ESAIA 57:17 - Jinghpaw Hanson Version Bible

¹⁷ Shi a n hkru ai lawhpa myit majaw, ngai masin pawt nna, shi hpe ari jaw we ai: ngai myi man makoi nna pawt sindawng nga nngai; shi mung tinang ra ai hku hkan nna, nhtang mat wa sai.

Jinghpaw Common Language Bible 2009

¹⁷ Shanhte a yubak hte lawhpa myit a majaw ngai shanhte hpe masin pawt nngai, dai rai nna, ngai shanhte hpe ari jaw ai hte kau da nngai. Rai ti mung, shanhte gaw du ja nna shanhte a lam hku matut hkawm ma ai.

ESAIA 57:17 ပူးပေါင်းရင်းမြစ်များ

ESAIA 56:11

Ndai gwi ni gaw lawhpa myit rawng nna, n hkru hkraw ma ai: ndai ni gaw nyan n rawng ai sagu rem ai ni rai nga ma ai; shanhte yawng lam yit nna, langai hte langai tinang akyu hkrai hkan shachyut ma ai:

KOLOSE 3:5

Dai re ai majaw, hpye ai amu, awu asin re ai amu, ngang kayut ai, n hkru n hkra re ai marin marit ai hte, gawngngu sumla nawku ai rai nga ai nammak lawhpa ngu ai, ga ntsa na nanhte a daw shan ni hpe sat kau mu:

YEREMIA 6:13

“Shanhte yawng, kaji htum ai wa kaw nna, kaba htum ai wa du hkra, lawhpa myit rawng ma ai; myihtoi wa kaw nna hkinjawng wa du hkra, langai hte langai, masu magaw lam hkan ma ai.

2 PETRU 2:14

Shanhte a myi gaw num shaw ai amu hte yubak baw sumhpa hte hpring chyat nga ma ai rai nna, shanhte gaw n ngang n hkang re ai ni hpe lau la mu ai: shanhte myit lawhpa ai hta maju jung nga malu ai; dagam dala hkrum ai kashu kasha ni mung, shanhte rai nga ma ai.

1 TIMOHTI 6:9

Kaning rai nme law, sut su mayu ai ni gaw, hten byak nna shaza kau ai hta, masha ni hpe marit si shangun kau ai gunglau ai hte dawnggawng hta, angawk angak re ai hte sheng mareng re ai myit marin ai lam amyu myu hta, lup mat ma ai.

LUKA 12:15

Shanhte hpe mung shi bai tsun mu ai gaw, Nammak lawhpa lam yawng hta na myit hpe shim shadang nna koi gam mu: kaning rai nme law, sutgan law htam wa ai hta, masha asak rawng ai n rai,” ngu mu ai.

EZEKELA 33:31

Shanhte gaw shawa hpawng sa nna, nye a masha ni zawn na a man e dung nga ninglen, na a ga na la timung, n galaw hkraw ma ai: shanhte gaw tinang a n-gup hte ga ngwi grai tsun timung, tinang a lawhpa myit sutgan hta jung nga malu ai.

YEREMIA 22:17

Na a myi hte myit masin chyawm gaw, lawhpa ai hkrai tam nna, mara n kap ai asai hpe jahkaw kau na hte, adip arip ai, kashun kashe ai hta kaga, hpa amu hpe mung n dum nga ai.

YEREMIA 8:10

Dai re ai majaw, shanhte a madu jan ni hpe tsasam masha ni a lata de ngai ap kau na nngai; shanhte a yi hkauna ni hpe masha kaga ni madu sha na mara ai: kaning rai nme law, kaji htum ai wa kaw nna kaba htum ai wa du hkra, yawng hte gaw lawhpa myit rawng ma ai: myihtoi wa kaw nna hkinjawng wa du hkra, langai hte langai masu magaw lam hkan ma ai.

YEREMIA 5:3

Yehowa e, na a myi kangka lam hpe tau yu nga ai, n rai ni? Nang shanhte hpe kayat timung, shanhte hpa n nawn ma ai; shaza kau timung, sharin achyin ai n hkam hkraw ma ai: tinang a myi man hpe nlung hta grau shaja ma ai; shanhte bai wa na, n hkraw ma ai.

YEREMIA 2:30

Ngai gaw be be kaman sha nanhte a kashu kasha ni hpe ari jaw ni ai: shanhte gaw sharin achyin ai n hkam la ma ai; nanhte a nhtu gaw, amya sha ai hkanghkyi zawn, nanhte a myihtoi ni hpe shaza kau manu ai.

ESAIA 45:15

Israela Karai Kasang, Hkye hkrang la ai Wa e, makoi magap nga ai Karai Kasang nang teng teng rai nga ndai, nga nna hpyi nem na mara ai.

ESAIA 9:13

Dai re ai majaw Yehowa gaw Israela amyu hta na, baw hte nmai hpe mung, ma-un lakung hte mai-aw hpun hpe mung, lani mi hta sha kran kau na ra ai.

ESAIA 8:17

Ngai mahtang, Yaku a nta hpe myi man makoi kau ai Yehowa hpe ala nga nna, shi hpe myit mada na nngai.

ESAIA 1:4

N shawp ai amyu e, nang gaw yubak lit gun ai amyu, n hkru n hkra ai aru arat, myit magaw ai kashu kasha rai nga n hka! Shanhte Yehowa hpe kau da masai; Israela a Chyoi pra ai wa hpe n gawn n sawn di kau manu ai; shanhte kayin nna kanut mat wa masai.

HPAJI NINGLI 6:9

Tinang myi e nan mu lu ai akyu gaw, lawhpa myit hta grau kaja nga ai; dai mung kaman lila hte nbung shachyut ai hkrai rai nga ai.

2 PETRU 2:3

Shanhte gaw lawhpa ai myit hkan let, hkalem ai ga hte nanhte hpe hpaga ga na marin dai: shanhte hpe dawdan na ari chyawm gaw, moi chyaloi nhkoi kaw nna n lanyan ai hte, shanhte hkrum sha na tsin-yam tsindam gaw gaungwi gausi yup shamwi nga ai n rai.

ESAIA 2:7

Shanhte a mungdan gaw, aja gumhpraw hte hpring nna, shanhte a sutgan hti n dang law nga ai; shanhte a mungdan gaw gumra hte hpring nna, gumra leng ni hti n dang law nga ai.

ESAIA 42:24

Yaku hpe hpya lu hpya sha na matu, Israela hpe damya ni a lata de kadai ap kau a ta? Anhte shut kau ai Yehowa n rai ni? shanhte gaw shi a lam ni n hkan hkraw ai hte, shi a tara hpe n madat ma ai.

ESAIA 64:9

Yehowa e, aja awa hkum pawt e; yubak mara hpe tutnawng hkum dum nga et; mada yu u, anhte yawng na a masha ni rai nga ga ai.

ESAIA 66:3

Usu lang ai wa gaw, masha sat ai wa hte bung nga ai; sagu kasha hpe nawng ya ai wa gaw, gwi du htau ai wa hte bung nga ai; lusha hkungga jaw ai wa gaw, wa sai hkungga jaw ai wa hte bung nga ai; lawban nat nawng ya ai wa gaw, sumla hpe shaman ya ai wa hte bung nga ai. Gaja wa shanhte gaw tinang ra ai lam lata la nna, tinang a myit masin gaw, tinang matsat shabat lam hta pyaw nga ma ai.

YEREMIA 3:14

Htak mat ai ma ni e, bai wa marit, nga nna Yehowa tsun ai: ngai gaw nanhte a madu nan rai nga nngai; ngai gaw mare mi hta na langai mi, htinggaw mi hta na lahkawng, lata la nna, Ziun mare de woi wa na nngai.

YEREMIA 3:22

Htak mat ai ma ni e, bai wa marit; nanhte a htak mat ai hpe ngai shamai shatsai na nngai. Yu u, anhte nang hpang de wa ga ai; nang gaw anhte a Karai Kasang Yehowa rai nga ndai.

YEREMIA 51:13

Hka law law makau e nga nga nna, sut pungding e ningngai ai wa e, na a htum mat ai hte, na a lawhpa myit mak mat ai aten du sai.

YEREMIA 8:6

Ngai atsawm sha madat yu yang, shanhte gaw malang ai ga n tsun ma ai; “Ngai hpa galaw hkrup se ai i?” nga nna tinang shut ai hpe dum let, kadai mung myit nem ai n rai; hpyen htim ai gumra zawn, langai hte langai tinang lam hta gat hkawm ma ai.