ESAIA 59:11 - Jinghpaw Hanson Version Bible

¹¹ Anhte yawng tsap zawn shabam nna, hkrudu zawn madai nga ga ai; tengman ai tara hpe anhte myit mada timung, n lu ga ai; hkye hkrang la ai chyeju hpe myit mada timung, dai gaw anhte hte tsan la nga ai.

Jinghpaw Common Language Bible 2009

¹¹ Anhte gaw hkrit kajawng ai hte tsin-yam tsindam hkrum nga ga ai. Anhte gaw dip gamyet sha hkrum nga ai hte shut hpyit amu kaw na Karai Kasang anhte hpe hkye la na matu marit nga ga ai, rai ti mung dai gaw hpa mung n byin wa nga ai.

ESAIA 59:11 ပူးပေါင်းရင်းမြစ်များ

SHAKAWN KUNGDAWN 119:150

N hkru ai myit rawng ai ni, sit ni wa ma timung, Na a tara hte shanhte tsan nga ma ai.

SHAKAWN KUNGDAWN 119:155

Tara n lang ai ni, na a ga madat hpe n tam ma ai majaw, Hkye hkrang la ai lam shanhte hte tsan nga ai.

SHAKAWN KUNGDAWN 38:8

Hpam mat ma nna, agrawp agrap ngai rai nga nngai; Nye a kraw lawang na madai ai majaw shabam nga nngai.

SHAKAWN KUNGDAWN 55:2

Ngai hpe matsing da nna htan ya e: Gumlau wa a nsen hte, N hkru ai ni a kashun kashe a majaw, Ngai myit aru let kadau hkawm nna, a madai nga nngai.

SHAKAWN KUNGDAWN 85:9

Gaja wa, anhte a mungdan hta e arawng nga lu u ga; Shi a hkye hkrang la ai lam, shi hpe hkrit kamyin ai ni kaw ani sha nga nga ai.

ESAIA 38:14

Pilan hte mali tau zawn, ngai jawp nga nngai; Hkrudu zawn madai nga nngai: Nye a myi mada yu nna n-gun yawm mat sai. Yehowa e, nni nkri hkrum ai wa ngai rai nga nngai, Nye a pahkam wa nang tai u ga.

ESAIA 51:20

Na a shadang sha ni gaw htan mat masai; shanhte gaw mahkam hta lu ai shan zawn, mare lam mashe shagu hta taw nga ma ai: shanhte gaw Yehowa a n-yun bu ai, na a Karai Kasang a daru jet ai hte hkru nga ma ai.

ESAIA 59:14

Tengman ai tara gaw, kanut mat wa sai; dinghpring ai gaw, tsan tsan e tsap nga ai; tengman ai gaw mare lam hkan e kadawng mat sai; malang ai myit gaw shang lu ai n rai.

ESAIA 59:8

Ngwipyaw ai lam hpe shanhte n chye ma ai; shanhte sa wa ai lam hta tara n lawm nga ai; tinang sa wa na matu, magaw ai hku hkrai waw ma ai; dai hku hkan nang ai wa kadai mung ngwipyaw lam n chye ma ai.

ESAIA 59:9

Dai re ai majaw tengman ai tara anhte hte tsan nga ai; dinghpring ai gaw anhte hpe n dep nga ai; anhte gaw nhtoi hpe myit mada timung, yu mu, nsin sin nga ai; htoi leng hpe myit mada timung, anhte sin mak hta hkawm nga ga ai.

YEREMIA 8:15

Anhte ngwipyaw lam myit mada timung, mai kaja ai n mu ga ai; gan ga ai aten hpe myit mada timung, mak mat ai hkrai hkrum ga hka!

YEREMIA 9:1

Nye amyu shayi sha hte seng ai sat kau hkrum ai ni majaw, ngai gaw shani shana hkrap ngu hkrap ngoi nga lu hkra, nye a baw ntsin hkrai, nye a myi gaw myi prwi lwi ai hka hpawk, tai u ga law.

SHARUNG SHAYAWT 3:17

Nang gaw nye a myit masin hpe ngwipyaw ai hte tsan tsan jahka kau nna, ngamu ngamai lam hpe ngai malap kau ni ai.

EZEKELA 7:16

Lawt lu ai ni mahtang lawt lu timung, langai hte langai tinang a yubak majaw madai let, kadit na hkrudu zawn, bum ntsa e nga mat na mara ai.

HOSEA 7:14

Shanhte gaw tinang yup ku ntsa e hpyi jahtau timung, tinang myit masin hte ngai hpe n shaga ma ai: nai mam hte tsabyi jahku lu la na matu, shanhte zuphpawng nna, ngai hpe gumlau ma ai.

NAHUM 2:7

Hkang tawn da ai ga hte maren, Ninewe shayi sha gaw, singgu krin woi wa ai hkrum nna, shi a shingnan num ni, hkrudu zawn ngoi let, sinda adup ma ai.

NAHUM 2:8

Ninewe gaw moi kaw nna hka lawng zawn rai nga ai: ya chyawm gaw shanhte hprawng wa ma ai. Hkring mu, hkring mu, ngu nna jahtau timung, kadai n kayin yu ma ai.