ESAIA 57:7 - Jinghpaw Hanson Version Bible

⁷ Nang gaw tsaw la ai bum ntsa e na a yup ku hpe tawn da nu ai: hkungga nawng na matu mung, nang dai de lung wa nit dai.

Jinghpaw Common Language Bible 2009

⁷ Nanhte gaw tsaw ai bum ni de shagu hkungga ni nawng ai hte num la kanawn mazum na matu lung myit dai.

ESAIA 57:7 ပူးပေါင်းရင်းမြစ်များ

ESAIA 57:3

Ataw, hpyi num a kasha ni, num shaw ai wa hte shawa num a matu mara ni e sit sa marit;

ESAIA 65:7

gaja wa, nanhte a shut hpyit ai hte hpawn, bum ntsa e lawban nat nna, kawng ni a ntsa e ngai hpe shatan nhkan ai, nji nwa ni a shut hpyit ai hpe mung, ngai nanhte a lahpyen hta tai na nngai: shing rai ngai gaw, shanhte a arawn alai hte maren, shanhte a lahpyen hta shawng hteng ya na nngai,” nga nna Yehowa tsun ai.

YEREMIA 2:20

“Nang mahtang moi kaw nna na a kandang hpe daw kau nna, nang hpe gyit ai sumri gang dut kau nhtawm, Ngai gaw mayam amu n galaw na nngai, nga nna tsun ndai: kaning rai nme law, tsaw ai kawng shagu a ntsa e mung, tsit lali ai hpun shagu a npu e mung, nang gum nna shawa num tai nga ndai.

YEREMIA 3:2

Krin ai kawng ni hpe mada yu u; nang la hte n kanawn ai shara langai ngai, nga a ni? zaibru jang na Arabi masha zawn, lam makau e dung nga let, nang shanhte hpe hkap lau nna, na a shawa num a amu hte, n san n seng ai amu majaw, mung ting awu asin rai nga ai.

YEREMIA 3:6

Bai, hkawhkam Yoshia lakhtak e, Yehowa ngai hpe ning nga ai: Htak mat sai Israela amyu hpe nang mu nu ni? shi gaw, tsaw ai bum shagu a ntsa e mung, tsit lali ai hpun shagu a npu e mung, shawa num tai wa sai.

EZEKELA 16:16

Dai hta kaga nang gaw, na a hpun palawng raw nna, ahpraw asam amyu myu pru ai sumpan hte tsaw ai shara ni hpe mawn nna, de a ntsa e shawa num amu galaw ndai: dai lam galoi n byin yu ai hte, htawm hpang de mung n byin na ra ai.

EZEKELA 16:24

nang rawng na matu wahpang galaw nna, mare lam shagu hta tsaw ai shara dè da ndai.

EZEKELA 16:25

Nang gaw lam she shagu hta na a tsaw ai shara ni hpe de da nna, na a tsawm htap ai hkum hpe matsat shabat di kau hkra, dai lam lai wa ai ni yawng hpe lagaw shadawng dan nna, shut hpyit ai amu shalaw dat wu ai.

EZEKELA 23:17

Babelon masha ni mung shi kaw sa nna, shi a yup ku de shang ma ai: shanhte gaw shut hpyit ai hte shi hpe awu asin di kau mu ai; shanhte hte n san n seng nga yang, shi a myit masin shanhte hpe matsat nga ai.

EZEKELA 23:41

tsawm ai yup ku hta dung nna, lajang da ai sha ku de a makau e nga nga ai; dai ku ntsa e nye a manam pyaw ai baw hte asau hpe nang mara da ndai.

EZEKELA 6:13

Tawn hkungri ni a grup yin e hpara sumla ni hte hpawn, tsaw ai kawng shagu a ntsa e mung, bum pungding shagu a ntsa e mung, tsit lali ai hpun shagu a npu e mung, shingnip tsawm ai wamyi hpun shagu a npu e mung, hpara ni hpe manam pyaw ai baw nat nawng ai shara shagu hta mung, shanhte a hkala nba si hkrum ai moi mang ni jawng nga ma ai hpe, mu myit yang, ngai Yehowa rai nga nngai, nanhte chye lu na marin dai.