majaw adup kau n ta? Anhte ngwipyaw lam myit mada timung, mai kaja ai n mu ga ai; gan ga ai aten hpe myit mada timung, mak mat ai hkrai hkrum ga hka!

YEREMIA 8:15

Anhte ngwipyaw lam myit mada timung, mai kaja ai n mu ga ai; gan ga ai aten hpe myit mada timung, mak mat ai hkrai hkrum ga hka!

SHAKAWN KUNGDAWN 82:5

Shanhte hpa mung n chye n chyang ma ai. Nsin e kahkrang hkawm nga ma ai: Lamu ga a npawt nhpang yawng shamu shamawt nga ai.

GA SHAGAWP 4:19

Tara n lang ai ni a lam gaw, nsin zawn rai nga ai; Hpa ahtu kataw shara hkrum na shanhte n chye ma ai.

ESAIA 8:21

Shanhte gaw hki ba ai hte kawsi hkrum let lai mat wa na mara ai: kawsi hkrum yang, shanhte myit kahtet nna, ntsa de dap mada yu let, tinang a hkawhkam wa hte, tinang a Karai Kasang hpe dagam kau na mara ai:

ESAIA 8:22

ga de mada yu yang, yu mu, ru tsang ai, nsin sin ai hte myit htum ai sin mang hkrai rai nga ai: shanhte gaw nsin htat ai shara de gawt kau ai hkrum na mara ai.

ESAIA 59:8

Ngwipyaw ai lam hpe shanhte n chye ma ai; shanhte sa wa ai lam hta tara n lawm nga ai; tinang sa wa na matu, magaw ai hku hkrai waw ma ai; dai hku hkan nang ai wa kadai mung ngwipyaw lam n chye ma ai.

ESAIA 59:11

Anhte yawng tsap zawn shabam nna, hkrudu zawn madai nga ga ai; tengman ai tara hpe anhte myit mada timung, n lu ga ai; hkye hkrang la ai chyeju hpe myit mada timung, dai gaw anhte hte tsan la nga ai.

ESAIA 59:14

Tengman ai tara gaw, kanut mat wa sai; dinghpring ai gaw, tsan tsan e tsap nga ai; tengman ai gaw mare lam hkan e kadawng mat sai; malang ai myit gaw shang lu ai n rai.

YEREMIA 13:16

Karai Kasang gaw, nsin hpe garai n shangun ai hte, nanhte a lagaw nsin sin ai bum ni a ntsa e garai n ahtu kataw nna, nanhte nhtoi hpe myit mada nga yang, shi dai hpe si du a shingnip hte htat ai nsin garai n shatai dingsa, nanhte a Karai Kasang Yehowa hpe shagrau sha-a mu.

SHARUNG SHAYAWT 3:2

Shi ngai hpe dun la nna, nhtoi hta n rai, nsin hta hkawm shangun nngai.

SHARUNG SHAYAWT 4:14

Shanhte gaw myi hten ai ni zawn mare lam hkan lamawm hkawm nna sai galu ai majaw, Kadai mung shanhte a hpun palawng hpe n hkra lu ma ai.

AMO LAIKA (AMOS) 8:9

Madu Yehowa ning nga ai: Dai aten hta, ngai gaw, shani ka-ang e jan shang shangun nna, lamu san ai shani hta mungkan ga hpe jasin kau na nngai.

YOBA 19:8

Ngai n lai lu hkra, shi nye a lam udang pat da nna, ngai sa wa ai hku hpe nsin jasin wu ai.