ESAIA 57:1 - Jinghpaw Hanson Version Bible

¹ Dinghpring ai wa gaw hten mat hkrum nna, kadai mung n nawn nga ai; matsan dum chye ai wa gaw, dawm la ai hkrum nna, dai wa gaw du na ra ai tsin-yam hpe lawt lu hkra, dawm la ai hkrum sai, nga nna kadai mung n myit ma ai:

Jinghpaw Common Language Bible 2009

¹ Mai kaja ai amyu masha ni si nga ai, kadai mung n chye na ma ai, lanu lahku ai pyi n nga nga ai. Rai ti mung shanhte si ai shaloi, tsin-yam tsindam hpa mung shanhte hpe machyi shangun lu ai n rai.

ESAIA 57:1 ပူးပေါင်းရင်းမြစ်များ

1 HKAWHKAM 14:13

Israela masha ni yawng shi hpe sharung shayawt di nna lup kau na mu ai: Yeroboam a nta masha ni hta na shi chyu sha lup makoi mayang di ai hkrum na wu ai: kaning rai nme nga yang, Yeroboam a nta masha ni hta na shi gaw Israela Karai Kasang Yehowa a man e kaja ai myit lama ma rawng ai wa rai nga ai.

2 HKAWHKAM 22:20

Dai re ai majaw, yu u, ngai nang hpe na a nji nwa ni hte rau jahpawng da nna, nang gaw ngwipyaw ai hte na a lup hta shang lu na rin dai; ndai shara ntsa e ngai shapraw ai tsin-yam tsindam hpe na a myi hte mu lu na n rai, ngu mu,” ngu nna tsun dat mu ai. Shing rai shanhte gaw bai wa nna, hkawhkam wa hpe dai ga htawn tsun dan mu ai.

2 HKAWHKAM LABAU 32:33

Ya Hezekia gaw kaji kawa ni hte rau yup pyaw wa nna, Dawi a kashu kasha ni a lupwa lahta tsang e makoi mayang di ai hkrum wu ai: Yuda hte Yerusalem masha ni nlang, shi a mang bru ai hta, shi hpe shagrau sha-a ma ai. Shi a kasha Manashe gaw shi a malai hkaw dung nga ai.

2 HKAWHKAM LABAU 34:28

Yu u, ngai nang hpe na nji nwa ni hte rau jahpawng da nna, nang gaw ngwipyaw ai hte na a lup hta shang lu na rin dai; ndai shara ntsa e mung, dai hta e nga nga ai ni a ntsa e mung, ngai shapraw ai tsin-yam tsindam hpe na a myi hte mu lu na n rai, ngu mu,” ngu nna tsun dat mu ai. Shing rai shanhte bai wa nna, hkawhkam wa hpe dai ga htawn tsun dan mu ai.

2 HKAWHKAM LABAU 35:24

Shi a ali ama nni mung, shi a leng hta na shayu nhtawm, hpang na leng hta shi hpe shajawn nna, Yerusalem de woi wa mu ai; shaloi shi si wa nna kaji kawa ni a lup hta makoi mayang di mu ai. Yoshia si mat ai majaw, Yuda hte Yerusalem masha ni yawng hkrap ngu hkrap ngoi sharung shayawt nga ma ai.

SHAKAWN KUNGDAWN 12:1

Karum rit, Yehowa e; myit pra ai wa mat wa nna, Kangka re ai ni, masha kasha ni hta na, htum mat wa ma ai.

SHAKAWN KUNGDAWN 37:37

Mara n rawng ai wa hpe matsing u, Myit malang ai wa hpe mada yu u: Ngwi ai lam hkan ai wa a aru arat pra nga ai.

ESAIA 42:25

Dai re ai majaw, shi a pawt sindawng ai hte shi hpyen gasat ai hpe shanhte a ntsa e shi ru bun nna, shanhte a grup yin e wan hkru timung n dum ma ai, wan hkru hkrum timung, hpa n nawn ma ai.

ESAIA 47:11

Dai re ai majaw, tsin-yam tsindam na a ntsa e du nna, dai kanang na pru ai gaw, nang n chye ndai: shoihpa shoirang na ntsa e hkrat bun nna, nang dai hpe gang kau lu na n rai: nang n dum shami e, hten byak ai gaw na a ntsa e akajawng sha du na ra ai.

ESAIA 47:7

Dai hta kaga nang gaw, Ngai prat dingsa du jan rai nga nngai, nga nna dai lam ni hpe n sumru yu ai hte, hpa pru na ra ai gaw, nang n dum ndai.

ESAIA 57:11

Nang gaw masu nga ai hte, ngai hpe malap kau nna, hpa n nawn ai majaw, kadai hpe hkrit kamyin nga n ta? Ngai na na wa atsin sha nga ai majaw, nang ngai hpe n hkrit nga ai, rai ni?

YEREMIA 18:11

Dai re ai majaw, ya Yehowa ning nga ai: Yu mu, ngai nanhte a lam n hkru ai hku maw nna, nanhte a matu tsin-yam mazing da nngai: ya langai hte langai tinang a n hkru ai lam hta na kayin wa mu; nanhte a htung hking hte arawn alai hpe shading mu, ngu nna Yuda mung na ni hte Yerusalem masha ni hpe htawn tsun u, nga ai.

YEREMIA 22:10

Si ai wa a matu hkum hkrap myit; shi a matu sharung shayawt hkum rai myit: pru mat wa ai wa a matu grai hkrap mu; shi bai nhtang wa lu na n rai; shi a dai daw ga hpe bai mu lu na n rai.

EZEKELA 21:3

Dingda maga na maling hpe htawn tsun u, Yehowa a ga madat mara u; ‘Madu Yehowa ning nga ai: Yu u, Ngai nang hta wan shachyi na nngai; dai wan gaw tsit lali ai hte hkraw mat ai hpun mahkra hpe, hkru kau na ra ai: de a wan shinglet krip na n rai: dingda maga kaw nna dingdung maga du hkra, myi man yawng mayawng hkru kau ai hkrum na ra ai.

MIHKA 7:2

Dinghpring ai wa gaw, ga ntsa na htum mat sai; mung masha ni hta myit malang ai wa langai mi n nga sai; shanhte nlang asai jahkaw kau na gyam yu ma ai: langai hte langai tinang hpunau wa hpe, sumgawn hte hkan tam ma ai.

MALAHKI 2:2

Nye a amying hpe shagrau shatsaw na matu, nanhte n madat nna, n matsing hkraw myit yang gaw, ngai nanhte a ntsa de dagam dala tsin-yam dat dat nna, nanhte hpe shaman ai a malai dingnye shabyin na nngai: gaja wa, shanhte n matsing hkraw ai majaw, ya e pyi shabyin ni ai, nga nna Zaw nawng zaw wa up ai Yehowa tsun ai.

BU HKAWM 23:10

Yaku amyu ga nhpu hpe kadai hti lu na rai ta? Israela htam mali a htammi sha pyi, kadai chye lu a ta? Dingman ai wa si ai zawn ngai si n ga, Nye a jahtum gaw shi a jahtum zawn tai nu ga,” nga ai.