ESAIA 54:4 - Jinghpaw Hanson Version Bible

⁴ Hkum tsang et, nang gaw kaya kahpa hkrum na n rai; myi man hkum sum et, hkrit kaya hkrum na n rai: kaning rai nme law, ram prat e hkrum ai kaya kahpa hpe, nang malap kau nna, gaida nna hkrum ai shatan nhkan hpe, htawm hpang de dum na n rai.

Jinghpaw Common Language Bible 2009

⁴ Hkum hkrit et-nang gaw kaya kahpa bai hkrum na ra ai n rai; nang gaw shagrit kau hkrum na n rai. Nang gaw ram prat na madu jan zawn na a sadi n dung ai lam hpe mung, gaida jan zawn na a myit chyum myit htum garen gari ai lam hpe mung malap kau na rai ndai.

ESAIA 54:4 ပူးပေါင်းရင်းမြစ်များ

YOBA 11:16

Nang hkrum ai tsin-yam tsindam hpe nang malap kau nna, lwi mat ai hka zawn nawn na rin dai.

ESAIA 25:8

Shi gaw si hkrung si htan hpe mayu kau nu ai; Madu Yehowa gaw myi man shagu a myi prwi katsut kau na ra ai; shi a amyu hkrum ai kaya kahpa hpe mung, ga ntsa ting na shaprai kau na ra ai: dai lam Yehowa tsun da sai.

ESAIA 29:22

Dai re ai majaw, Abraham hpe hkye hkrang la ai Yehowa gaw, “Yaku amyu hpe sha-ang nna, Yaku gaw kaya kahpa ya hkrum na n rai, myi man mung sum na n rai.

ESAIA 4:1

Dai shani e numsha sanit la langai mi hpe dun la nhtawm, “Anhte gaw tinang a muk sha, tinang a hpun palawng bu hpun na ga ai; anhte hpe na a jan ni sha shamying la nna, anhte ntsa na kaya kahpa jahkoi kau ya mi,” nga nna hpyi na mara ai.

ESAIA 41:10

hkum hkrit et, ngai nang hte rau rai nga nngai; hkum tsang et, ngai na a Karai Kasang rai nga nngai; ngai nang hpe n-gun shaja nna karum na de ai; gaja wa, nye dinghpring ai hkra lata hte, ngai nang hpe shadaw na de ai.

ESAIA 41:14

Shingtai ngu ai Yaku e, Israela masha ni e, hkum hkrit myit; ngai nang hpe karum na nngai; Israela Chyoi pra ai Wa gaw na a Hkye hkrang la ai wa rai nga ai,” nga nna Yehowa tsun nga ai.

ESAIA 50:7

Madu Yehowa gaw ngai hpe karum na ra ai; dai re ai majaw, ngai mak mat ai n rai; nye a myi man mung nhpai lung zawn ngai shatai nna, ngai kaya kahpa n hkrum na, ngai chye nngai.

ESAIA 51:7

Dinghpring ai lam chye nna, nye a tara hpe myit masin hta kyem da ai amyu e, nye a ga madat mara mu: masha ni a n kaw n law di ai lam hkum tsang myit; shanhte shatan nhkan ai a majaw, myit hkum htum myit:

ESAIA 54:14

Nang gaw dinghpring ai hte grin nga na rin dai: zingri zingrat ai gaw, nang hte tsan wa nna, nang hkrithpa hkrum na n rai: hkrit kajawng ai mung, nang hte tsan wa nna, na a makau de ni lu na n rai.

ESAIA 61:7

Nanhte kaya kahpa hkrum ai a malai, akyu htam lahkawng lu la nna, arawng hpoi hkrum ai a malai, shanhte a kumhtaw hta kabu gara lu na myit dai: dai rai nna shanhte gaw tinang a mung hta akyu htam lahkawng lu la nna, htani htana kabu gara ai hkrum na mara ai.

ESAIA 65:16

shing rai, shawng na aru ara hpe malap kau ai hte, ngai dai hpe n mu nga ai majaw, ga ntsa e tinang hkum hpe shaman ai wa gaw, tengman ai Karai Kasang hta hpa nna shaman na ra ai; lamu ga hta dagam ai wa gaw, tengman ai Karai Kasang hta hpa nna dagam na ra ai,” nga nna tsun ai.

YEREMIA 31:19

Gaja wa, ngai nhtang wa ai hpang myit malai lu nngai; sharin hkrum ai hpang, nye magyi hpe kahpret nngai; ram prat e galaw hkrup ai yubak majaw, ngai kaya dum nna, mak mat ai hte myi man sum ai hkrum nngai, nga nna tinang hkum hpe mara shagun ai ga, ngai gaja wa na nngai.

SHARUNG SHAYAWT 1:1

Masha law ai mare gaw, ya kaning rai shi hkrai lik lik dung nga a hka! Masha amyu ni hta galu kaba ai num gaw, gaida jan zawn tai wa sahka! Mungdaw ni a du jan gaw, ya hkansi bang nga a hka!

EZEKELA 16:22

Dai hta n-ga, nang matsat shabat hte shawa num amu mahkra hpe galaw nga yang, hkawn ram prat e nang singgu krin rai nga ai hte, na a sai hta galu nga ai hpe, nang n dum n hka.”

EZEKELA 16:43

Kaning rai nme law, nang gaw na a hkawn ram prat hpe n dum ndai; ndai lam shagu hta ngai hpe gumlau ndai: dai re ai majaw, yu u, na a yubak hpe na a baw ntsa de ngai shapraw na nngai; na matsat shabat amu mahkra a ntsa e, ndai n san n seng ai hpe galaw kahtap lu sa na n rai,” nga nna Madu Yehowa tsun ai.

EZEKELA 36:15

“htawm hpang de maigan amyu ni a shatan nhkan ga hpe, nang na lu na, n rai; shanhte a jahpoi ai mung hkrum na, n rai; na a amyu hpe kadawng si shangun na, n rai,” nga nna Madu Yehowa tsun ai.

YOELA 2:21

Mungdan e, hkum hkrit et; kabu gara ai hte sharawng awng nga u: kaning rai nme law, Yehowa gaw amu kaba galaw nu ai.

ZEHPANI 3:11

Shing rai, nang ngai hpe tawt lai ai amu majaw, dai shani hta e nang kaya kahpa hkrum na, n rai; kaning rai nme law, dai shaloi e gumrawng gumtawng grang ai ni hpe, na a ka-ang na ngai yeng kau nna, nye a chyoi pra ai bum hta e myit kaba ai masha, htawm hpang de nga lu na n rai.

ZEHKARIA 10:6

Ngai gaw Yuda dap hpe shangang shakang nna, Yawsep a dap hpe hkye hkrang la na nngai; shanhte hpe matsan dum nga ai majaw, ngai shanhte hpe nhtang wa shangun nna, nye a lata hte shapraw kau n hkrum ai ni zawn, shanhte tai na mara ai: kaning rai nme law, ngai gaw shanhte a Karai Kasang Yehowa rai nga nna, shanhte a ga, ngai madat na nngai.

1 PETRU 2:6

Kaning rai nme law, “Yu mu, lata la ai hte hpu la ai jut na nlung gaw, Ziun hta e ngai gaw da se ai rai nna, Dai hpe kamsham ai wa gaw, kaya kahpa n hkrum na ra ai,” nga nna laika hta rawng nga ai.