ESAIA 57:18 - Jinghpaw Hanson Version Bible

¹⁸ shi a arawn alai ngai mu se ai; ngai shi hpe shamai shatsai na nngai; ngai shi hpe woi wa nna, shi a matu mung, shi hte rau sharung shayawt ai ni matu mung, ngwipyaw lam bai shatai na nngai.

Jinghpaw Common Language Bible 2009

¹⁸ “Shanhte gara hku shamu shamawt ai amu hpe ngai mu se ai, rai ti mung ngai shanhte hpe shamai shatsai na nngai. Ngai shanhte hpe woi awn na nngai, shanhte hpe karum na nngai, Sharung shayawt hkrum nga ai ni hpe ngai shalan shabran na nngai.

ESAIA 57:18 ပူးပေါင်းရင်းမြစ်များ

SHAKAWN KUNGDAWN 23:2

Tsit lali ai udat shara e shi ngai hpe hpum shangun nna, Ngwi ai hka kau de woi sa wa nngai.

SHAKAWN KUNGDAWN 51:12

Na a hkye hkrang la ai lam a kabu gara ai gaw, ngai hpe bai jaw nna, N wai ai Wenyi hte ngai hpe shadaw da e.

SHAKAWN KUNGDAWN 94:19

Nye a kraw lawang na myit law ai shaloi e, Nang shakawp ya nna, nye a myit masin hpe kabu shangun ya nngai.

HPAJI NINGLI 9:4

Kaning rai nme law, hkrung nga ai ni hte naw matut nga yang, myit mada shara naw nga ai: hkrung nga ai gwi gaw, si mat ai hkanghkyi hta grau hpu nga ai.

ESAIA 1:18

Yehowa tsun ai gaw, “Sa marit, anhte dangrang hkat ga; nanhte a yubak gaw, sai zawn hkyeng timung, hkyen zawn hpraw na ra ai; hkyi hkang zawn hkyeng mang timung, sagu mun zawn rai na ra ai.

ESAIA 12:1

Dai shani e nang gaw, “Yehowa e, ngai nang hpe shakawn na de ai; nang ngai hpe pawt bu timung, myit bai kawp wa nna, ngai hpe shangwi shapyaw ya ndai.

ESAIA 19:22

Yehowa gaw Egutu mung hpe adup timung shamai na ra ai: shanhte gaw Yehowa hpang de kayin wa nna tawngban nga ma ai majaw, shi shanhte hpe shamai shatsai na ra ai.

ESAIA 30:18

Rai timung, nanhte hpe chyeju myit madun na matu, Yehowa ala nga ai; nanhte hpe matsan dum na matu shi galu kaba nga ai: kaning rai nme law, Yehowa gaw tara ding ai Karai Kasang rai nga ai; shi hpe ala nga ai ni yawng, a lu ma ai.

ESAIA 30:26

Dai hta n-ga, Yehowa gaw, shi amyu a nma hpe kayawp nna, shanhte a hkala nba hpe shamai shatsai ai shani e, shata a nhtoi gaw jan a nhtoi zawn, jan a nhtoi gaw, myi na hta, htam sanit htoi na ra ai.

ESAIA 49:10

Shanhte gaw kawsi hpang kara hkrum na, n rai; kahtet kamawt hte jan ja mung hkrum na, n rai: kaning rai nme law, shanhte hpe matsan dum ai wa gaw, shanhte hpe woi wa nna, hka hpawk makau hku lam madun na ra ai.

ESAIA 51:12

Nanhte hpe shalan shabran ai wa gaw, kaga wa n rai, ngai nan rai nga nngai: si ang ai masha hpe mung, tsingdu zawn tai wa na shinggyim masha a kasha hpe mung, hkrit kamyin nna,

ESAIA 52:12

Kaning rai nme law, nanhte tin shapun pru wa na n rai; hprawng ai zawn mung pru wa na n rai, Yehowa nan nanhte a shawng e sa wa nna, Israela Karai Kasang gaw nanhte a hpang e sin langa tai na ra ai.

ESAIA 53:5

Rai timung, shi gaw anhte a tara tawt lai ai a jaw e hkala nba hkrum nna, anhte shut hpyit ai a majaw ahpye a lam hkrum sha nga ai: anhte ngwipyaw nga lu hkra, shi ari ahpri hkrum sha nga ai; shi a nma majaw, anhte mai tsai lu ga ai.

ESAIA 57:15

Kaning rai nme law, Htani htana anga nga nna, Chyoi pra mying ai wa, Matsaw Ntsang na Daru Magam rawng ai wa gaw, ning nga ai: “Ngai gaw tsaw htum ai shara hte chyoi pra htum ai shara hta shanu nga nna, myit gyip ai wa a wenyi hpe shalan shabran na matu mung, myit nem ai wa a myit masin hpe shalan shabran na matu mung, myit nem ai wa hte myit gyip ai wa hte rau, ngai shanu nga nngai.

ESAIA 58:11

Yehowa gaw nang hpe tutnawng woi wa nna, hkraw hkun ai shara e na a myit masin hpe jahkru shakat ya ai hte, na a nrut nra ni hpe n-gun shaja ya na ra ai: nang gaw hka rawng ai sun hte, galoi n hkyet mat ai hka hpawk zawn, tai na rin dai.

YEREMIA 13:17

Nanhte dai ga hpe n madat mara nga ai rai yang, nanhte a gumrawng gumtawng ai majaw, nye a myit masin n dan n leng ai shara e hkrap nga na ra ai; Yehowa sagu hpung hpe rim la ai majaw, nye a myi grai hkrap nna, myi prwi lwi na ra ai.

YEREMIA 3:22

Htak mat ai ma ni e, bai wa marit; nanhte a htak mat ai hpe ngai shamai shatsai na nngai. Yu u, anhte nang hpang de wa ga ai; nang gaw anhte a Karai Kasang Yehowa rai nga ndai.

YEREMIA 30:17

Kaning rai nme law, masha ni gaw, kau da hkrum ai wa, nga nna mung, kadai n kawan katsan yu ai Ziun, nga nna mung, nang hpe tsun aroi ai majaw, ngai nang hpe shamai shatsai nna, hkam kaja shangun na de ai, nga nna Yehowa tsun ai.

YEREMIA 31:3

Yehowa gaw tsan tsan de na ngai kaw dan pru nna, Gaja wa, htani htana tsawra ai hte ngai nang hpe tsawra de ai; dai re ai majaw n-gaw nwai myit hte, ngai nang hpe dun la ni ai.

ZEHKARIA 1:13

Yehowa mung, ngai hte ga tsun ai lamu kasa hpe, mai kaja, ngwipyaw ga hte, htan wu ai.

LUKA 15:20

Shing rai shi rawt wa nna, kawa kaw du wa ai. Shi tsan tsan naw rai nga yang, kawa gaw shi hpe hkap mu ai hte matsan yu dum nna, gat sa nhtawm, kasha a du hta noi ginshum let, shi hpe a pup wu ai.

ROMA 5:20

Shut hpyit ai amu law jat wa mu ga, jep ai tara gaw shang lawm wa sai:

SHINGRAN 7:17

Kaning rai nme law, tingnyang ka-ang e nga ai Sagu Kasha gaw, shanhte a sagu rem ai wa tai na ra ai rai nna, asak hka hpawk du hkra shanhte hpe lam woi madun na ra ai: Karai Kasang mung, shanhte a myi hta na myi prwi yawng tsai hkra katsut kau ya na ra ai.