ESAIA 53:10 - Jinghpaw Hanson Version Bible

¹⁰ Yehowa chyawm gaw shi hpe ahpye a lam di na ra nna, machyi shangun wu ai; nang gaw, shi a myit masin hpe gawng malai hkungga shatai ngut jang she, shi gaw shi a aru arat hpe mu lu na ra ai; shi a nhtoi ni galu wa nna, Yehowa ra ai hku shi a lata hta awng wa na ra ai:

Jinghpaw Common Language Bible 2009

¹⁰ Dai Madu gaw, “Shi hkrum sha ang ai nni nkri gaw nye a myit ra lam rai nga ai; shi a si hkam ai amu gaw mara raw dat ya na shagu hkungga rai nga ai. Dai rai nna, shi gaw shi a aru arat ni hpe mu na ra ai; shi gaw asak galu ai hte hkrung nga na ra ai, shi hku nna sha, nye a yaw shada ai lam awng dang wa na ra ai.

ESAIA 53:10 ပူးပေါင်းရင်းမြစ်များ

SHAKAWN KUNGDAWN 110:3

Na a hpyen majan shani e, na a amyu masha ni gaw Chyoi pra ai hte mawn sumli let, hkan nang mayu nga ma ai; jahpawt manap jau jau na mari zawn, Na a brang ram ni nang kaw du na mara ai.

SHAKAWN KUNGDAWN 147:11

Yehowa gaw shi hpe hkrit kamyin ai ni hte, Shi a chyeju hpe myit mada ai ni hta, awng nga ai.

SHAKAWN KUNGDAWN 149:4

Kaning rai nme law, Yehowa gaw shi a amyu hta, awng nga ai rai nna, Myit gyip nga ai ni hpe hkye hkrang la ai hte, mawn sumli mu ai.

SHAKAWN KUNGDAWN 21:4

Shi nang kaw na asak galu hpyi nna, Nang shi hpe htani htana nhtoi jaw da nu ai.

SHAKAWN KUNGDAWN 22:30

Shanhte a kashu kasha ni shi hpe daw jau na mara ai: Htawm prat du hkra, dai Madu a lam shanhte shana ya na maru ai.

SHAKAWN KUNGDAWN 22:31

Shanhte pru nna garai n shangai ai amyu hpe shi a dinghpring ai lam hte, “Dai shi galaw nu ai,” nga nna hkai dan na maru ai.

SHAKAWN KUNGDAWN 69:26

Kaning rai nme law, nang anu ai wa hpe, Shanhte htan shachyut ma ai rai nna, Nang galun nna nma shakap ai wa hpe, Shanhte bai shanan ma ai.

SHAKAWN KUNGDAWN 72:17

Shi a mying nsang gaw tutnawng e anga nga lu ga; Jan grin nga ai zawn shi a amying pu nga lu ga: Shi a majaw masha ni a lu nga mu ga; Nlang hte gaw shi hta sharawng awng nga mu ga.

SHAKAWN KUNGDAWN 72:7

Shi a aprat e dingman ai ni awng wa mu ga, Shata mat mat ai du hkra ngwi kaba rai nga lu u ga.

SHAKAWN KUNGDAWN 89:29

Shi a aru arat tutnawng e anga nga na ra ai; Shi a tingnyang lamu a nhtoi zawn, agrin nga na lu ai.

SHAKAWN KUNGDAWN 89:36

Shi a aru arat tutnawng e anga nga nna, Shi a tingnyang dai ajan zawn, nye a man e anga nga ai.

ESAIA 42:1

Ngai shadaw ai nye a shangun ma, ngai lata la ai nye tsawra ai wa hpe, yu mu: nye a Wenyi shi a ntsa e ngai bang da ya nngai; shi gaw amyu baw ni hpe tara dara na ra ai.

ESAIA 46:10

ngai gaw npawt kaw nna jahtum du hkra mung, moi chyaloi nhkoi kaw nna garai n byin ai amu ni hpe mung, shapraw dan nngai: Nye a hpaji daw ai lam grin nga na ra ai; ngai ra mara hpe shatup na nngai;

ESAIA 49:4

Ngai mahtang, “Ngai gaw kaman sha shakut sharang nngai; lila be lagya n-gun dat nngai; rai timung, nye a lam Yehowa man e rai nga nna, ngai hkam la na shabrai gaw, nye a Karai Kasang a lata hta rai nga ai,” nga nna tsun nngai.

ESAIA 53:12

Dai re ai majaw ngai gaw, daru magam rawng ai ni hte rau, shi hpe kamhtaw karan jaw nna, shi gaw n-gun atsam rawng ai ni hte rau, lanep karan na ra ai: kaning rai nme law, shi gaw si du hkra shi a myit masin hpe ru kau nna, tara tawt lai ai ni hta hti lawm nga ai: rai timung shi gaw; masha law law a yubak hpe gun hpai nna, tara tawt lai ai ni a matu mara htinglu htinglai ya ai.

ESAIA 54:3

kaning rai nme law, nang gaw hkra de pai de maden jat wa na rin dai; na a kashu kasha ni gaw maigan amyu ni hpe madu nna, katsi katsang re ai mare ni hta shanu nga na mara ai.

ESAIA 61:9

Shanhte a kashu kasha ni gaw maigan amyu ni hta, shanhte a matu mara ni, amyu baw ni hta, kajai gumhkawng ai hkrum na mara ai; shanhte gaw, Yehowa shaman ai aru arat ni rai nga ma ai, nga nna shanhte hpe mu ai ni nlang, yin la na mara ai.

ESAIA 66:22

“Kaning rai nme law, ngai hpan da ai sumsing lamu ningnan hte, ginding aga ningnan gaw, nye a man e grin nga ai zawn, nanhte a aru arat hte nanhte a amying shingteng mung grin nga na ra ai,” nga nna Yehowa tsun ai.

ESAIA 9:7

Madu gaw Yaku hpang de mungga shangun dat nna, dai gaw Israela ntsa e di hkrat nga ai.

YEREMIA 32:41

Gaja wa, ngamu ngamai ai hku shanhte hpe galaw na matu, ngai shanhte a lam kabu nga nna, ngai gaw nye a myit mahkra hte kraw lawang mahkra lawm let, shanhte hpe ndai mung hta teng teng hkai da na nngai.

EZEKELA 33:11

Shanhte hpe htawn tsun mu, Madu Yehowa ning nga ai: ‘Ngai hkrung nga ai hte maren, tara n lang ai wa a si na lam hta ngai sharawng awng nga ai, n rai; tara n lang ai wa gaw, shi a arawn alai hpe kau da nna, hkrung nga na hpe, ngai sharawng awng nga nngai: kayin wa marit, nanhte a n hkru ai arawn alai hta na kayin wa marit; Israela dap e, hpa majaw si mayu myit ta?”

EZEKELA 37:25

Nye a shangun ma Yaku hpe ngai jaw da nna, nanhte a nji nwa ni shanu nga yu ai mungdan hta, shanhte shanu nga na mara ai: shanhte mung, kasha ni hte kashu ni mung, shu mashi shu masha prat dingsa du hkra, dai de shanu nga nna, nye a shangun ma Dawi, shanhte a du, prat dingsa tai na ra ai.

Daniela 9:24

Tawt lai ai amu hpe shangut na hte, yubak hpe jahtum kau na matu mung, shut hpyit ai a matu gawng malai hkungga nawng ya nna, prat dingsa dinghpring ai hpe jashawn na matu mung, shingran hte myihtoi ga hpe dazik shakap nna, chyoi pra htum ai shara hpe namman chya ya na matu mung, na a amyu hte, na a chyoi pra ai mare ntsa e, nhtoi bat sanit shi, san da nga sai.

MIHKA 7:18

Nang hte bung ai Karai Kasang kadai rai nga a ta? shi gaw, naw ngam nga ai, shi a sali wunli masha ni a yubak hpe raw dat kau ya nna, shanhte a tara tawt lai ai hpe, shalai kau dat nga ai: shi gaw tsawra matsan dum ai lam hta sharawng awng nga ai majaw, tutnawng pawt nga ai n rai.

ZEHPANI 3:17

Na a Karai Kasang Yehowa gaw, na a ka-ang e rai nga ai; shi gaw daru magam rawng nna, hkye hkrang la na ra ai: na a lam shi kabu gara nna, sharawng awng na ra ai; shi gaw tsawra nna, atsin sha rai nga ai: mahkawn mangoi let, shi nang hta myit kabu nga na ra ai.

ZEHKARIA 13:7

“Nhtu e, rawt u: nye a sagu rem wa hte, nye a kanawn manang wa hpe, hkra u: sagu rem wa hpe anu sat nna, ‘sagu ni bra wa na mara ai; ngai gaw hkalung ni hpe, nye a lata hte maga da na nngai,’ nga nna Zaw nawng zaw wa up ai Yehowa tsun ai.

BU HKAWM 7:15

wan nat hkungga matu usu uram langai mi, sagu la langai mi, ladu hkrum ai sagu la kasha langai mi:

MAHTE 17:5

Dai ga shi naw tsun nga yang, yu mu, htoi tu ai sumwi gaw shanhte hpe ka-up mu ai hte dai sumwi hta na nsen pru nna, “Ndai wa gaw ngai sharawng awng ai, ngai tsawra ai ngai Sha rai nga ai: shi a ga madat mara mu,” nga ai.

MAHTE 3:17

dai hta n-ga, “Ndai wa gaw ngai sharawng awng nga ai, ngai tsawra ai Kasha rai nga li ai,” nga nna lamu de na nsen ngoi pru wa ai.

LUKA 1:33

shi gaw Yaku a nta ntsa e, htani htana e a up nga na ra ai: shi a mungdan mung htum ngu ai nga na n rai,” ngu nna shi hpe tsun wu ai.

YAWHAN 1:29

Hpang shani e Yawhan gaw, shi hpang de Yesu sa wa ai hpe, hkap mu wu yang, “Mungkan ga a yubak gun la kau ya ai, Karai Kasang a Sagu Kasha hpe yu yu mu!

YAWHAN 12:24

Nanhte hpe ngai gaja wa teng teng tsun made ai gaw, Mam nhkyep gaw ga hta hkrat nna, n hten mat yang gaw, langai sha a rai nga ai: hten mat yang she, asi law law si wa ai.

YAWHAN 13:32

Karai Kasang gaw shi hkum nan Masha Kasha a hpung shingkang shapraw ya na wu ai: rai sa, gade n na yang shi hpe hpung shingkang shapraw ya na ra ai.

ROMA 6:9

Hkristu hte rau si hkam ga yang gaw, anhte shi hte rau mung hkrung nga lu na ga ai, ngu nna anhte kamsham nga ga ai.

ROMA 8:32

Shi kasha lala hpe lahpawt lama n di ai sha, anhte mahkra a matu mara shi hpe ap ya ai wa gaw, shi hte nawng yawng mayawng anhte hpe jaw na, n rai ni?

ROMA 8:8

hkum shan myit hkan nang ai ni mung, Karai Kasang a myit awng shara n tai lu ma ai.

2 KORINHTU 5:21

Shi hta e Karai Kasang a dinghpring ai ni anhte tai wa u ga, shi yubak n chye ai wa hpe, anhte a matu mara yubak shatai wu ai.

GALATI 3:13

Hpun hta e jen da hkrum ai wa kadai rai timung dagam dala hkrum ai wa rai nga ai, nga nna ka da nga ai hte maren, Hkristu gaw anhte a matu mara dagam dala hkrum ai wa tai wa ai majaw jep ai tara a dagam dala kaw na anhte hpe hkrang shaw la mi ai:

EHPESU 1:5

Tsawra htum ai Kasha a marang e, anhte hpe jaw dat mi ai hpung shingkang rawng ai chyeju a lam hpe shakawn kungdawn u ga,

EHPESU 1:9

dai chyeju gaw hpaji byeng-ya hte kunghpan ai lam nlang hte hte, anhte hta e law htam wa sai:

EHPESU 5:2

Hkristu gaw nanhte hpe tsawra ai hte, manam pyaw ai bat tai hkra, Karai Kasang kaw lahkan lahka hte shagu hkungga, shi hkum hpe di nna, nanhte a matu mara nawng kau ya ai hte maren, nanhte mung tsawra ai hta a hkawm nga mu.

2 HTESALONI 1:11

Dai re ai majaw, anhte a Karai Kasang hte Madu Yesu Hkristu a chyeju marang e, anhte a Madu Yesu a mying nsang gaw nanhte hta e shagrau ai hkrum lu na hte, nanhte mung shi hta e shagrau ai hkrum lu hkra,

HEBRE 2:13

“Shi hta ngai shamyet shanat nga na nngai,” nga nna mung, “Yu u, ngai hte Karai Kasang ngai hpe jaw ya ai kashu kasha ni nga nga ga ai,” nga nna mung, shi tsun nga ai.

HEBRE 7:27

shi gaw hkinjawng agyi gale ni zawn, shawng e tinang yubak a matu, dai hpang e, mung masha ni a yubak a matu, shani shagu hkungga nawng ya ra ai n rai; shi hkum nan hpe nawng ya kau ai shaloi jang, dai lam hpe lang lata sha e shangut kau nu ai.

HEBRE 9:14

htani htana Wenyi hte Karai Kasang kaw, shi hkum dai hpe ra n rawng ai sha nawng ya ai Hkristu a asai gaw, ahkrung nga ai Karai Kasang hpe daw jau lu hkra, nanhte a myit masin hpe si ging ai arawn alai hta na, grau nna shachyoi shapra ya lu ai, n rai ni?

1 PETRU 2:24

Anhte gaw yubak mara hta si mat wa nga ga ai rai nna, dinghpring ai hta e hkrung nga lu u ga, shi gaw, shi hkum hta nan, dai hpun ntsa e, anhte a yubak mara hpe gun kau nu ai: shi a nma a gawp hte e, anhte shamai shatsai ai hkrum ga ai.

SHINGRAN 1:18

ahkrung nga ai wa mung, ngai rai nga nngai; ngai si ni ai rai timung, yu u, htani htana prat dingsa e ngai ahkrung nga nngai: si hkrung si htan mungdan a sumsaw hte, katsan ga na sumsaw ngai lang nngai.