ESAIA 56:9 - Jinghpaw Hanson Version Bible

⁹ Pa hkan na matse labye ni hte, maling dinggram na matse labye ni e, kawa sha na matu, sa marit.

Jinghpaw Common Language Bible 2009

⁹ Dai Madu gaw maigan masha amyu baw ni hpe matse labye dusat ni zawn du sa wa nna shi a amyu masha ni hpe kawa sha kau na lam tsun nu ai.

ESAIA 56:9 ပူးပေါင်းရင်းမြစ်များ

SHAKAWN KUNGDAWN 104:20

Nsin hpe nang shasin nna shana tai nga ai, Dai shaloi maling na matse labye yawng, pru hkawm ma ai.

ESAIA 18:6

Shanhte gaw, bum ga na u matse ni hte, ga ntsa na matse labye ni a matu tai wa nna, u matse ni gaw nlum ta e, ga ntsa na matse labye ni yawng kashung ta e, shanhte hpe amya sha na mara ai.

ESAIA 46:11

sinpraw maga na u matse, sumtsan mung na ngai san da ai wa hpe, ngai shaga ni ai: gaja wa, ngai mungga tsun da nngai, ngai dai hpe shabyin na we ai; ngai myit shatawng da nna, dai hpe galaw na we ai, nga nna ngai tsun nngai.

YEREMIA 12:9

Nye a sali wunli gaw ka ka re ai u matse tai wa sai I? u matse ni shi a grup yin e wang tawn nga ma ni? gaja wa, shan sha na matu pa ga na matse labye ni yawng, zuphpawng mu ga.

YEREMIA 23:1

Yehowa ning nga ai: Nye udat shara hta sha nga ai sagu hpung ni hpe, jahten shabra kau ai sagu rem ni gaw, dingnye nga ma ai.

EZEKELA 29:5

Nang hte na a hka hta rawng ai nga ni mahkra hpe, zaibru jang e ngai kabai tawn kau na nngai: pa ga e nang taw nga nna, kadai mung sa lahkawn shinggyin la na n rai: ga ntsa na matse labye ni hte ntsa malen u ni a shahpa matu, ngai nang hpe ap kau na nngai.

EZEKELA 39:17

“Nang, masha kasha e, Madu Yehowa ning nga ai; U amyu myu hte, pa ga na matse labye mahkra hpe htawn tsun u: ‘Sa zuphpawng marit; shan lu sha nna, asai lu lu hkra, Israela bum ni a ntsa e, nanhte a matu ngai lajang da ai shagu hkungga poi kaba de, shara shagu na sa zuphpawng marit.

TARA JAHPRANG 28:26

Na a si mang gaw ntsa malen u ni hte nam na matse labye ni a shat tai na ra ai: dai ni hpe gawn kau lu na kadai mung nga na n rai.