ESAIA 57:14 - Jinghpaw Hanson Version Bible

¹⁴ Bai shi gaw, “Nye a amyu masha ni numdaw numdan n hkrum mu ga, htu kau mu, htu kau mu, lam hpe lajang mu ga,” nga nna tsun ai.

Jinghpaw Common Language Bible 2009

¹⁴ Dai Madu gaw, “Nye a amyu masha ni ngai hpang de nhtang wa mu ga. Shanhte a lam kaw na dingbai dingna shagu hpe seng kau ya mu! Nmaw lam galaw mu, dai hpe shajin da mu!

ESAIA 57:14 ပူးပေါင်းရင်းမြစ်များ

SHAKAWN KUNGDAWN 68:4

Karai Kasang hpe mahkawn mu, Shi a amying nsang hpe mangoi mu; Nam prang e jawn ai wa a matu lam waw mu, Shi a amying Yehowa rai nga ai; Shi a man e sharawng awng nga mu.

ESAIA 35:8

Dai shara e, ningmaw lam mung, lam masun mung, hku na ra ai rai nna, dai hpe, Chyoi pra ai lam ngu na maru ai; n san n seng ai ni dai hku lai sa lu na n rai; bawng lawt ai ni hkrai sa lu nna, dai lam hkan ai ni hta angawk ai wa pyi, lam yit na n rai.

ESAIA 40:3

Marai langai mi a jahtau ai nsen gaw: “Nam mali e Yehowa a matu lam lajang da mu; zaibru jang e anhte a Karai Kasang a matu, nmaw lam shading mu:

ESAIA 49:11

Nye a bum ni yawng hpe ngai lam shatai nna, nye a nmaw lam ni hpe, gaw shatsaw na we ai.

ESAIA 62:10

Mare chyinghka na lai pru mu, lai pru mu; amyu masha ni a matu lam lajang mu; nmaw lam hpe gaw da mu, gaw da mu; nlung ni hpe htawm kau mu; amyu baw ni a matu dawnghkawn sharawt mu.

YEREMIA 18:15

Nye a amyu masha ni mahtang, ngai hpe malap kau ma ai; hpa n re ai hpara ni a man e manam pyaw ai baw nat nawng ma ai: moi kaw nna hkan ai nmaw lam hta shanhte kataw wa nna, n lajang yu ai lam masun ni hta yit mat ma ai:

ROMA 14:13

Dai re ai majaw, anhte shada da hpa n jeyang saga; kadai rai timung, tinang hpunau a matu ahtu kadawng shara hte myit kataw shara n tawn da na lam she, jeyang nga mu.

1 KORINHTU 1:23

anhte chyawm gaw, Wudang hta jen da hkrum ai Hkristu a lam hkaw dan ga ai; dai wa Yuda ni a man e myit kataw shara, maigan amyu ni a man e angawk angak, rai nga ai:

1 KORINHTU 8:13

Dai rai nna, shahpa a majaw nye a hpunau myit kataw a yang gaw, nye a hpunau wa myit n kataw u ga, ngai prat dingsa e shan n sha na ni ai.

1 KORINHTU 8:9

Shing wa nga timung, nanhte a ahkang gaw n-gun n ja ai ni a myit kataw shara n tai u ga, sadi nga mu.

2 KORINHTU 6:3

Ndai daw ai aya gaw shatan nhkan n hkrum u ga, hpa lam hta mung ahtu kataw shara loi mi muk anhte n shatai ai sha,

HEBRE 12:13

lagaw hten ai ni hkrihkraw n kashai ai sha, shamai ai hkrum lu mu ga, nanhte sa wa na matu, ding ai lam masun lajang mu.