ESAIA 53:5 - Jinghpaw Hanson Version Bible

⁵ Rai timung, shi gaw anhte a tara tawt lai ai a jaw e hkala nba hkrum nna, anhte shut hpyit ai a majaw ahpye a lam hkrum sha nga ai: anhte ngwipyaw nga lu hkra, shi ari ahpri hkrum sha nga ai; shi a nma majaw, anhte mai tsai lu ga ai.

Jinghpaw Common Language Bible 2009

⁵ Rai ti mung, anhte a yubak mara ni a majaw shi gaw hkala nba hkrum nga sai, anhte galaw ai n hkru ai amu a majaw kayat hkrum nga nu ai. Anhte gaw shi hkrum sha ai nni nkri ari a majaw mung, shi hkum ting htwi hkrum ai a majaw mung, shamai shatsai hkrum nga ga ai.

ESAIA 53:5 ပူးပေါင်းရင်းမြစ်များ

NINGPAWT NINGHPANG 3:15

nang hte numsha hpe mung, na a amyu matu hte shi amyu matu hpe mung ngai majan shangun da na made ai: shi gaw na a baw abrep na ra ai, nang mung, shi a lahtin achye na ra ai, ngu wu ai.

YOBA 33:24

Karai wa shi hpe matsan dum nga nna, “lup de shi n yu wa hkra, shi hpe hkye hkrang la u; ngai shi a lam gawng malai hkungga mu lu nngai,” nga ai.

SHAKAWN KUNGDAWN 30:2

Nye a Karai Wa Yehowa e, ngai nang hpe jahtau nna, Nang ngai hpe shamai ya nit dai.

GA SHAGAWP 20:30

N hkru ai hpe, anu kayat ai hte yeng seng kau lu ai; Kraw lawang gaw nma hpe dum nga ai.

ESAIA 40:2

Yerusalem mare hpe ngwipyaw ga tsun mu: shi a hpyen majan ngut wa sai, shi yubak raw dat kau ai hkrum sai, yubak mara majaw ari hkrum ai hta, Yehowa lata hta na chyeju htam lahkawng hkam la nu ai, ngu nna shi hpe jahtau tsun mu.

ESAIA 57:18

shi a arawn alai ngai mu se ai; ngai shi hpe shamai shatsai na nngai; ngai shi hpe woi wa nna, shi a matu mung, shi hte rau sharung shayawt ai ni matu mung, ngwipyaw lam bai shatai na nngai.

Daniela 9:24

Tawt lai ai amu hpe shangut na hte, yubak hpe jahtum kau na matu mung, shut hpyit ai a matu gawng malai hkungga nawng ya nna, prat dingsa dinghpring ai hpe jashawn na matu mung, shingran hte myihtoi ga hpe dazik shakap nna, chyoi pra htum ai shara hpe namman chya ya na matu mung, na a amyu hte, na a chyoi pra ai mare ntsa e, nhtoi bat sanit shi, san da nga sai.

ZEHKARIA 13:7

“Nhtu e, rawt u: nye a sagu rem wa hte, nye a kanawn manang wa hpe, hkra u: sagu rem wa hpe anu sat nna, ‘sagu ni bra wa na mara ai; ngai gaw hkalung ni hpe, nye a lata hte maga da na nngai,’ nga nna Zaw nawng zaw wa up ai Yehowa tsun ai.

MAHTE 20:28

kaning rai nme law, dai Masha Kasha wa pyi, shangun ma hpe yam sha na nga du sa ai n rai; shangun ma a amu hpe galaw daw ya na hte, masha law law a matu mara, shi a asak hpe gawng malai jahpu shatai ya na nga nna du sa ai,” ngu mu ai.

ROMA 4:25

dai Madu Yesu gaw, anhte a shut hpyit ai a matu ap kau ai hkrum nna, anhte dinghpring wa lu na matu, hkrung sharawt la ai hkrum nu ai.

1 KORINHTU 15:3

Kaning rai nme law, ngai hkam la sai lam ngai nanhte hpe shawng na lak e ap ya masade ai; dai gaw, Chyum laika ni tsun ai hte maren, Hkristu gaw anhte a yubak a matu mara si hkam sai;

2 KORINHTU 5:21

Shi hta e Karai Kasang a dinghpring ai ni anhte tai wa u ga, shi yubak n chye ai wa hpe, anhte a matu mara yubak shatai wu ai.

EHPESU 5:2

Hkristu gaw nanhte hpe tsawra ai hte, manam pyaw ai bat tai hkra, Karai Kasang kaw lahkan lahka hte shagu hkungga, shi hkum hpe di nna, nanhte a matu mara nawng kau ya ai hte maren, nanhte mung tsawra ai hta a hkawm nga mu.

TARA JAHPRANG 11:2

Nanhte a Karai Kasang Yehowa daru sharin ai lam hpe mung; shi a daru magam, shi a n-gun ja ai lata hte shada nga ai lahpum hpe mung;

HEBRE 10:10

Dai myit ra ai hku a gawp e, Yesu Hkristu a hkumhkrang hpe lang lata sha nawng ya ai a marang e, anhte gaw shachyoi shapra ai hkrum sagaw ai.

HEBRE 10:14

Kaning rai nme law, shi gaw nawng ya ai hkungga langai sha hte, shachyoi shapra hkrum ai ni hpe prat dingsa na matu jahkum shatsup ya wu ai.

HEBRE 5:8

Kasha wa teng nga ai rai timung, nni nkri hkrum ai hte madat mara ai lam sharin la yu ai;

HEBRE 9:28

Hkristu mung, law law ni a yubak gun hpai kau na, lang mi sha nawng ya kau hkrum sai rai nna, hkye hkrang la ai hkrum lu hkra, shi hpe ala nga ai ni a matu, yubak gun lam hte n seng ai sha, lahkawng lang ngu na hta, dan pru na ra ai.

1 PETRU 3:18

Kaning rai nme law, Hkristu mung yubak a majaw kalang sha mi si hkam nu ai; Karai Kasang hpang de anhte hpe woi wa lu hkra, dinghpring ai wa gaw, n ding n hpring ai ni a matu mara si hkam ai hte, dai hkum tsawp nan si mat timung, dai wenyi hta ahkrung nga ai: