ESAIA 54:5 - Jinghpaw Hanson Version Bible

⁵ Kaning rai nme law, nang hpe Hpan da ai wa gaw, na a madu wa rai nga ai; shi a amying gaw, Zaw nawng zaw wa up ai Yehowa rai nga ai: nang hpe Hkye hkrang la ai wa gaw Israela a Chyoi pra ai wa rai nga ai; mungkan ting a Karai Kasang shi hpe ngu na maru ai.

Jinghpaw Common Language Bible 2009

⁵ Na a Hpan madu gaw na a matu madu wa zawn tai na ra ai- Chyahtum Chyalai N-gun rawng ai dai Madu gaw shi a mying rai nga ai. Israela a chyoi pra ai Karai Kasang gaw nang hpe hkye la na ra ai- shi gaw mungkan ga ting a up hkang du wa rai nga ai.

ESAIA 54:5 ပူးပေါင်းရင်းမြစ်များ

YOBA 19:25

Ngai hpe hkye hkrang la ai wa hkrung nga ai gaw, ngai nan chye nngai, Shi gaw hpang jahtum e ga nhpu ntsa e dawng pru na ra ai.

ESAIA 11:9

Nye a chyoi pra ai bum ting hta, shada da zingri ai hte jahten shaza hkat na n rai; kaning rai nme law, nammukdara hka gaw shi a shara hpe lim kau ai zawn, Yehowa hpe chye chyang ai lam, mungkan ting pri rai na ra ai.

ESAIA 43:1

Ya chyawm gaw, Yaku amyu e, nang hpe hpan da ai wa, Israela dap e, nang hpe hpajang da ai wa Yehowa ning nga ai: “Hkum hkrit et, ngai nang hpe hkrang la ni ai; na a amying hte ngai nang hpe shaga nna, nang nye a rai nga ndai.

ESAIA 43:14

Israela a Chyoi pra ai Wa, nanhte a Hkye hkrang la ai Madu Yehowa ning nga ai: “Ngai gaw nanhte a matu Babelon mare de shangun nna, hprawng wa ai Hkalde masha ni yawng hpe, tinang machyu nga ai sanghpaw li ni hta, shayu dat na mu ai.

ESAIA 45:11

Israela a Chyoi pra ai wa, dai amyu hpe hpan da ai Yehowa ning nga ai: Byin na ra ai lam ni hpe, ngai kaw san yu mu; nye a kashu kasha ni hte, nye a lata galaw ai amu ni a lam ngai hpe sagawn yu mi.

ESAIA 48:17

Nang hpe Hkye hkrang la ai wa, Israela Chyoi pra ai wa Yehowa ning nga ai: “Ngai gaw, na a akyu matu nang hpe sharin achyin ya nna, nang mai hkan ai lam hta nang hpe lakawn wa ai, na a Karai Kasang Yehowa rai nga nngai.

ESAIA 48:2

chyoi pra ai mare mying hkan nna tinang hkum hpe shamying ai hte, Israela Karai Kasang hta shamyet shanat ai ni e, ndai lam madat mara mu: shi a mying gaw, Zaw nawng zaw wa up ai Yehowa rai nga ai.

ESAIA 51:15

Kaning rai nme law, ngai gaw, nammukdara hpe daru nna, hka leng ni hta shangun ai, na a Karai Kasang Yehowa rai nga nngai: shi a amying gaw, Zaw nawng zaw wa up ai Yehowa nan rai nga ai.

ESAIA 54:8

pawt sindawng let, ngai nye a myi man nang kaw na hkring mi sha kayin kau timung, prat dingsa n-gaw nwai myit hte nang hpe matsan naw dum na ra ai, nga nna nang hpe Hkye hkrang la ai Wa, Yehowa tsun nga ai.

ESAIA 6:3

Langai wa mi langai wa hpe, “Zaw nawng zaw wa up ai Yehowa gaw, chyoi pra, chyoi pra, chyoi pra, rai nga ai; ginding aga ting shi a hpung shingkang hte hpring nga ai law,” nga nna tsun jahtau ma ai.

ESAIA 65:16

shing rai, shawng na aru ara hpe malap kau ai hte, ngai dai hpe n mu nga ai majaw, ga ntsa e tinang hkum hpe shaman ai wa gaw, tengman ai Karai Kasang hta hpa nna shaman na ra ai; lamu ga hta dagam ai wa gaw, tengman ai Karai Kasang hta hpa nna dagam na ra ai,” nga nna tsun ai.

YEREMIA 10:16

Yaku a kamhtaw chyawm gaw, dai hte n bung nga ai; Shi gaw yawng mayawng hpe hpan da ai wa rai nga ai; Israela gaw shi a sali wunli amyu rai nga ai; shi a amying gaw, Zaw nawng zaw wa up ai Yehowa rai nga ai.

YEREMIA 3:14

Htak mat ai ma ni e, bai wa marit, nga nna Yehowa tsun ai: ngai gaw nanhte a madu nan rai nga nngai; ngai gaw mare mi hta na langai mi, htinggaw mi hta na lahkawng, lata la nna, Ziun mare de woi wa na nngai.

YEREMIA 51:19

Yaku a matu rai nga ai wa chyawm gaw, dai ni hte bung ai n rai; shi gaw nga yawng nga pra hpe hpan da ai wa rai nga ai: Israela gaw shi a sali wunli amyu rai nga ai; shi a amying gaw, Zaw nawng zaw wa up ai Yehowa rai nga ai.

EZEKELA 16:8

Ya dai hku ngai lai nna, nang hpe mada yu yang, yu u, nang hkawn ram prat du ai majaw, ngai gaw nye a palawng galu hpyan nna, na a singgu krin hpe magap nngai; shaloi ngai na a matu dagam nna, ga shaka tawn da ai hte, nang nye a num tai ndai,” nga nna Madu Yehowa tsun ai.

HOSEA 2:16

“Shing rai, yu u, ngai shi hpe shalen nna, nam mali hku woi wa let, ngwipyaw ga shi hpe tsun na nngai.

HOSEA 2:18

Dai shani e nang ngai hpe, Ishi, nga nna shaga na rin dai; htawm hpang e, Bali, nga nna ngai hpe shaga lu na n rai,” nga nna Yehowa tsun ai.

ZEHKARIA 14:9

Shaloi Yehowa gaw mungkan ting a Hkawhkam tai na ra ai: dai shani e, Yehowa gaw langai sha rai nga nna, shi a amying langai sha, tai na ra ai.

MALAHKI 1:11

Kaning rai nme law, nye a amying ningsang gaw, jan pru maga kaw nna jan shang maga du hkra, maigan amyu ni hta galu kaba nga na ra ai: nye a amying ningsang, maigan amyu ni hta galu kaba nga ai majaw, nye a amying matu, shara shagu hta, manam pyaw ai baw hte san seng ai shagu hkungga hpe, nat nawng ya na mara ai, nga nna Zaw nawng zaw wa up ai Yehowa tsun ai.

LUKA 1:32

Dai wa gaw galu kaba na ra ai rai nna, Tsaw htum ai wa a Kasha ngu ai hkam la na ru ai; Madu Karai Kasang mung, shi kawa Dawi a tingnyang, shi hpe jaw na wu ai rai nna,

YAWHAN 3:29

Num nnan lu ai wa gaw, la nnan rai nga ai; la nnan a makau e tsap nga nna, shi a ga na la ai jinghku wa gaw, la nnan a nsen majaw ja ja kabu nga ai: shing re ai kabu gara lam gaw, ngai hta dik wa sali ai.

EHPESU 5:32

Ndai lam gaw sung htum ai lam kaba rai nga ai: shing nga ai gaw Hkristu a lam hte dai Hpung a lam hpe ngai tsun nga nngai.

YAWSHU 3:11

Yu mu, Lamu ga Madu a ga shaka sumpu gaw nanhte a man e Yawdan hka lai dut na ra ai.

YAWSHU 3:13

Kaning rai nme law, lamu ga Madu Yehowa a sumpu hpai ai hkinjawng ni a lagaw lahpan ni Yawdan hka kabye hkra ai hte shaloi jang, Yawdan hka gaw dai kaw hprut rai di mat nna, hka hku de na hka gaw sumpum tsaw mat wa na ra ai,” ngu nna tsun mu ai.

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.