ESAIA 59:2 - Jinghpaw Hanson Version Bible

² nanhte a shut hpyit ai gaw, nanhte a Karai Kasang hte nanhte hpe jahka kau myit dai; shi n na lu hkra, nanhte a yubak gaw, shi a myi man hpe magap kau nga ai.

Jinghpaw Common Language Bible 2009

² Dai gaw nanhte a yubak mara ni a majaw nanhte a nsen hpe shi n na nga ai. Nanhte Karai Kasang hpe nawku na shakut myit dai shaloi, dai nanhte a yubak mara ni gaw nanhte hpe Karai Kasang kaw na jahka kau ya nga ai.

ESAIA 59:2 ပူးပေါင်းရင်းမြစ်များ

GA SHAGAWP 15:29

Yehowa gaw tara n lang ai ni hte tsan nga ai; Dinghpring ai ni a akyu hpyi ai ga chyawm gaw, shi madat nga ai.

ESAIA 1:15

Nanhte lata ladawn yang, ngai myi man makoi mat na nngai; gaja wa, nanhte akroi anoi akyu hpyi timung, ngai n madat na nngai: nanhte a lata sai hte hpring nga ai.

ESAIA 50:1

Yehowa ning nga ai: Na nnu hpe jahka kau na matu, jahka kau laika kanang nga a ta? Ngai hka kap nna kadai hka madu kaw nanhte hpe dut kau n ta? Nanhte gaw, tinang mara majaw, dut kau ai hkrum nna, nanhte tara tawt lai ai majaw, nanhte a kanu gaw jahka kau ai hkrum sai.

ESAIA 57:17

Shi a n hkru ai lawhpa myit majaw, ngai masin pawt nna, shi hpe ari jaw we ai: ngai myi man makoi nna pawt sindawng nga nngai; shi mung tinang ra ai hku hkan nna, nhtang mat wa sai.

ESAIA 58:4

Nanhte gaw dangrang hkat ai hte, ga law ga la nna, n hkru ai lata latup hte htwi let, lusha gam myit dai: nanhte a nsen gaw, matsaw ntsang de hkrang lu na matu, nanhte dai ni lusha gam ai n rai.

YEREMIA 5:25

Nanhte a shut hpyit ai gaw ndai lam ni hpe shabai kau nna, nanhte a yubak gaw, nanhte a ngamu ngamai lam, pat kau manu ai.

SHARUNG SHAYAWT 1:8

Yerusalem gaw grai shut hpyit ai majaw, matsat shabat tai wa sai; Shi hpe hkungga ai ni nlang, shi singgu krin rai nga ai hpe mu nna, shi hpe n kaw n law di kau mu ai: Gaja wa shi madai nga nna, kanut mat wa ai.

EZEKELA 39:29

nye a myi man mung shanhte kaw na makoi kau na n rai: kaning rai nme law, ngai gaw Israela dap ntsa e nye a Wenyi ru bun ni ai,” nga nna Madu Yehowa tsun ai.

MIHKA 3:4

Dai shaloi e shanhte gaw Yehowa hpe hpyi jahtau timung, shi shanhte hpe n htan na ra ai: gaja wa, n hkru n hkra ai arawn alai hkan galaw ai hte maren, shi gaw dai aten e, shi a myi man, shanhte kaw na kayin makoi mat na ra ai.

YAWSHU 7:11

Israela amyu shut hpyit masai; ngai tawn da ai ga shaka pyi shanhte run kau ma mu ai; shanhte machyai da sai arai la nna, lagu mung lagu, masu mung masu; tinang a arai hta nan bang da nu ai.

1 SAMUELA 4:3

Masha ni dap de bai du wa ma jang, Israela agyi salang ni gaw, “Dai ni Yehowa anhte hpe, Hpilisti masha ni a man e hpa rai jasum mi ai i? Yehowa a ga shaka sumpu sa nna, masha hpyen ni a lata na anhte hpe hkye la mi ga, Shilo mare na wa la saga,” nga nna bawng ma ai.