ESAIA 57:16 - Jinghpaw Hanson Version Bible

¹⁶ Ngai gaw tutnawng dangrang hkat na n rai, tutnawng pawt sindawng na n rai; shing n rai yang, wenyi gaw nye a man e mat mat nna, ngai hpan da ai myit masin gaw, hten mat hkrum na ra ai.

Jinghpaw Common Language Bible 2009

¹⁶ Ngai gaw nye a amyu masha ni hpe asak jaw da ni ai, ngai gaw shanhte hpe matut nna mara shagun na n rai, shanhte hpe htani htana pawt sindawng na n rai.

ESAIA 57:16 ပူးပေါင်းရင်းမြစ်များ

NINGPAWT NINGHPANG 6:3

Yehowa chyawm gaw, “shinggyim masha ni, lam dam ai gaw, hkum shan sha rai nga ma ai majaw, nye a Wenyi shanhte hpe tut tut a daru nga na n rai: dai rai nna shi a asak gaw latsa e hkun ning sha rai na rai nga ai.”

2 SAMUELA 24:16

Ya dai lamu kasa gaw, Yerusalem mare de jahten shabya na nga shi a lata shada wu yang, Yehowa mahtang ari dai hte a majaw myit bai kayin nna, Ram sai, na lata dawm la nu, ngu nna masha ni hpe jahten shabya ai lamu kasa hpe tsun wu ai. Yehowa a lamu kasa chyawm gaw, Yebusi masha Arauna mam chyarang makau e hkring nga ai.

YOBA 12:10

Shi a lata hta hkrung mahkrung rawng nga nna, nsoi nsa rawng ai shinggyim masha hpe shi jahkrung da nga ai.

SHAKAWN KUNGDAWN 85:5

Nang anhte hpe tutnawng e a pawt nga na n ni? Prat mi hte prat mi masin a pawt nga na n ni?

HPAJI NINGLI 12:7

ga nhpu gaw ga de garai n htang wa ai hte, wenyi gaw, wenyi jaw ya ai Karai Kasang hpang de garai n wa wa gaw, Hpan Wa Ningsang hpe dum nga u law.

ESAIA 27:8

N rai law, nang shanhte hpe shapraw kau yang, sharam ai myit hte nang ari jaw nna, sinpraw nbung bung ai shani e shanhte hpe ahpawt kau manu ai.

ESAIA 30:18

Rai timung, nanhte hpe chyeju myit madun na matu, Yehowa ala nga ai; nanhte hpe matsan dum na matu shi galu kaba nga ai: kaning rai nme law, Yehowa gaw tara ding ai Karai Kasang rai nga ai; shi hpe ala nga ai ni yawng, a lu ma ai.

ESAIA 42:5

Sumsing lamu hpe hpan nna kahpyan da ai wa, ginding aga hte dai hta nga manga hpe nep da ai wa, de a ntsa e nga ai amyu ni hpe asak, dai hta hkawm nga ai ni hpe wenyi jaw ai wa, Karai Kasang Yehowa ning nga ai:

ESAIA 64:8

Rai timung, Yehowa e, nang gaw anhte a Kawa rai nga ndai; anhte gaw ga kagam rai nga ga ai, nang gaw dibu sama rai nga ndai; anhte yawng na a lata a amu rai nga ga ai.

YEREMIA 10:24

Yehowa e, ngai hpe sharin e; rai timung, ngai n htum mat hkra, na a pawt sindawng ai hte n rai; shadawn sharam hte sha, sharin e.

YEREMIA 3:5

Shi gaw tutnawng pawt nga na a ni? prat htum hkra yubak matsing da na a ni? nang tsun ninglen, yubak galaw lu ai daram, galaw nga n hka.

YEREMIA 38:16

Dai re ai majaw hkawhkam Zedekia gaw, Anhte hpe nsoi nsa ban da ai Yehowa hkrung nga ai hte maren, ngai nang hpe sat kau na n rai, na a asak hpe tam ai ni a lata hta mung, nang hpe ap kau na n rai, ngu nna Yeremia hpe mayun e dagam da wu ai.

EZEKELA 18:4

Yu mu, myit masin yawng hpe ngai madu nga nngai; kaji kawa a myit masin hpe ngai madu ai zawn, kashu kasha a myit masin hpe mung madu na nngai: yubak galaw ai myit masin gaw, si na ra ai.

AMO LAIKA (AMOS) 1:11

Yehowa ning nga ai: Edom amyu a yubak masum hta n-ga, yubak mali majaw, ngai ari n jaw ai, nga na n rai: kaning rai nme law, shi gaw matsan hpa n dum ai, kahpu kanau wa hpe nhtu hte hkan shachyut let, pawt sindawng ai hte tut tut amya je kau nna, masin galoi n si hkraw ai.

MIHKA 7:18

Nang hte bung ai Karai Kasang kadai rai nga a ta? shi gaw, naw ngam nga ai, shi a sali wunli masha ni a yubak hpe raw dat kau ya nna, shanhte a tara tawt lai ai hpe, shalai kau dat nga ai: shi gaw tsawra matsan dum ai lam hta sharawng awng nga ai majaw, tutnawng pawt nga ai n rai.

ZEHKARIA 12:1

Israela amyu hpe sha-ang ai, Yehowa a shingran mungga, da ndai rai nga ai: Sumsing lamu hpe kahpyan nna, ginding aga a npawt nhpang gaw da ai hte, masha a kraw kata e, wenyi hpan da ai Yehowa gaw, ning nga ai:

BU HKAWM 16:22

Shan chyawm gaw dingnyawm dagup let, “Karai Wa e, hkrung mahkrung a asak sumri shum ai Karai Kasang e, masha langai mi shut ai a majaw sha shawa hpung ting hpe masin pawt nga wu ni?” ngu nna hpyi nem mu ai.

HEBRE 12:9

Bai lam mi gaw, anhte hpe daru sharin ya na matu, hkum shan hte seng ai kanu kawa anhte lu ga ai rai nna, anhte shanhte hpe hkungga lara di ga ai: dai hta grau nna, asak hkrung nga lu hkra, wenyi ni a Kawa npu e anhte mai taw nga ga ai, n rai ni?