ESAIA 55:3 - Jinghpaw Hanson Version Bible

³ Na la nna ngai hpang de sa marit; madat mara mu, shing rai yang nanhte a myit masin hkrung nga na ra ai: ngai mung nanhte hte htani htana ga shaka tawn da nna, Dawi hta grin nga ai chyeju hpe nanhte hta shagrin da na nngai.

Jinghpaw Common Language Bible 2009

³ Nye a amyu masha ni e, ya madat mu, ngai hpang de sa wa mi; ngai hpang de sa wa mi, nanhte asak hkrung nga lu na rai myit dai! Ngai gaw nang hte htani htana ga shaka tawn da na nngai. Ngai Dawi hpe jaw sai ga sadi hte maren, nang hpe shaman chyeju ni jaw na nngai.

ESAIA 55:3 ပူးပေါင်းရင်းမြစ်များ

NINGPAWT NINGHPANG 17:7

Ngai gaw na a Karai Kasang mung, na a htawm hpang na, na a kashu kasha ni a Karai Kasang mung, tai nga na nngai, ngu nna, nang hte na a kashu kasha ni hta prat mi hte prat mi, nye a ga shaka hpe htani htana ga shaka ngai shatai na wa ai.

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

2 SAMUELA 23:5

Gaja wa, Karai Kasang a man e nye a amyu matu dai zawn re ai n rai; Rai timung, htani htana ga shaka gaw, shi ngai hte tawn da, nna, Yawng mayawng hpe shachyip ai hte shagrin da nu ai: Dai gaw ngai hpe hkye la ai lam, nye a sharawng shara tai nna, Dai hpe shatut da ya nu ai n rai ni?

2 SAMUELA 7:29

dai rai nna, na a mayam a amyu matu ni na a man e prat dingsa grin nga lu hkra, shanhte hpe shaman ya mu law: Yehowa, Madu e, ga ndai nang tsun nit dai; na a chyeju shaman ai gaw na mayam a amyu matu ni hta prat dingnawng anga nga nu ga law,” ngu nna hpyi wu ai.

2 HKAWHKAM LABAU 6:42

Karai Kasang Yehowa e, na a namman chya ya ai wa kaw na, na amyi man hpe hkum kayin la u; na shangun ma Dawi hpe madun ai n-gaw nwai chyeju hpe adum nga u law,” ngu nna hpyi wu ai.

SHAKAWN KUNGDAWN 119:112

Na a ga madat htani htana a galaw nga na, Nye a myit masin hpe ngai saw da we ai.

SHAKAWN KUNGDAWN 119:175

Nye a myit masin hkrung nga lu nna, nang hpe shakawn nga u ga, Nang tara dara ai lam ngai hpe karum nga n ga.

SHAKAWN KUNGDAWN 78:1

Nye a amyu e, nye a tara hpe na la mu, Nye a n-gup ga hpe madat mara la mu.

SHAKAWN KUNGDAWN 89:28

Nye a chyeju shi hte tutnawng e anga nga nna, Nye a ga shaka shi hte hka wa na n rai.

SHAKAWN KUNGDAWN 89:29

Shi a aru arat tutnawng e anga nga na ra ai; Shi a tingnyang lamu a nhtoi zawn, agrin nga na lu ai.

PRU MAT 15:26

shi gaw, “Na a Karai Kasang Yehowa a nsen hpe nang azin ayang madat nna, shi a man e dingman ai hku galaw ndai hte, shi hkang da mada hpe nang madat mara ya nna, shi a ga matsun nlang hte hpe hkan nang n yang gaw, Egutu masha ni hta ngai shakap ai ana ahkya langai mi mung nang hta shakap na n rai: ngai gaw nang hpe shamai ya ai Yehowa rai nga nngai,” ngu wu ai.

GA SHAGAWP 4:20

Ngai sha e, nye a ga hpe madat mara u; Nye matsun maroi ga hpe na la u.

GA SHAGAWP 7:2

Ngai htet da ai ga hkan nang nna ahkrung nga u, Nye tara hpe na myi tum zawn makawp maga u.

ESAIA 51:4

Nye a amyu e, nye a ga madat mara la mu; nye a amyu baw ni e, nye a ga na la mu: tara langai mi ngai kaw nna pru na ra ai rai nna, nye a dinghpring ai lam amyu baw ni a nhtoi tai na ra ai.

ESAIA 54:10

Bum ni sit wa nna, kawng ni htawt mat lu timung, nye a n-gaw nwai ai myit nang kaw na sit lu na n rai, nye a ngwipyaw ai ga shaka hpe mung, dawm la lu na n rai, nga nna nang hpe matsan dum ai Yehowa tsun nga ai.

ESAIA 54:8

pawt sindawng let, ngai nye a myi man nang kaw na hkring mi sha kayin kau timung, prat dingsa n-gaw nwai myit hte nang hpe matsan naw dum na ra ai, nga nna nang hpe Hkye hkrang la ai Wa, Yehowa tsun nga ai.

ESAIA 61:8

Kaning rai nme law, ngai Yehowa gaw malang ai tara hpe sharawng nna, kashu kashe hte n hkru ai hpe n dawng nngai: tengman ai hku hkan let, ngai shanhte hpe nhtang jaw nna, htani htana ga shaka shanhte hte tawn da na nngai.

YEREMIA 30:9

shanhte gaw tinang a Karai Kasang Yehowa hpe mung, shanhte a matu ngai paw pru shangun ai, shanhte a hkawhkam Dawi hpe mung, daw jau na mara ai.

YEREMIA 32:40

ngai shanhte hpe n kau da, ngamu ngamai shangun na nga, ngai shanhte hte htani htana prat dingsa ga shaka tawn da na nngai; shanhte ngai kaw na n pru mat wa hkra, ngai hpe hkrit hkungga ai myit, shanhte a kraw lawang hta ngai bang da na nngai.

YEREMIA 38:20

Yeremia chyawm gaw, Shanhte nang hpe ap kau lu na n rai; ngai nang hpe htawn tsun ai Yehowa nsen hpe madat mara u: shing rai, nang lawt lu nna asak hkrung nga lu na ndai.

YEREMIA 50:5

Shanhte gaw, Sa marit, galoi n malap kau lu ai ga shaka Yehowa hte matut ga, nga nna Ziun de myi man yawng let, de a lam tam na mara ai.”

EZEKELA 16:60

Rai timung, na a ram prat e ngai nang hte tawn da ai ga shaka hpe ngai naw dum nna, htani htana ga shaka nang hte tawn da na nngai.

EZEKELA 34:24

Ngai Yehowa gaw shanhte a Karai Kasang, nye a shangun ma Dawi gaw shanhte a du, tai na ra ai; ngai Yehowa nan dai ga tsun ni ai.”

EZEKELA 34:25

“Bai, ngai gaw shanhte hte ngwipyaw ga shaka tawn da nna, shanhte a mungdan hta na matse labye hpe shamyit kau na nngai; shing rai shanhte gaw nam mali hkan e a pyaw sha shanu nga nna, maling dinggram hkan e yup nga lu na mara ai.

EZEKELA 37:26

Dai hta n-ga ngai shanhte hte ngwipyaw ga shaka tawn da nna, dai gaw htani htana ga shaka tai na ra ai: ngai shanhte hpe dè da nna, shalaw jahtam na nngai: nye a chyoi pra ai shara hpe, shanhte a ka-ang e prat dingsa ngai tawn da na nngai.

JAW JAU 18:5

Dai rai nna, ngai jaw tawn ai tara lam hte ga matsun hpe nanhte hkan nang lu na rai myit dai: dai hte hpe hkan shatsup ai wa gaw de a marang e asak hkrung na rai: ngai gaw Yehowa rai nga nngai.

AMO LAIKA (AMOS) 5:4

Bai Yehowa gaw Israela dap hpe, Ngai hpe hkan tam mi, shaloi nanhte hkrung nga na myit dai;

AMO LAIKA (AMOS) 5:6

Yehowa hpe hkan tam mu, shaloi nanhte hkrung nga na myit dai; shing n rai, shi gaw Yawsep a nta ntsa e wan zawn lung nna, kadai n sat lu hkra, Betela shara hpe hkru kau na ra ai, nga ai.

MAHTE 11:28

Hki ba la nna lit li gun ai ni yawng hte e, ngai kaw wa marit; ngai nanhte hpe ban sa shangun na made ai.

MAHTE 13:16

Nanhte a myi mu lu ai hte, nanhte a na, na lu nga malit dai majaw, a nga myit dai.

MAHTE 17:5

Dai ga shi naw tsun nga yang, yu mu, htoi tu ai sumwi gaw shanhte hpe ka-up mu ai hte dai sumwi hta na nsen pru nna, “Ndai wa gaw ngai sharawng awng ai, ngai tsawra ai ngai Sha rai nga ai: shi a ga madat mara mu,” nga ai.

YAWHAN 10:27

Nye a sagu ni gaw, nye a nsen madat ma ai rai nna, ngai shanhte hpe chye nngai, shanhte mung nye a hpang hkan nang ma ai:

YAWHAN 6:37

Wa e ngai hpe ap ya ai yawng mayawng hte gaw, ngai hpang de du na mara ai; ngai hpang de du sa ai wa hpe mung, gaja wa ngai n kanawng kau na nngai.

YAWHAN 7:37

Shaloi dai poi a jahtum nhtoi ngu ai nhtoi kaba hta Yesu gaw tsap da nna, “Hpang kara ai wa nga yang gaw, ngai hpang de sa lu rit.

YAWHAN 8:47

Karai Kasang hte seng ai wa gaw, Karai Kasang a ga madat nga ai; nanhte gaw Karai Kasang hte n seng ai majaw, n madat myit dai,” ngu nna shanhte hpe tsun mu ai.

KASA 13:34

Dai hta kaga, shi hten bya ai galoi n hkrum hkra, si ai ni kaw na hkrung sharawt la na lam, Karai Kasang tsun ai gaw, Dawi hta nna, chyoi pra ai hte grin nga ai chyeju, ngai nanhte hpe jaw na made ai, nga ai.

ROMA 10:5

Mawshe chyawm gaw, Tara hku hkan galaw ai wa gaw de a majaw asak hkrung nga lu na ra ai, nga nna jep ai tara hte seng ai dinghpring ai lam ka da nu ai.

HEBRE 13:20

Anhte a Madu Yesu ngu ai, sagu hpung ni a sagu rem wa kaba hpe, htani htana ga shaka asai hte si ai ni kaw na bai woi wa ai, ngwipyaw ai a npawt Karai Kasang gaw,