ESAIA 57:12 - Jinghpaw Hanson Version Bible

¹² Na a dinghpring ai lam ngai shapraw dan na nngai: nang galaw sai amu gaw, hpa akyu shabyin lu ai n rai.

Jinghpaw Common Language Bible 2009

¹² Nanhte galaw ai amu gaw ding man nga ai ngu, myit nawn nga myit dai, rai ti mung na a sat lawat hpe ngai madun na nngai, nanhte a hpara sumla ni gaw nanhte hpe karum ya lu na ra ai n rai.

ESAIA 57:12 ပူးပေါင်းရင်းမြစ်များ

ESAIA 29:15

Yehowa n mu lu hkra, tinang a sung ai hpaji daw ai lam makoi kau nna, nsin e amu galaw let, Anhte hpe kadai mu a ta? anhte a lam kadai chye a ta? nga nna tsun ai ni dingnye lu ma ai.

ESAIA 44:9

Hpara sumla tawk ai ni yawng, kaman lila rai nga ma ai; shanhte sharawng awng ai rai ni gaw, akyu shapraw lu ai n rai; shanhte kaya kahpa hkrum sha mu ga, tinang a lam sakse hkam ai ni gaw mu mung n mu, chye mung n chye ma ai.

ESAIA 58:1

Aja awa jahtau u; atsin sha hkum nga et; pahtau zawn na a nsen sharawt nna, nye a amyu hpe shanhte a shut hpyit ai lam, Yaku a nta na ni hpe tinang a yubak lam, shapraw dan mu.

ESAIA 64:5

Kabu gara ai myit hte dinghpring ai lam galaw nna, na a lam ni dum ai ni hpe, nang sa tau la ndai: yu u, nang pawt sindawng ndai, anhte yubak galaw saga ai; anhte na na wa dai hta lup saga ai; hkye hkrang la ai kaw du lu na rai ni?

ESAIA 65:7

gaja wa, nanhte a shut hpyit ai hte hpawn, bum ntsa e lawban nat nna, kawng ni a ntsa e ngai hpe shatan nhkan ai, nji nwa ni a shut hpyit ai hpe mung, ngai nanhte a lahpyen hta tai na nngai: shing rai ngai gaw, shanhte a arawn alai hte maren, shanhte a lahpyen hta shawng hteng ya na nngai,” nga nna Yehowa tsun ai.

ESAIA 66:18

Kaning rai nme law, shanhte a arawn alai hpe mung shanhte a myit mang ai hku hpe mung, ngai chye nngai; masha amyu ni hte, ga amyu baw kaga tsun ai ni mahkra hpe, ngai zuphpawng shangun na aten du ra ai; shanhte mung sa du nna, nye a arawng sadang hpe mu lu na maru ai.

YEREMIA 10:11

“Sumsing lamu hte ginding aga hpe n hpan da ai hpara ni gaw, sumsing lamu npu, gingding aga ntsa na hkoi mat na mara ai,” ngu nna shanhte hpe sa tsun dan mu.

YEREMIA 10:14

Masha yawng dusat myit rawng nna, nyan kata ma ai; janghkam ni yawng tinang tawk ka ai sumla majaw kaya kahpa hkrum ma ai: shi jaw ai sumla gaw masu magaw hkrai rai nga nna, shanhte hta nsoi nsa n rawng nga ai.

YEREMIA 10:15

Dai ni gaw kaman lila rai nga ma ai; sawt ai ni hkrai rai nga ma ai; dawdan hkrum ai aten e shanhte hkoi mat na mara ai.

YEREMIA 51:18

Dai sumla ni gaw kaman lila hte hkalem ai arai hkrai rai nga ai; shanhte hpe kawan katsan yu ai aten e, shanhte hten mat na mara ai.

MAHTE 23:13

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw masha ni a man e, sumsing lamu a mungdan lam hpe pat da mu ai: nanhte nan n shang myit dai hte, shang wa ai ni, shang na pyi, n hkraw myit dai.

MAHTE 23:5

Shanhte galaw ai amu bungli mahkra hpe, masha ni mu lu mu ga, galaw ma ai: tinang a lakhpoi ni hpe shanhte kaba wa di mu ai hte, tinang a banbyau ni hpe mung myin jahkram mu ai rai nna,