ESAIA 59:3 - Jinghpaw Hanson Version Bible

³ Nanhte a lata gaw asai hte, nanhte a layung ni shut hpyit ai hte, awu asin rai nga ai; nanhte a n-gup gaw masu ga tsun sai, nanhte shinglet gaw n hkru ai ga kahte tsun nga ai.

Jinghpaw Common Language Bible 2009

³ Nanhte gaw masu magaw ga tsun ai, kabring kabrawng du daw sai hkaw amu galaw ai, hte masha sat amu galaw ai mara lu nga myit dai.

ESAIA 59:3 ပူးပေါင်းရင်းမြစ်များ

GA SHAGAWP 6:17

Gumrawng gumtawng re ai myi man, masu ga tsun ai shinglet, Mara n kap ai wa a sai hpe jahkaw kau ai lata;

ESAIA 1:15

Nanhte lata ladawn yang, ngai myi man makoi mat na nngai; gaja wa, nanhte akroi anoi akyu hpyi timung, ngai n madat na nngai: nanhte a lata sai hte hpring nga ai.

ESAIA 1:21

Shawng e tara ding ai hte hpring nga ai, kangka re ai mare gaw, kaning rai shawa num tai a hka! Dinghpring ai gaw dai kata e shanu nga sai; ya chyawm, masha sat ai ni hkrai dè nga ma ai.

ESAIA 28:15

Anhte gaw si hkrung si htan hte ga shaka tawn da saga ai; katsan ga hte anhte myit hkrum ga ai: lim kau ai ari ahpri lwi wa timung, anhte kaw du lu na n rai; anhte gaw masu matsa ga hta shingbyi nna, hkalem ai ga npu e makoi nga ga ai, nga nna tsun myit dai majaw,

ESAIA 3:8

Kaning rai nme law, Yehowa a hpung rawng ai myi hpe kamau shangun na matu, shanhte a tsun ai ga hte arawn alai shi hte nhtan shai nga ai majaw, Yerusalem mare gaw hten run mat sai; Yuda mung gaw kadawng mat sai.

ESAIA 30:9

kaning rai nme law, ndai amyu gaw, gumlau ai amyu rai nga ai hte, Yehowa a tara n madat hkraw ai kashu kasha ni rai nga ma ai:

ESAIA 44:20

Shi gaw wan dap amawp sha nga ai; n shawp ai myit hte lam dam wa sai; dai rai nna shi gaw shi a myit masin hpe n hkye la lu ai hte, Nye a hkra lata hta masu ai hkrai rawng nga ai, n rai ni? nga nna n chye tsun a hka.

ESAIA 59:13

Yehowa a lam tawt lai ai hte, shi hpe nyet kau nna, anhte a Karai Kasang hpe kau da ga ai; adip arip, gumle gumlau ga anhte tsun nna, kraw lawang e maw ai masu magaw ga tsun shapraw ga ai.

ESAIA 6:5

Dai rai nna ngai gaw, “Ngai wa dingnye lu nngai; ngai htum mat ni ai; ngai nan n san n seng ai n-gup tu ninglen, n san n seng ai n-gup tu ai amyu ka-ang e dè nga timung, Zaw nawng zaw wa up ai Yehowa ngu ai, Hkawhkam wa hpe, nye myi hte nan mu lu se hka,” nga nna tsun nngai.

ESAIA 9:15

Dai amyu hpe woi awn ai ni, shanhte hpe lam shayit mu ai; shanhte hpe hkan nang ai ni mung, shamyit kau ai hkrum ma ai.

YEREMIA 2:30

Ngai gaw be be kaman sha nanhte a kashu kasha ni hpe ari jaw ni ai: shanhte gaw sharin achyin ai n hkam la ma ai; nanhte a nhtu gaw, amya sha ai hkanghkyi zawn, nanhte a myihtoi ni hpe shaza kau manu ai.

YEREMIA 2:34

Dai hta kaga, mara n kap ai matsan mayan ni a asai, na a hpun palawng hta kap nga ai hpe mu hkrup sai; shanhte gaw kashun kashe amu n galaw ma ai: rai timung dai zawn re ai ni mahkra hpe nang sat kau ndai.

YEREMIA 22:17

Na a myi hte myit masin chyawm gaw, lawhpa ai hkrai tam nna, mara n kap ai asai hpe jahkaw kau na hte, adip arip ai, kashun kashe ai hta kaga, hpa amu hpe mung n dum nga ai.

YEREMIA 7:8

Yu u, nanhte gaw akyu n rawng ai masu ga hta hpa nga myit dai.

YEREMIA 9:2

Ngai gaw, nye a amyu hpe kau da nna pru mat wa lu hkra, nam mali hkan e jarawp lu n ga lè: shanhte yawng num shaw la shaw ai ni hte, myit magaw ai hpung rai nga ma ai.

YEREMIA 9:7

Dai rai nna, Zaw nawng zaw wa up ai Yehowa ning nga ai: “Ngai shanhte hpe shabyawng nna, dinglik yu na nngai: shing n rai, nye amyu shayi sha hpe ngai kaning di na rai ta?

EZEKELA 13:8

“Dai re ai majaw, Madu Yehowa ning nga ai: ‘Nanhte kaman lila ga tsun nna, masu ai shingran mu ai majaw, yu mu, ngai Madu Yehowa nanhte hpe hkap daw na nngai.

EZEKELA 22:2

“Masha kasha e, nang hkum nan, dai sai kap ai mare hpe dawdan u, dawdan u; shi galaw ai matsat shabat amu mahkra hpe, madun dan u.

EZEKELA 35:6

Madu Yehowa ning nga ai: Ngai hkrung nga ai hte maren, sat kau hkrum na matu, ngai nang hpe hkyen da nna, nang sat kau hkrum na ndai: nang gaw asai hpe n koi kau ndai majaw, asai gaw nang hpe hkan shachyut na ra ai.

EZEKELA 7:23

Hpri sumri hpe galaw u; mungdan gaw masha sat ai yubak hte hpring nga nna, mare gaw kashun kashe hte chyat nga ai.

EZEKELA 9:9

Shaloi shi gaw, “Israela hte Yuda dap ni shut hpyit ai gaw, nachying kaba la nga ai; mungdan gaw sai hte hpring chyat nga nna, mare gaw gumlu gumlang hte hpring nga ai: kaning rai nme law, shanhte gaw, Yehowa nan mungdan hpe kau da nna, shi mu lu ai, n rai,” nga nna tsun shajang ma ai.

HOSEA 4:2

Matsa mawa, masu ai ga, masha sat ai, lagu lagut hte num shaw la shaw ai amu hkrai, rai nga ai: shanhte hpya sha nna, masha sat ai yubak matut manoi rai nga ai.

HOSEA 7:13

Shanhte ngai kaw na pru mat wa ai majaw, dingnye lu mu ga; ngai hpe shut hpyit ai majaw, hten byak hkrum mu ga: ngai shanhte hpe shaw la mayu timung, shanhte nye a lam masu ga tsun nga ma ai.

HOSEA 7:3

Shanhte gaw tinang a n kaja ai amu hte, hkawhkam wa hpe, tinang a masu ai ga hte, du ni hpe, shapyaw nga ma ai.

MIHKA 3:4

Dai shaloi e shanhte gaw Yehowa hpe hpyi jahtau timung, shi shanhte hpe n htan na ra ai: gaja wa, n hkru n hkra ai arawn alai hkan galaw ai hte maren, shi gaw dai aten e, shi a myi man, shanhte kaw na kayin makoi mat na ra ai.

MIHKA 6:12

Kaning rai nme law, dai mare na sut su ai ni gaw kashun kashe majaw lu su ma ai; yu maya ni gaw masu ga tsun nna, shanhte a n-gup hta hkalem hkalau ai shinglet tu nga ai.

MIHKA 7:2

Dinghpring ai wa gaw, ga ntsa na htum mat sai; mung masha ni hta myit malang ai wa langai mi n nga sai; shanhte nlang asai jahkaw kau na gyam yu ma ai: langai hte langai tinang hpunau wa hpe, sumgawn hte hkan tam ma ai.

MAHTE 27:4

Shanhte gaw, “Dai anhte hte hpa seng nga a ta? nang hkrum yu u” ngu mu ai.

1 TIMOHTI 4:2

hkalem hkalau chye ai wenyi ni hte nat a sharin shaga ai lam hpe madat mara na rai nna, shanhte a myit nsam hpri kahtet hte zawn gaba nga ai, nga nna,