ESAIA 54:3 - Jinghpaw Hanson Version Bible

³ kaning rai nme law, nang gaw hkra de pai de maden jat wa na rin dai; na a kashu kasha ni gaw maigan amyu ni hpe madu nna, katsi katsang re ai mare ni hta shanu nga na mara ai.

Jinghpaw Common Language Bible 2009

³ Nang gaw na a lamu ga jarit ni hpe man maga shagu de maden jat lu na rai ndai; na a amyu masha ni gaw kaga masha amyu baw ni ya madu nga ai mungdan de nhtang wa na mara ai. Ya chyawm gaw katsi katsang re ai mare ni hta amyu masha ni hpring wa na mara ai.

ESAIA 54:3 ပူးပေါင်းရင်းမြစ်များ

NINGPAWT NINGHPANG 26:22

Bai dai yang na shi htawt nhtawm, hka htung kaga htu wu ai; dai hta gaw shanhte n kashun hkat masai: dai rai nna, Ya Yehowa anhte hpe nga shara dam lada jaw ma ni ai majaw, ndai mung e anhte mayat maya wa na saga ai, nga nna dai hpe Regobut ngu shamying wu ai.

NINGPAWT NINGHPANG 28:14

Na nshu nsha ni gaw ga na nhpu zawn law htam wa na mara ai; nang gaw sinpraw sinna, dingdung, dingda maga hkan du hkra kung dam wa na rin dai rai nna, nang hte na a amyu matu ni a marang e ga ntsa na masha amyu shagu gumring gumrat re ai chyeju lu la shajang na mara ai.

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

ESAIA 14:1

Kaning rai nme law, Yehowa gaw Yaku hpe matsan dum nna, Israela amyu hpe naw lata la nhtawm, shanhte hpe tinang a buga hta nga shangun na ra ai: malet nhprang manam ni mung, shanhte hte rau kanawn nga nna, Yaku a dap hta manoi nga na mara ai.

ESAIA 14:2

Maigan amyu ni gaw shanhte hpe woi wa nna, tinang a buga de wa sa na mara ai; shing rai Israela amyu gaw, Yehowa a mungdan hta, maigan ni hpe mayam la mayam num shatai nna, shanhte hpe bawng dung shangun ai ni hpe, bawng bai dung shangun na maru ai; tinang hpe sharu shatsang ai ni a ntsa e mung, up nga na mara ai.

ESAIA 26:15

Yehowa e, nang anhte a amyu hpe shalaw jahtam nu ai, gaja wa shalaw jahtam nu ai; nang hpung shingkang dan hkung ndai; na mung a lamu ga jarit grup, nang maden jat nu ai.

ESAIA 45:14

Bai Yehowa gaw ning nga ai: Egutu mung na arung arai, hkum shing-yan galu ai Hkusha masha ni hte Sabea masha ni a hpaga kun rai, nang hpang de du nna, na a kun rai tai na ra ai. Shanhte gaw nang hpang de hkan nang na mara ai: hpri sumri gyit hkang ai hte shanhte sa du nna, na a man e gum dagup let, Gaja wa, Karai Wa nang hte rau rai nga ai; dai Karai Kasang hta kaga kadai n nga ai:

ESAIA 48:19

na a aru arat ni zaibru zawn, na a kashu kasha ni gaw hka kau na lung sha zawn tai wa na mara ai: shi a amying gaw nye a man e shamyit kau ai hte htum mat hkrum na n rai.

ESAIA 49:12

Yu u, ndai ni gaw sumtsan mung kaw nna wa na mara ai; bai yu u, ndai ni gaw dingdung maga hte sinna maga na mung, ndai ni gaw Sinim mung na mung, wa na mara ai,” nga ai.

ESAIA 49:8

Yehowa ning nga ai: “Ang wa ai aten e ngai na a ga htan ya de ai, hkye hkrang la ai nhtoi e ngai nang hpe karum de ai; ngai nang hpe makawp maga nna, dai mung hpe bai shagrin da na hte, katsi katsang re ai shara ni hpe bai madu na matu, mung masha ni a ga shaka nang hpe shatai na de ai:

ESAIA 52:9

Yerusalem na katsi katsang shara ni e, mahkawn mangoi let, rau garu mu: Yehowa gaw shi a amyu hpe shalan shabran ai hte, Yerusalem mare hpe hkye mawai la wu ai.

ESAIA 53:10

Yehowa chyawm gaw shi hpe ahpye a lam di na ra nna, machyi shangun wu ai; nang gaw, shi a myit masin hpe gawng malai hkungga shatai ngut jang she, shi gaw shi a aru arat hpe mu lu na ra ai; shi a nhtoi ni galu wa nna, Yehowa ra ai hku shi a lata hta awng wa na ra ai:

ESAIA 55:5

Nang n chye ai amyu hpe nang shaga la nna, nang hpe n chye ai amyu mung, na a Karai Kasang Yehowa hte Israela a Chyoi pra ai wa a majaw, nang hpang de gat bang wa na ra ai: kaning rai nme law, shi gaw nang hpe shagrau shatsaw nga ai.

Daniela 7:27

Mungdan hte up ai ahkang aya, sumsing lamu ting npu na mungdan ni a daru magam hpe, Tsaw Htum ai Wa a chyoi pra ai masha ni lu la na mara ai: shi a mungdan gaw htani htana mungdan rai nga nna, up ai ahkang aya lu ai ni yawng, shi hpe daw jau let, madat mara na mara ai, nga nna ngai hpe ga lachyum shapraw dan ai.

ROMA 10:18

Rai timung, ngai tsun nngai gaw, Shanhte n na yu ma hka kun? Gaja wa teng teng, “Mung shagu hkan e shanhte a nsen gaw, Mungkan ting hta shanhte a mungga pri rai wa sai,” nga ai.

ROMA 11:12

Dai hta kaga shanhte a ahtu kataw ai gaw mungkan ga a sutgan, shanhte a sum mat ai gaw maigan amyu ni a sutgan tai wa a yang gaw, shanhte a hkum sumhpa gaw grau nna, akyu shabyin na n rai ni?

KOLOSE 1:23

shi a si hkam ai a marang e, shi a hkumhkrang na ashan hta e shi ya e nanhte hpe htinglu htinglai ya manit dai: dai kabu gara shiga a gun hpai ai wa ngai Pawlu nan tai wa ni ai.