ESAIA 56:3 - Jinghpaw Hanson Version Bible

³ Yehowa hta manoi manat ai tsasam wa gaw, “Teng teng gaja wa, Yehowa ngai hpe shi a amyu masha ni hte jahka kau ni ai,” nga nna mung, unuk wa gaw, “Ngai hkum hpun chyahkraw rai nga nngai,” nga nna mung, hkum tsun mu ga.

Jinghpaw Common Language Bible 2009

³ Dai Madu a amyu masha ni kaw hkan nga sai maigan masha wa gaw, “Dai Madu gaw ngai hpe shi a amyu masha ni hte rau n nawku shangun na re,” nga nna n tsun hkrup u ga. Unuk gaw shi hta kashu kasha n lu sai, shi gaw galoi mung Karai Kasang a amyu masha daw chyen mi pyi n tai lu na sai, ngu nna galoi mung n myit la mai ang nga ai.

ESAIA 56:3 ပူးပေါင်းရင်းမြစ်များ

2 HKAWHKAM LABAU 6:32

“Dai hta n-ga, sumtsan mung na masha ni gaw, na a daru magam amying hpe mung, na a n-gun ja ai lata hte ladawn ai lahpum hpe mung, chye wa lu nna, na amyu Israela masha n rai timung, na amying nsang majaw sumtsan mung na pru masha tsasam wa gaw ndai nta de yawng let, akyu hpyi nga yang;

ESHTA 9:27

Yuda kaji kawa ni, shanhte a kashu kasha ni hte, shanhte hta matut manoi ai ni yawng hte gaw, tutnawng laning hte laning, madat da ai aten gu yang, ndai nhtoi yan hpe, ka da ai hku hte maren, hkan matsing nna,

ESAIA 14:1

Kaning rai nme law, Yehowa gaw Yaku hpe matsan dum nna, Israela amyu hpe naw lata la nhtawm, shanhte hpe tinang a buga hta nga shangun na ra ai: malet nhprang manam ni mung, shanhte hte rau kanawn nga nna, Yaku a dap hta manoi nga na mara ai.

ESAIA 39:7

Nang shaprat ai, na a shadang sha ni hpe mung, shanhte woi wa nna, shanhte gaw Babelon hkawhkam a htingnu hta e unuk ngu ai ni tai na mara ai, ngu wu ai.

ESAIA 56:5

Ngai gaw nye a nta nhku e mung, nye a bunghku ni a kata e mung, kashu kasha hta grau hpu nna dum mai ai amying shingteng, shanhte hpe jaw na nngai; n hten n run ai, htani htana amying shingteng ngai shanhte hpe jaw na nngai.

ESAIA 56:6

Dai hta kaga, Yehowa hpe daw jau na matu, shi a amying hpe tsawra ai hte, shi a ali ama ni tai wa nna, laban nhtoi hpe awu asin n di kau ai hte, nye a ga shaka hkan shatup let, Yehowa hta manoi manat nga ai tsasam masha ni mahkra hpe mung,

YEREMIA 50:5

Shanhte gaw, Sa marit, galoi n malap kau lu ai ga shaka Yehowa hte matut ga, nga nna Ziun de myi man yawng let, de a lam tam na mara ai.”

JAW JAU 21:20

Marung htingkung ai, gadun akyek ai, myi machyi ai, maru ru ai, nma hpye ai, adi hten ai re ai ni gaw sit sa lu na n rai;

JAW JAU 25:45

Dai hta kaga nanhte kaw sa shingbyi nga ai tsasam masha ni kashu kasha ni rai timung, nanhte a mung e shanhte shaprat ai kashu kasha ni hpe rai timung, nang mari yam na rai ndai: nanhte shanhte hpe madu lu na rai.

ZEHPANI 2:11

Yehowa shanhte hpe nhtum nni di na ra ai; kaning rai nme law, shi gaw ga ntsa hpara ni mahkra hpe kawsi shakyet nna, maigan amyu ni a zunlawng masha ni yawng, langai hte langai tinang a shara kaw nna shi hpe nawku na mara ai.

BU HKAWM 18:4

Shanhte gaw nang hpe karum nna, shawa sum hpe yu lajang ai hte, dai Sum hte seng ai yawng mayawng hpe gun hpai na rai ma ai: masha gale chyawm gaw nanhte kaw htep lu na n rai.

BU HKAWM 18:7

Nang hte na a shadang sha ni gaw, tawn hkungri hte nba shinggang kata na jaw jau ra ai hkinjawng amu yawng gun hpai na rai myit dai; dai gaw nanhte a amu rai nga ai: jaw jau na hkinjawng amu ngai nanhte hpe kumhpa zawn ap ya masade ai: dai de htep sa ai masha gale gaw sat kau ai hkrum na rai ai,” ngu wu ai.

KASA 10:34

Shaloi Petru ga hpaw nna, “Karai Kasang masha myi man n tau ai gaw, ya ngai gaja wa chye se ai:

KASA 17:4

Shanhte hta na nkau mi gaw kamsham nna, Pawlu yan Sila hte kanawn nga ma ai; dai ni hta, tara hkungga ai Heleni masha law law wa hte, arawng lu ai num ni ram ram mung, lawm ma ai.

KASA 18:7

Dai yang na shi pru nhtawm, Karai Kasang hpe nawku ai Titu Yustu mying ai wa a nta de, shang bang wa ai; dai wa a nta gaw tara jawng hte htep rai nga ai.

ROMA 15:16

Karai Kasang e ngai hpe jaw da ai chyeju majaw, nanhte hpe bai shadum jahprang na zawn, ngai nanhte hpe nden ja ai myit hte kau chyen ka dat made ai.

1 KORINHTU 6:17

Dai Madu hta manoi ai wa chyawm gaw, Wenyi langai sha rai nga ma ai.

EHPESU 2:12

dai aten e Hkristu hta nanhte n lawm myit dai; Israela masha ni a mungdan a shinggan e nanhte nga ai hte, dai ga shaka hte seng ai ga ndat ni hta tsasam ni rai nga myit dai rai nna, mungkan ga hta myit mada shara mung, Karai Kasang mung, n lu ai sha pra nga myit dai hpe, dum nga mu.

EHPESU 2:22

Wenyi a jaw e Karai Kasang a rawng nga na wahpang tai myit ga, nanhte mung shi hta e jawm de nga myit dai.

TARA JAHPRANG 23:9

Nang masha hpyen ni hpe gasat na sa wa ndai shaloi, n san n seng ai lam shagu koi gam na rai ndai.

1 PETRU 1:1

Yesu Hkristu a kasa, ngai Petru gaw, Wa Karai Kasang a moi na chye chyang ai a majaw, dai Wenyi a shachyoi shapra ai hta, madat mara nna, Yesu Hkristu a asai hte lapri ai chyeju hkam la lu na,