ESAIA 54:6 - Jinghpaw Hanson Version Bible

⁶ Kabai kau hkrum nna gawng run hkawm ai hte, ram prat e jan tai nna, jahka kau hkrum ai num hpe zawn, madu jan bai tai na, Yehowa nang hpe shaga nit dai, nga nna na a Karai Kasang tsun nga ai.

Jinghpaw Common Language Bible 2009

⁶ Israela e, nang gaw madu wa kabai kau nna, myit ru myit yak sung sung hkrum sha ai ram prat na madu jan zawn rai nga ndai. Rai ti mung, dai Madu gaw nang hpe shaga nna shi hpang de nhtang wa ai hte ning ngu tsun nga ai:

ESAIA 54:6 ပူးပေါင်းရင်းမြစ်များ

ESAIA 62:4

Htawm hpang de nang hpe, Mare Dingsa ngu nna mung, na a mungdan hpe, Katsi Katsang shara ngu nna shamying sa na n rai; nang hpe, Hepziba, na a mungdan hpe Byula, ngu nna shamying na mu ai: kaning rai nme law, Yehowa gaw nang hta awng sharawng nna, na a mungdan gaw madu lu na ra ai.

HPAJI NINGLI 9:9

Jan a npu e Karai Kasang nang hpe jaw da ai kaman lila prat a nhtoi ni hta e, nang tsawra ai madu jan hte rau, na a prat htum hkra ngwipyaw ai hte nga sha nga u: da ndai gaw, nang hkrung nga ai laman e, jan a npu e nang galaw ai amu a kamhtaw rai nga ai.

GA SHAGAWP 5:18

Na a hka hpawk shaman ai hkrum nna, Na a ram prat na madu jan hte rau pyaw nga u:

MALAHKI 2:14

Rai timung nanhte gaw, Hpa majaw rai ta? nga nna san myit dai. Yehowa gaw nang hte, na brang ram prat na madu jan a lapran e, sakse tai nga ai majaw, rai nga ai: shi gaw na a kanawn manang hte, nang ga sadi tawn da ai madu jan rai nga timung, nang shi hpe hkalem hkalau ai hku galaw nu ai.

MAHTE 11:28

Hki ba la nna lit li gun ai ni yawng hte e, ngai kaw wa marit; ngai nanhte hpe ban sa shangun na made ai.

2 KORINHTU 7:6

Rai timung, myit gyip ai ni hpe shangwi shapyaw ai Karai Kasang gaw, Titu du sa ai hte e anhte hpe shangwi shapyaw mi ai.

HOSEA 2:19

“Kaning rai nme law, ngai gaw, Balim ngu ai amying ni shi a n-gup na tsan kau nna, htawm hpang e dai amying ni hpe dum tsun sa na, n rai.

YEREMIA 30:17

Kaning rai nme law, masha ni gaw, kau da hkrum ai wa, nga nna mung, kadai n kawan katsan yu ai Ziun, nga nna mung, nang hpe tsun aroi ai majaw, ngai nang hpe shamai shatsai nna, hkam kaja shangun na de ai, nga nna Yehowa tsun ai.