ESAIA 54:8 - Jinghpaw Hanson Version Bible

⁸ pawt sindawng let, ngai nye a myi man nang kaw na hkring mi sha kayin kau timung, prat dingsa n-gaw nwai myit hte nang hpe matsan naw dum na ra ai, nga nna nang hpe Hkye hkrang la ai Wa, Yehowa tsun nga ai.

Jinghpaw Common Language Bible 2009

⁸ Ngai gaw hkring mi sha masin pawt let myi man kayin kau da nngai, rai ti mung ngai nang hpe nye a tsaw ra myit htani htana madun nga na nngai.” Shing rai nang hpe hkye la ai dai Madu gaw shing nga tsun ai.

ESAIA 54:8 ပူးပေါင်းရင်းမြစ်များ

SHAKAWN KUNGDAWN 103:17

Yehowa hpe hkrit kamyin ai ni a ntsa e, Shi a chyeju gaw chyaloi nhkoi kaw nna prat dingsa du hkra, anga nga ai rai nna;

SHAKAWN KUNGDAWN 103:4

Na a asak hpe nsung hku hta na shi hkye hkrang la nna, Chyeju hte n-gaw nwai ai nang hpe shagup ya nga ai.

SHAKAWN KUNGDAWN 13:1

Yehowa e, gaten du hkra nang ngai hpe a malap kau nga na n ta? Gaten du hkra na a myi man, ngai kaw na makoi kau nga na wu ta?

SHAKAWN KUNGDAWN 27:9

Na a myi man ngai kaw na hkum makoi kau u; Masin pawt ai hte na a mayam wa hpe hkum kau da et: Ngai hpe karum ai wa nang rai nga nit dai; Ngai hpe hkye hkrang la ai Karai Kasang e, Ngai hpe hkum gang kau et, ngai hpe hkum jahti da et.

SHAKAWN KUNGDAWN 30:5

Kaning rai nme law, shi hkring mi sha masin pawt nga ai, Shi a n-gaw nnyeng chyawm gaw, prat tup agrin nga ai; Shana e hkrap ngu hkrap ngoi gaw shang nga timung, Jahpawt e mahkawn mangoi shara rai nga ai.

ESAIA 14:1

Kaning rai nme law, Yehowa gaw Yaku hpe matsan dum nna, Israela amyu hpe naw lata la nhtawm, shanhte hpe tinang a buga hta nga shangun na ra ai: malet nhprang manam ni mung, shanhte hte rau kanawn nga nna, Yaku a dap hta manoi nga na mara ai.

ESAIA 26:20

Nye a amyu masha ni e, sa marit; kata gawk de shang nna, chyinghka la da u: pawt sindawng ai lai mat ai du hkra, na hkum hpe chyahkring mi makoi da u.

ESAIA 40:27

Yaku amyu e, Yehowa nye a lam n dum nga ai, nga nna hpa majaw tsun n ta? Israela dap e, Nye a Karai Kasang ngai hpe matai dawp na n rai, hpa rai nga n ta?

ESAIA 45:15

Israela Karai Kasang, Hkye hkrang la ai Wa e, makoi magap nga ai Karai Kasang nang teng teng rai nga ndai, nga nna hpyi nem na mara ai.

ESAIA 47:6

Ngai gaw nye a amyu hpe pawt kahtet nna, nye a sali wunli hpe jahpoi kau ai hte, na a lata hta shanhte hpe ap kau nngai: nang chyawm gaw shanhte hpe matsan n dum nna, prat kaba ni a ntsa e pyi, li ai kandang mara da nu ai.

ESAIA 48:17

Nang hpe Hkye hkrang la ai wa, Israela Chyoi pra ai wa Yehowa ning nga ai: “Ngai gaw, na a akyu matu nang hpe sharin achyin ya nna, nang mai hkan ai lam hta nang hpe lakawn wa ai, na a Karai Kasang Yehowa rai nga nngai.

ESAIA 49:10

Shanhte gaw kawsi hpang kara hkrum na, n rai; kahtet kamawt hte jan ja mung hkrum na, n rai: kaning rai nme law, shanhte hpe matsan dum ai wa gaw, shanhte hpe woi wa nna, hka hpawk makau hku lam madun na ra ai.

ESAIA 49:13

Sumsing lamu ni e, mahkawn mangoi mu; ginding aga e, kabu gara nga u; bum ni e, mahkawn mangoi garu mu: kaning rai nme law, Yehowa gaw shi a amyu masha ni hpe shalan shabran nna, nni nkri hkrum ai shi a masha ni hpe, matsan dum na ra ai.

ESAIA 49:26

Nang hpe adip arip ai ni hpe, tinang a hkum shan ngai sha shangun na nngai: dwi ai tsabyi jahku zawn tinang a asai hpe nang hkra lu shangun na nngai; shing rai, ngai Yehowa gaw, nang hpe Hkye hkrang la ai Madu, Yaku a Daru Magam rawng ai wa gaw, nang hpe Shaw Mawai la ai wa rai nga ai hpe, hkrung mahkrung chye lu na mara ai,” nga ai.

ESAIA 54:10

Bum ni sit wa nna, kawng ni htawt mat lu timung, nye a n-gaw nwai ai myit nang kaw na sit lu na n rai, nye a ngwipyaw ai ga shaka hpe mung, dawm la lu na n rai, nga nna nang hpe matsan dum ai Yehowa tsun nga ai.

ESAIA 54:5

Kaning rai nme law, nang hpe Hpan da ai wa gaw, na a madu wa rai nga ai; shi a amying gaw, Zaw nawng zaw wa up ai Yehowa rai nga ai: nang hpe Hkye hkrang la ai wa gaw Israela a Chyoi pra ai wa rai nga ai; mungkan ting a Karai Kasang shi hpe ngu na maru ai.

ESAIA 55:3

Na la nna ngai hpang de sa marit; madat mara mu, shing rai yang nanhte a myit masin hkrung nga na ra ai: ngai mung nanhte hte htani htana ga shaka tawn da nna, Dawi hta grin nga ai chyeju hpe nanhte hta shagrin da na nngai.

ESAIA 55:7

tara n lang ai wa gaw shi a lam hpe, n hkru ai wa gaw shi a myit mang ai hku kau da nna, Yehowa hpang de kayin wa u ga; shing rai yang shi gaw dai wa hpe matsan dum na ra ai; anhte a Karai Kasang hpang de mung kayin wa u ga; shi gaw yubak hpe htum hkra raw dat kau ya na ra ai.

ESAIA 60:10

Tsasam masha ni a kashu kasha ni gaw, na a bunghku ni hpe dè da nna, shanhte a hkawhkam ni nang hpe daw jau na mara ai: kaning rai nme law, ngai myit kahtet nna, nang hpe kayat timung, n-gaw nwai myit hte nang hpe matsan naw dum na nngai.

ESAIA 63:7

Yehowa gaw anhte hpe chyeju galaw dan ai hte, shi a n-gaw nwai ai myit hte galu kaba ai matsan dum ai myit majaw, Israela nta dap ni hpe chyeju madun dan ai hte maren, ngai gaw Yehowa a n-gaw nwai myit hte shi hpe shakawn kungdawn mai ai lam ni hpe shana ya na nngai.

ESAIA 64:7

Nang gaw na a myi man hpe makoi kau nna, anhte a shut hpyit ai hte anhte hpe shamyit kau mani ai majaw, na a amying nsang hpe shaga ai wa mung, nang hta manoi manat na nga, tinang hkum hpe shadut ai wa mung, n nga ai.

ESAIA 8:17

Ngai mahtang, Yaku a nta hpe myi man makoi kau ai Yehowa hpe ala nga nna, shi hpe myit mada na nngai.

YEREMIA 31:3

Yehowa gaw tsan tsan de na ngai kaw dan pru nna, Gaja wa, htani htana tsawra ai hte ngai nang hpe tsawra de ai; dai re ai majaw n-gaw nwai myit hte, ngai nang hpe dun la ni ai.

YEREMIA 51:5

Kaning rai nme law, Israela hte Yuda mung gaw, Israela a Chyoi pra ai Wa a man e shut hpyit ai mara hte hpring nga timung, shan a Karai Kasang, Zaw nawng zaw wa up ai Yehowa, shan hpe kau da ai n rai.

EZEKELA 39:29

nye a myi man mung shanhte kaw na makoi kau na n rai: kaning rai nme law, ngai gaw Israela dap ntsa e nye a Wenyi ru bun ni ai,” nga nna Madu Yehowa tsun ai.

HABAKU 3:2

Yehowa e, ngai na a lam shiga na nna hkrit nga nngai; Yehowa e, ndai shaning laman e, na amu hpe bai shapraw u; Ndai shaning laman e, ndai hpe shadan dat u: Pawt sindawng timung, matsan dum ai lam dum u.

ZEHKARIA 1:15

asan apan de nga ai amyu ni hpe ngai ja ja sindawng kahtet nngai; kaning rai nme law, ngai gaw nye a amyu hpe kaji sha mi pawt yang, shanhte gaw ladu lai hkra zingri ma ai.

ZEHKARIA 1:16

Dai re ai majaw, Yehowa ning nga ai: Chyeju gun let, ngai Yerusalem mare de nhtang wa ni ai; ndai mare hta nye a Nta hpe galaw da na ra ai; mare de ai shara hpe shadawn sumri hte shadawn na ra ai,” nga nna Zaw nawng zaw wa up ai Yehowa tsun ai.

ZEHKARIA 10:6

Ngai gaw Yuda dap hpe shangang shakang nna, Yawsep a dap hpe hkye hkrang la na nngai; shanhte hpe matsan dum nga ai majaw, ngai shanhte hpe nhtang wa shangun nna, nye a lata hte shapraw kau n hkrum ai ni zawn, shanhte tai na mara ai: kaning rai nme law, ngai gaw shanhte a Karai Kasang Yehowa rai nga nna, shanhte a ga, ngai madat na nngai.

2 HTESALONI 2:16

Ya, anhte hpe tsawra nga nna, chyeju a jaw e anhte hpe htani htana shangwi shapyaw ai hte, mai kaja ai myit mada shara jaw ai, anhte a Wa Karai Kasang hte anhte a Madu Yesu Hkristu nan,

1 TIMOHTI 1:16

Dai yubak kap ai ni hta ngai mahtang yubak kaba htum ai wa rai nga nngai rai timung, Hkristu Yesu gaw shi a matsan dum ai yawng mayawng, ngai yubak kaba htum ai wa hpe madun dan lu nna, htani htana asak lu la hkra, hpang de shi hpe kamsham na mara ai ni a matu mara kumla tai na majaw, ngai hkum nan chyeju lu la ni ai.