ESAIA 53:6 - Jinghpaw Hanson Version Bible

⁶ Anhte yawng sagu zawn lam dam mat saga ai; langai hte langai tinang lam hkan mat ga ai: Yehowa chyawm gaw anhte mahkra a yubak mara hpe, shi a ntsa e mara da nu ai.

Jinghpaw Common Language Bible 2009

⁶ Anhte yawng gaw sagu ni zawn lam dam mat saga ai, anhte langai hte langai tinang lam hkan mat saga ai. Rai ti mung dai Madu gaw anhte yawng hkam la ging ai ari hpe shi a ntsa e mara da shangun nga nu ai.

ESAIA 53:6 ပူးပေါင်းရင်းမြစ်များ

NINGPAWT NINGHPANG 22:6

Shaloi Abraham gaw hkungga nat na hpun la nna kasha Isak hpe jahpai nhtawm, wan hte nhtu gaw shi a lata hta lang let, shan wa lahkawng sha rau lung wa ma ai.

SHAKAWN KUNGDAWN 119:176

Ngai lam dam mat wa yang, Mat ai sagu kasha hpe zawn, na a mayam wa hpe hkan tam u; Kaning rai nme law, nang htet da ai ga hpe ngai n malap kau nngai law.

SHAKAWN KUNGDAWN 69:4

Mara n nga timung, ngai hpe n dawng ai ni, Nye baw a kara hta grau law nga ma ai: Ngai hpe jahten mayu ai, masu ai gumlau ni, n-gun ja nga ma ai. Ngai n kashun la ai arai hpe pyi, Ngai bai ya lu nga nngai.

ESAIA 40:2

Yerusalem mare hpe ngwipyaw ga tsun mu: shi a hpyen majan ngut wa sai, shi yubak raw dat kau ai hkrum sai, yubak mara majaw ari hkrum ai hta, Yehowa lata hta na chyeju htam lahkawng hkam la nu ai, ngu nna shi hpe jahtau tsun mu.

ESAIA 53:10

Yehowa chyawm gaw shi hpe ahpye a lam di na ra nna, machyi shangun wu ai; nang gaw, shi a myit masin hpe gawng malai hkungga shatai ngut jang she, shi gaw shi a aru arat hpe mu lu na ra ai; shi a nhtoi ni galu wa nna, Yehowa ra ai hku shi a lata hta awng wa na ra ai:

ESAIA 53:11

Shi myit masin a shakut sharang ai a akyu shi mu lu nna, myit dik na ra ai: nye a dinghpring ai shangun ma gaw, shi chye chyang ai nyan hte, masha law law hpe dinghpring shangun na ra ai rai nna, shanhte a yubak mara hpe shi nan gun hpai na ra ai.

ESAIA 53:12

Dai re ai majaw ngai gaw, daru magam rawng ai ni hte rau, shi hpe kamhtaw karan jaw nna, shi gaw n-gun atsam rawng ai ni hte rau, lanep karan na ra ai: kaning rai nme law, shi gaw si du hkra shi a myit masin hpe ru kau nna, tara tawt lai ai ni hta hti lawm nga ai: rai timung shi gaw; masha law law a yubak hpe gun hpai nna, tara tawt lai ai ni a matu mara htinglu htinglai ya ai.

ESAIA 53:5

Rai timung, shi gaw anhte a tara tawt lai ai a jaw e hkala nba hkrum nna, anhte shut hpyit ai a majaw ahpye a lam hkrum sha nga ai: anhte ngwipyaw nga lu hkra, shi ari ahpri hkrum sha nga ai; shi a nma majaw, anhte mai tsai lu ga ai.

ESAIA 53:7

Shi adip arip hkrum timung, nni nkri hkrum yang, n-gup n hpaw ai nga nga ai; sat na matu dun sa wa ai sagu kasha zawn, mun rep ai wa a man e, atsin sha nga ai sagu zawn, shi n-gup n hpaw ai nga nga ai.

ESAIA 55:7

tara n lang ai wa gaw shi a lam hpe, n hkru ai wa gaw shi a myit mang ai hku kau da nna, Yehowa hpang de kayin wa u ga; shing rai yang shi gaw dai wa hpe matsan dum na ra ai; anhte a Karai Kasang hpang de mung kayin wa u ga; shi gaw yubak hpe htum hkra raw dat kau ya na ra ai.

ESAIA 55:8

Kaning rai nme law, ngai myit mang ai hku, nanhte myit mang ai hku n rai; nanhte a lam ni nye a lam ni zawn n rai, nga nna Yehowa tsun ai.

ESAIA 56:11

Ndai gwi ni gaw lawhpa myit rawng nna, n hkru hkraw ma ai: ndai ni gaw nyan n rawng ai sagu rem ai ni rai nga ma ai; shanhte yawng lam yit nna, langai hte langai tinang akyu hkrai hkan shachyut ma ai:

ESAIA 66:3

Usu lang ai wa gaw, masha sat ai wa hte bung nga ai; sagu kasha hpe nawng ya ai wa gaw, gwi du htau ai wa hte bung nga ai; lusha hkungga jaw ai wa gaw, wa sai hkungga jaw ai wa hte bung nga ai; lawban nat nawng ya ai wa gaw, sumla hpe shaman ya ai wa hte bung nga ai. Gaja wa shanhte gaw tinang ra ai lam lata la nna, tinang a myit masin gaw, tinang matsat shabat lam hta pyaw nga ma ai.

YEREMIA 50:6

“Nye a amyu gaw dam mat ai sagu tai masai; sagu rem ni gaw shanhte hpe shadam kau manu ai; bum ga ntsa e shaprang kau manu ai; shanhte gaw bum kaw nna kawng du hkra kahkrang hkawm nna, shanhte a uyup hpe malap kau manu ai.

EZEKELA 3:18

Ngai gaw tara n lang ai wa hpe, Nang teng teng si na ndai, nga nna shi hpe tsun ninglen, nang shi hpe n shadum, tara n lang ai wa asak lawt na matu, nang shi hpe lam madun ai ga n tsun ai nga yang, dai tara n lang ai wa gaw, tinang a yubak hta si wa na ra ai: shi a asai chyawm gaw, na a lata na ngai hpyi la na nngai.

Daniela 9:5

anhte yubak galaw saga ai; anhte shut hpyit nga saga ai; anhte n hkru nga ai hte gumlau nna, na a matsun maroi ga hte, na a hkang da ai ga hpe pyi, kau da saga ai:

ROMA 4:25

dai Madu Yesu gaw, anhte a shut hpyit ai a matu ap kau ai hkrum nna, anhte dinghpring wa lu na matu, hkrung sharawt la ai hkrum nu ai.

YAKU 5:20

yubak galaw ai wa hpe, shi a shut hpyit ai lam hta na shabai dat wu ai wa gaw, myit masin hpe si ai kaw na hkye hkrang la wu ai rai nna, yubak sumpum hpe makoi magap ai rai nga ai, dum hprang nga mu law.

1 PETRU 2:25

Kaning rai nme law, nanhte nlang sagu zawn lam dam mat myit timung, ya gaw, dai Sagu rem wa hte nanhte a myit masin a Hpung up wa hpang de, nhtang wa manit dai.

1 PETRU 3:18

Kaning rai nme law, Hkristu mung yubak a majaw kalang sha mi si hkam nu ai; Karai Kasang hpang de anhte hpe woi wa lu hkra, dinghpring ai wa gaw, n ding n hpring ai ni a matu mara si hkam ai hte, dai hkum tsawp nan si mat timung, dai wenyi hta ahkrung nga ai:

TARA AGYI 21:25

Dai aprat e Israela amyu hta hkawhkam n nga ai: langai hte langai tinang ra ai hku galaw ma ai.