ESAIA 53:7 - Jinghpaw Hanson Version Bible

⁷ Shi adip arip hkrum timung, nni nkri hkrum yang, n-gup n hpaw ai nga nga ai; sat na matu dun sa wa ai sagu kasha zawn, mun rep ai wa a man e, atsin sha nga ai sagu zawn, shi n-gup n hpaw ai nga nga ai.

Jinghpaw Common Language Bible 2009

⁷ “Shi adip arip hkrum nga ai, rai ti mung dai hpe shagrit shanem ai hte hkam sharang nga ai; shi gaw ga hkum mi pyi galoi mung shaga ai n rai. Sat na matu hkyen ai sagu kasha langai zawn, mun rep hkyen nga ai sagu langai zawn, shi gaw ga hkum mi pyi galoi mung shaga ai n rai.

ESAIA 53:7 ပူးပေါင်းရင်းမြစ်များ

SHAKAWN KUNGDAWN 38:14

Gaja wa, na n na ai wa hte, Ndang kalang ga n chye tsun ai wa zawn, ngai rai nga nngai.

SHAKAWN KUNGDAWN 38:15

Rai timung, Yehowa e, ngai nang hpe ala nga nngai, Nye a Madu Karai Kasang e, nang htan ya na ndai.

SHAKAWN KUNGDAWN 44:22

Gaja wa na a jaw e anhte shani shagu sat kau ai hkrum ga ai; Sat na san da ai sagu hpe zawn, anhte hpe nawn da mi ai.

ESAIA 50:6

Ngai gaw kayat ai ni hpe nye a shingma, shabyi mun baw ai ni hpe nye a shabyi, ap ya nngai: kaya jahkrum ai hte mayen mahtaw bun ai kaw na, nye a myi man kayin kau ai n rai.

ESAIA 53:6

Anhte yawng sagu zawn lam dam mat saga ai; langai hte langai tinang lam hkan mat ga ai: Yehowa chyawm gaw anhte mahkra a yubak mara hpe, shi a ntsa e mara da nu ai.

YEREMIA 11:19

Ngai mahtang, sat na matu woi sa wa ai sumnung ai sagu kasha zawn rai nga nngai; shanhte gaw, Shi a amying hpe kadai n dum lu hkra, asi hte hpawn hpun hpe mung, dinghta ga na shaprai kau gaw, nga nna nye a lam shanhte myit mang ai hku, ngai n chye nngai.

BU HKAWM 7:27

wan nat hkungga matu usu uram langai mi, sagu la langai mi, ladu hkrum ai sagu la kasha langai mi;

MAHTE 26:63

Yesu mahtang atsin sha nga nga ai. Bai, hkinjawng agyi wa gaw, “Karai Kasang a Kasha, ngu ai Hkristu gaw, nang rai nga ndai kun, anhte hpe tsun dan n ga, ngu nna ahkrung nga ai Karai Kasang hta ngai nang hpe dagam da de ai,” ngu nna shi hpe tsun wu ai.

MARKU 14:61

Shi mahtang atsin sha nga nna, hkaw mi muk n htan wu ai. Bai, hkinjawng agyi wa gaw, “A lu ai Wa a Kasha, ngu ai Hkristu gaw, nang rai nga nni?” ngu nna shi hpe san wu ai.

MARKU 15:5

Yesu chyawm gaw, ga hkaw mi muk, hpa n htan wu ai rai nna, Pilat gaw amau nga ai.

LUKA 23:9

Dai rai nna shi gaw Yesu hpe lam magup san yu wu ai, rai timung Yesu gaw, ga hkaw mi muk n htan ya wu ai.

YAWHAN 1:29

Hpang shani e Yawhan gaw, shi hpang de Yesu sa wa ai hpe, hkap mu wu yang, “Mungkan ga a yubak gun la kau ya ai, Karai Kasang a Sagu Kasha hpe yu yu mu!

YAWHAN 19:9

Htingnu nhku de bai shang nhtawm, Yesu hpe, “Nang kanang na rai n ta?” ngu nna san wu ai. Yesu chyawm gaw ga hkaw mi muk n htan wu ai.

1 PETRU 2:23

Shi aroi arip hkrum yang, bai roi htang ai n rai; nni nkri hkrum yang, ahkrim nga ai n re ai sha, dingman ai hku dawdan ai wa a lata hta e, shi a hkum hpe ap da nu ai.

SHINGRAN 5:6

Shaloi, dai tingnyang hte dusat amyu mali a ka-ang e mung, dai salang ni a ka-ang e mung sat kau hkrum sai nsan ai Sagu Kasha langai mi tsap nga ai hpe, ngai mu nngai; dai Sagu Kasha gaw nrung sanit hte myi sanit tu nga ai; dai myi sanit gaw, dinghta ga ting hproi hkra shangun dat ai, Karai Kasang a wenyi sanit rai nga ai.