ESAIA 57:5 - Jinghpaw Hanson Version Bible

⁵ nanhte gaw, wamyi hpun hte tsit lali ai hpun shagu a npu e pyaw daw kadaw hkawm ai hte, hkaraw kadit lunghkrung ni a npu e, kasha ni hpe sat kau ai ni, n rai nga myit ni?

Jinghpaw Common Language Bible 2009

⁵ Nanhte gaw chyoi pra ai hpun npu hkan num la kanawn mazum ai amu galaw let mayat maya ai karai ni hpe nawku nga myit dai. Nanhte gaw hka shi hkaraw kadit hkan na lunghkrung lungpu ni hta tinang a kashu kasha ni hpe shagu hkungga nawng jau nga myit dai.

ESAIA 57:5 ပူးပေါင်းရင်းမြစ်များ

1 HKAWHKAM 14:23

Shanhte gaw tsaw ai kawng shagu hta, tsit lali ai hpun shagu npu e, nawku shara ni, sumla shadaw ni hte Asherim sumla ni hpe sharawt tawn da mu ai:

2 HKAWHKAM 17:10

kawng shagu a ntsa e mung, tsit lali ai hpun shagu a npu e mung, sumla shadaw ni hte Asherim sumla ni hpe shadun da mu ai:

2 HKAWHKAM 17:7

Shing rai byin wa ai lam gaw, Israela kashu kasha ni hpe Egutu mung hte, Egutu hkawhkam Hpara-u a lata hta na hkrang shaw la ai, shanhte a Karai Kasang Yehowa hpe shanhte shut hpyit kau nna, hpara shaje ni hpe hkrit kang ai hte,

2 HKAWHKAM 23:10

Kadai mung Molek Hpara a matu, tinang a shayi shadang sha hpe wan nat hkungga n shatai ya lu hkra, shi gaw Hinom kashu kasha ni a kadit e nga ai Tohpet shara hpe mung, awu asin di kau wu ai.

2 HKAWHKAM LABAU 28:3

Dai hta n-ga, Yehowa gaw Israela kashu kasha ni a myi man kaw na shachyut shaden kau ai maigan amyu ni a matsat shabat lam hkan let, Hinom kadit e manam pyaw ai baw nat nawng ya nna, shi a kasha ni hpe pyi wan nat hkungga shatai wu ai.

PRU MAT 32:6

Hpang jahpawt jau jau shanhte rawt nna, wan nat hkungga nawng ai hte mahku hkungga la sa mu ai: amyu masha ni mung lusha let dung nga ma ai; bai ka manau na nga rawt ma ai.

ESAIA 1:29

Kaning rai nme law, nanhte ra yu ai wamyi hpun ni a majaw, shanhte kaya dum nna, nanhte lata la ai sun ni a majaw, myi man sum mat na marin dai.

YEREMIA 17:2

shanhte a ma kaji ni pyi, tsaw ai kawng ni a tsit lali ai hpun makau e nga ai, tawn hkungri ni hte Asherim sumla ni hpe dum ma ai.

YEREMIA 2:20

“Nang mahtang moi kaw nna na a kandang hpe daw kau nna, nang hpe gyit ai sumri gang dut kau nhtawm, Ngai gaw mayam amu n galaw na nngai, nga nna tsun ndai: kaning rai nme law, tsaw ai kawng shagu a ntsa e mung, tsit lali ai hpun shagu a npu e mung, nang gum nna shawa num tai nga ndai.

YEREMIA 3:13

Nang gaw shut hpyit nna, na a Karai Kasang Yehowa a tara tawt lai ai hte, tsit lali ai hpun shagu npu e, tsasam masha ni hte kahkrang hkawm nna, nye a nsen n madat ai hpe, yin la u, nga nna Yehowa tsun ai.

YEREMIA 3:6

Bai, hkawhkam Yoshia lakhtak e, Yehowa ngai hpe ning nga ai: Htak mat sai Israela amyu hpe nang mu nu ni? shi gaw, tsaw ai bum shagu a ntsa e mung, tsit lali ai hpun shagu a npu e mung, shawa num tai wa sai.

YEREMIA 32:35

Shanhte a shayi shadang sha ni hpe, Molek hpara a wan nat hkungga shatai na matu, shanhte gaw Hinom kasha a kadit e Bala a tsaw ai kawng ni hpe, dè da manu ai; dai lam ngai shanhte hpe htet da ai n rai; Yuda amyu yubak hkrum na matu, shing re ai matsat shabat amu galaw na ngai n myit nngai.

YEREMIA 50:38

Hkraw hkun ai tsin-yam gaw mare a hka ni a ntsa e du nna, hkyet kan mat na mara ai: kaning rai nme law, ndai mung gaw, hpara sumla hpring ai mung rai nga nna, mung masha ni gaw, nawku sumla ni a lam mana bu ma ai.

YEREMIA 51:7

Babelon mare gaw, Yehowa lang nna, mungkan ting hpe shanang kau ai ja gawm rai nga ai: masha amyu baw ni gaw, dai hta rawng ai tsabyi jahku lu ma ai majaw, mana bu ma ai.

YEREMIA 7:31

Shanhte gaw Hinom kasha a kadit e, tsaw ai shara ngu ai Tohpet hpe gaw da nna, dai yang e tinang a shayi shadang sha ni hpe wan hte nawng kau manu ai; dai lam hpe ngai htet da ai n rai; gaja wa n ra nngai.

EZEKELA 16:20

“Dai hta n-ga, nye a matu nang shangai ai, na a shayi shadang sha ni hpe nang la nna, sha kau hkrum na matu, sumla ni hpe nawng ya kau mu ai: nang hkan ai shawa num amu gaw, amu kaja rai nga a ni?

EZEKELA 20:26

ngai Yehowa rai nga ai hpe shanhte chye lu hkra, shanhte hpe shamyit kau na matu, kasha alat ni hpe wan nat hkungga shatai ai hta, shanhte a kumhpa ni hte nawng, ngai shanhte hpe awu asin di kau nngai.”

EZEKELA 20:28

shanhte hpe jaw na ngu, ngai dagam da ai mung de, woi wa yang, shanhte gaw tsaw ai kawng shagu hte, wum ai hpun shagu hkungga nawng ya let, ngai hpe pawt bu shangun ai kumhpa ni jaw nga ma ai: dai yang e mung, shanhte manam pyaw ai baw nat nawng ya nna, dumhpung hkungga ru jaw mu ai.

EZEKELA 20:31

Nanhte kumhpa jaw nna, nanhte a shadang sha ni hpe wan nat hkungga shatai let, dai ni du hkra nanhte a hpara ni hte tinang dai awu asin rai nga yang, ngai gaw nanhte a san yu ai hkam na rai ni? Ngai hkrung nga ai hte maren, nanhte san yu ai, ngai hkam na n rai, nga nna Madu Yehowa tsun ai:

EZEKELA 6:13

Tawn hkungri ni a grup yin e hpara sumla ni hte hpawn, tsaw ai kawng shagu a ntsa e mung, bum pungding shagu a ntsa e mung, tsit lali ai hpun shagu a npu e mung, shingnip tsawm ai wamyi hpun shagu a npu e mung, hpara ni hpe manam pyaw ai baw nat nawng ai shara shagu hta mung, shanhte a hkala nba si hkrum ai moi mang ni jawng nga ma ai hpe, mu myit yang, ngai Yehowa rai nga nngai, nanhte chye lu na marin dai.

JAW JAU 18:21

Na a kashu kasha ni e Molok hpara hpe nat nawng lu na n rai: na a Karai Kasang a mying ningsang hpe nang jahpoi lu na n rai: ngai gaw Yehowa rai nga nngai.

BU HKAWM 25:6

Dai shaloi, Israela masha langai mi gaw Mawshe hte shawa sum a chyinghka makau e hkrap nga ai Israela shawa hpung nlang hte a man e, Midian numsha langai mi hpe, shi a kahpu kanau ni kaw woi shawn wu ai.

TARA JAHPRANG 12:2

Nanhte gawt kau na amyu ni, shanhte a Hpara ni hpe jaw jau ai shara ni ngu ai, tsaw ai bum ntsa hkan na, kawng ntsa hkan na hte tsit lali ai hpun shagu npu hkan na shara yawng hpe nanhte teng teng atsai awai di kau na rai myit dai:

SHINGRAN 18:3

Kaning rai nme law, shi a hpye ai amu ngu ai tsabyi jahku hte masha amyu baw shagu kadawng daw mat masai; ga ntsa hkawhkam ni mung shi hte rau hpye ai amu galaw nna, shi a hpung shingkang hte sawse lawklek ai lam a majaw, mungkan ga na hpaga ni sut su wa masai,” nga nna ja ai nsen hte jahtau wu ai.