ESAIA 54:7 - Jinghpaw Hanson Version Bible

⁷ Kaning rai nme law, chyahkring mi sha ngai nang hpe kau da timung, matsan dum ai myit kaba hte kahkyin na nngai:

Jinghpaw Common Language Bible 2009

⁷ “Aten kadun mi hta, ngai nang hpe kau da nngai; tsaw ra myit sung sung hte ngai nang hpe bai woi la nngai.

ESAIA 54:7 ပူးပေါင်းရင်းမြစ်များ

SHAKAWN KUNGDAWN 106:47

Anhte a Karai Kasang Yehowa e, anhte hpe hkye hkrang la mi; Na a chyoi pra ai amying hpe shakawn kungdawn nna, Nang hpe shakawn ai hta nlaw nga lu hkra, Masha amyu ni hta na, anhte hpe shinggyin la mi law.

SHAKAWN KUNGDAWN 107:3

Sinpraw sinna, dingdung dingda, Mung shagu hta na shinggyin la ai hkrum ai ni, Ning nga nna a tsun nga mu ga.

SHAKAWN KUNGDAWN 30:5

Kaning rai nme law, shi hkring mi sha masin pawt nga ai, Shi a n-gaw nnyeng chyawm gaw, prat tup agrin nga ai; Shana e hkrap ngu hkrap ngoi gaw shang nga timung, Jahpawt e mahkawn mangoi shara rai nga ai.

SHAKAWN KUNGDAWN 30:6

“Ngai galoi mung shamu shamawt hkrum na nngai n rai,” nga nna, ngamai ai shaloi e ngai tsun nga nngai.

ESAIA 11:11

Dai aten e, Madu gaw, lahkawng lang ngu na, shi a lata bai ladawn nna, naw ngam nga ai, shi a amyu masha ni hpe, Asuri mung, Egutu mung, Pahtru mung, Hkusha mung, Elam mung, Shina mung, Hamat mung hte nammukdara zunlawng ni hta na, mawai la na ra ai.

ESAIA 11:12

Bai shi gaw, masha amyu ni a matu dawnghkawn sharawt nhtawm, shapraw kau hkrum ai Israela amyu masha ni hte, shabra kau hkrum ai Yuda masha ni hpe lamu ga man mali kaw na shaga jahpawng la na maru ai.

ESAIA 12:1

Dai shani e nang gaw, “Yehowa e, ngai nang hpe shakawn na de ai; nang ngai hpe pawt bu timung, myit bai kawp wa nna, ngai hpe shangwi shapyaw ya ndai.

ESAIA 14:1

Kaning rai nme law, Yehowa gaw Yaku hpe matsan dum nna, Israela amyu hpe naw lata la nhtawm, shanhte hpe tinang a buga hta nga shangun na ra ai: malet nhprang manam ni mung, shanhte hte rau kanawn nga nna, Yaku a dap hta manoi nga na mara ai.

ESAIA 26:20

Nye a amyu masha ni e, sa marit; kata gawk de shang nna, chyinghka la da u: pawt sindawng ai lai mat ai du hkra, na hkum hpe chyahkring mi makoi da u.

ESAIA 27:12

Dai shani e Yehowa gaw, Hka nu kaba kaw nna Egutu hka shi du hkra, shi hte seng ai nsi naisi dup la nhtawm, Israela kashu kasha ni e, nanhte langai hte langai hkauling zawn hta la ai hkrum na marin dai.

ESAIA 27:8

N rai law, nang shanhte hpe shapraw kau yang, sharam ai myit hte nang ari jaw nna, sinpraw nbung bung ai shani e shanhte hpe ahpawt kau manu ai.

ESAIA 40:11

Shi gaw sagu rem wa zawn, shi a sagu hpung ni hpe rem na ra ai; sagu kasha ni hpe shinggyin la nhtawm, hpai pawn na ra ai; hkalung woi ai sagu kanu ni hpe mung, angwi sha woi wa na ra ai.

ESAIA 49:13

Sumsing lamu ni e, mahkawn mangoi mu; ginding aga e, kabu gara nga u; bum ni e, mahkawn mangoi garu mu: kaning rai nme law, Yehowa gaw shi a amyu masha ni hpe shalan shabran nna, nni nkri hkrum ai shi a masha ni hpe, matsan dum na ra ai.

ESAIA 49:18

Grup yin shara shagu mada yu u: ndai ni yawng hpawng nna, nang hpang de du mara ai. Yehowa ning nga ai: “Ngai hkrung nga ai hte maren, nang gaw na hkum hpe ndai ni hte mawn sumli nna, num ningnan zawn, shanhte hpe kyit na rin dai.

ESAIA 49:21

Shaloi nang gaw, “Ndai ni hpe, ngai e, kadai shaprat ya a ta? ngai gaw matu htum ai wa, katsi katsang re ai wa, bawng dung ai hte let hkawm ai wa rai nga ninglen, ndai ni hpe kadai kaba wa shangun a ta? Yu u, ngai hkrai sha nga ai rai yang, ndai ni gaw kanang na rai ma ta?” nga nna na a kraw e tsun na rin dai.

ESAIA 50:1

Yehowa ning nga ai: Na nnu hpe jahka kau na matu, jahka kau laika kanang nga a ta? Ngai hka kap nna kadai hka madu kaw nanhte hpe dut kau n ta? Nanhte gaw, tinang mara majaw, dut kau ai hkrum nna, nanhte tara tawt lai ai majaw, nanhte a kanu gaw jahka kau ai hkrum sai.

ESAIA 56:8

Dumbru dumbra rai nga ai, Israela masha ni hpe shinggyin la ai Madu Yehowa gaw, Ngai hte seng ai ni hpe shinggyin la ai hta kaga, shanhte hte rau tsasam amyu ni hpe mung ngai naw shinggyin la na nngai, nga nna tsun ai.

ESAIA 60:10

Tsasam masha ni a kashu kasha ni gaw, na a bunghku ni hpe dè da nna, shanhte a hkawhkam ni nang hpe daw jau na mara ai: kaning rai nme law, ngai myit kahtet nna, nang hpe kayat timung, n-gaw nwai myit hte nang hpe matsan naw dum na nngai.

ESAIA 60:4

Grup yin mada yu u; shanhte yawng zuphpawng nna, nang hpang de wa mara ai; na a shadang sha ni gaw sumtsan mung de na wa nna, na a shayi sha ni gaw ba kaye ai hkrum na mara ai.

ESAIA 62:4

Htawm hpang de nang hpe, Mare Dingsa ngu nna mung, na a mungdan hpe, Katsi Katsang shara ngu nna shamying sa na n rai; nang hpe, Hepziba, na a mungdan hpe Byula, ngu nna shamying na mu ai: kaning rai nme law, Yehowa gaw nang hta awng sharawng nna, na a mungdan gaw madu lu na ra ai.

ESAIA 63:7

Yehowa gaw anhte hpe chyeju galaw dan ai hte, shi a n-gaw nwai ai myit hte galu kaba ai matsan dum ai myit majaw, Israela nta dap ni hpe chyeju madun dan ai hte maren, ngai gaw Yehowa a n-gaw nwai myit hte shi hpe shakawn kungdawn mai ai lam ni hpe shana ya na nngai.

ESAIA 66:18

Kaning rai nme law, shanhte a arawn alai hpe mung shanhte a myit mang ai hku hpe mung, ngai chye nngai; masha amyu ni hte, ga amyu baw kaga tsun ai ni mahkra hpe, ngai zuphpawng shangun na aten du ra ai; shanhte mung sa du nna, nye a arawng sadang hpe mu lu na maru ai.

YEREMIA 51:5

Kaning rai nme law, Israela hte Yuda mung gaw, Israela a Chyoi pra ai Wa a man e shut hpyit ai mara hte hpring nga timung, shan a Karai Kasang, Zaw nawng zaw wa up ai Yehowa, shan hpe kau da ai n rai.

SHARUNG SHAYAWT 3:31

Kaning rai nme law, Madu gaw tutnawng kau da ai n rai.

SHARUNG SHAYAWT 3:32

Shi yawn hkyen jahkrum timung, shi n-gaw nwai ai myit law htam nga ai hte maren, shi matsan naw dum na ra ai.

EZEKELA 36:24

“Kaning rai nme law, ngai nanhte hpe maigan amyu ni hta na shapraw la nna, mungdan ni yawng hta na shinggyin la nhtawm, nanhte a mung de woi jashawn na nngai.

MIHKA 4:6

Yehowa ning nga ai: Ngai gaw, dai shani e, lagaw hten ai ni hpe shinggyin la nna, gawt kau hkrum ai ni hte, ngai zingri zingrat yu ai ni hpe, hpawng shangun na nngai:

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e!- u kanu gaw, u hkai ni hpe singkaw npu e jahpawng da ai zawn, na a nshu nsha ni hpe ngai gade lang jahpawng da mayu timung nanhte n hkraw nga myit dai.

2 KORINHTU 4:17

Kaning rai nme law, dandawng nga ai arai ni gaw ndai aprat na sha, n dan n dawng nga ai arai ni gaw htani htana na arai rai nga ai majaw, dandawng nga ai arai ni hpe anhte n tau yu ai sha, n dan n dawng ai arai ni hpe tau yu let,

EHPESU 1:10

dai sung htum ai lam chyawm gaw, shi a sharawng awng ai myit hku hkan nna, Hkristu hta e myit shatawng da sai hte maren, madat da ai aten ladaw du wa yang, sumsing lamu tang na arai hpe mung, ginding aga na arai hpe mung, nga manga hte hpe Hkristu hta e gumhpawn tawn da na ru ai lam, rai nga ai.

TARA JAHPRANG 30:3

na a Karai Kasang Yehowa mung, nang hkrum ai bawng nan amu hpe jahtum ya nna, nang hpe matsan dum ai hte kayin nhtawm, nang hpe shabra kau ai mungdan shagu hta na nang hpe shinggyin la na rin dai.

YAKU 4:6

Shi mahtang gaw grau kaba ai chyeju a jaw nga ai. Dai rai nna, Karai Kasang gaw gumrawng gumtawng ai ni hpe gang hkum kau nna, myit nem ai ni hpe chyeju jaw ya wu ai, nga nna laika tsun nga ai.

2 PETRU 3:8

Rai timung, tsawra ai ni e; dai Madu a man e nhtoi langai mi gaw shaning hkying mi hte, shaning hkying mi gaw nhtoi langai mi hte maren rai nga ai lam langai sha hpe, malap mali hkum rai nga myit.