ESAIA 52:8 - Jinghpaw Hanson Version Bible

⁸ Na a sin langa ni a nsen madat u: shanhte nsen sharawt nna, kabu gara ai hte rau garu ma ai: kaning rai nme law, Yehowa gaw Ziun mare de nhtang wa ai hpe, tinang nan myi chyaw mu lu na ma ai.

Jinghpaw Common Language Bible 2009

⁸ Mare sin langa ni jahtau nga ma ai, kabu gara ai hte rau sha jahtau nga ma ai. Shanhte gaw dai Madu Ziun de nhtang wa ai hpe shanhte a myi hte chyaw mu lu ma ai.

ESAIA 52:8 ပူးပေါင်းရင်းမြစ်များ

SHAKAWN KUNGDAWN 102:22

Yehowa a amying hpe, Ziun hta e, Yerusalem mare e shi hpe shakawn ai gaw, masha ni gawn dan na mara ai.

Shawlumon A Mahkawn Ga 3:3

Mare sin ai ni ngai hpe mu hkrup nna, ngai gaw, Ataw, nye myit masin tsawra ai wa hpe, n mu ya myit ni? Ngu nna san nngai.

Shawlumon A Mahkawn Ga 5:7

Mare sin hkawm ai ni gaw ngai hpe mu hkrup nna, Ngai hpe kayat jahpye mi ai: Bunghku sin ai ni gaw, nye a myi man magap kashun la ya ma ai.

ESAIA 24:14

Shanhte gaw tinang nsen sharawt let, nlaw jahtau na mara ai; Yehowa a daru magam majaw nammukdara kaw nna pyi, marawn jahtau na mara ai.

ESAIA 26:1

Dai shani e, ndai mahkawn mangoi ga, Yuda mung hta e mahkawn mangoi na ra ai: Anhte gaw ngang ai mare lu ga ai; shi gaw bunghku hte langchyi a malai, hkye hkrang la ai chyeju san da wu ai.

ESAIA 27:2

Dai shani e, tsabyi sun hpe lakap nna mahkawn mangoi mu.

ESAIA 30:26

Dai hta n-ga, Yehowa gaw, shi amyu a nma hpe kayawp nna, shanhte a hkala nba hpe shamai shatsai ai shani e, shata a nhtoi gaw jan a nhtoi zawn, jan a nhtoi gaw, myi na hta, htam sanit htoi na ra ai.

ESAIA 35:10

Yehowa majaw hkye hkrang la hkrum ai ni gaw nhtang wa nna, mahkawn mangoi let Ziun bum de du na mara ai: shanhte a baw ntsa e htani htana kabu gara gup na ra ai: shanhte awng sharawng let kabu gara nga nna, yawn hkyen ai hte madai ai gaw sim mat na ra ai.

ESAIA 40:9

Ziun bum de kabu gara shiga htawn tsun ai wa e, tsaw ai bum de lung u; Yerusalem mare de kabu gara shiga htawn tsun ai wa e, na a nsen hpe tsam mari sharawt u; dai hpe sharawt u, hkum hkrit et; “Nanhte a Karai Kasang hpe mada yu mu,” ngu nna Yuda mare ni hpe tsun u.

ESAIA 48:20

Babelon mare na pru wa mu, Hkalde a masha ni kaw na hprawng wa mu: mahkawn mangoi ai nsen hte, Yehowa gaw shi a shangun ma Yaku hpe hkye hkrang la nu ai, nga nna lamu ga htum hkra tsun shabra mu.

ESAIA 56:10

Shi a sin langa ni gaw, myi kyaw nga ma ai: shanhte yawng du ladi rai nga ma ai: shanhte nlang ma-a nna, n wau lu ai gwi rai nga ma ai: yup mang mu let hpum yup nga na, grau ra nga ma ai.

ESAIA 58:1

Aja awa jahtau u; atsin sha hkum nga et; pahtau zawn na a nsen sharawt nna, nye a amyu hpe shanhte a shut hpyit ai lam, Yaku a nta na ni hpe tinang a yubak lam, shapraw dan mu.

ESAIA 62:6

Yerusalem e, ngai gaw na a bunghku ntsa e sin langa ni hpe tawn da nngai; shanhte gaw shani shana tutnawng atsin sha nga na n rai; Yehowa a lam shadum jahprang ai ni e, atsin sha hkum nga myit:

YEREMIA 31:12

Shing rai shanhte gaw, Ziun bum pungding e sa mahkawn mangoi nna, Yehowa chyeju ngu ai, nai man, tsabyi jahku, sau, sagu kasha hte dumsu kasha lu la na matu zuphpawng na mara ai: shanhte a myit masin gaw, ntsin jaw ai sun zawn rai nga nna, shanhte htawm hpang de hpa yawn hkyen hkrum na n rai.

YEREMIA 32:39

shanhte hte shanhte a kashu kasha ni ngamu ngamai na matu, ngai hpe tutnawng hkrit hkungga nga lu hkra, ngai shanhte hpe myit langai sha hte lam langai sha jaw da na nngai:

YEREMIA 33:7

Yuda amyu hte Israela amyu hta na bawng dung hkrum ai ni hta na bawng dung hkrum ai ni hpe, ngai bai woi wa nna, shawoi na hte maren dè da na nngai.

YEREMIA 6:17

Bai, nanhte a ntsa e sin langa ni ngai tawn da nna, Pahtau dum ai nsen hpe madat mara mu, nga nna tsun yang, shanhte gaw, Anhte n madat na ga ai, nga nna htan ma ai.

EZEKELA 33:7

Dai hte maren, masha kasha e, Israela dap ntsa e sin ai wa tai na matu, ngai nang hpe san da ni ai; dai re ai majaw nye a n-gup ga madat nna, nye a ga hte shanhte hpe shadum jahprang u.

ZEHPANI 3:9

“Dai hpang e, amyu baw ni mahkra gaw, Yehowa amying hpe shaga nna, myit langai sha hte shi hpe daw jau lu hkra, ngai shanhte hpe san seng ai n-gup jaw na nngai.

ZEHKARIA 12:8

Dai shani e, Yehowa gaw, Yerusalem masha ni hpe makawp maga na ra ai; shanhte hta n-gun n ja ai wa gaw, dai shaloi e Dawi zawn tai na ra ai; Dawi a dap gaw, Karai Kasang zawn, rai sa, shanhte a shawng e langang sa ai Yehowa a lamu kasa zawn, tai na ra ai.

KASA 2:1

Ya Pentekoti shani du jang, shanhte nlang shara sha hta rau hpawng nga ma ai.

KASA 4:32

Dai kamsham ai shawa hpung ting gaw myit mang langai sha rai nga ma ai: kadai mung tinang lu ai arai hpe nye a, n nga ai sha, yawng mayawng hpe jawm lang ma ai.

1 KORINHTU 1:10

Hpunau ni e, nanhte nlang hte gaw ga langai sha tsun nga nna, nanhte hta e hka wa bra wa na lam n nga ai sha, myit mang langai sha hte mung sumtu langai sha hta e nanhte hkum tsup lu myit ga, anhte a Madu Yesu Hkristu a amying ningsang a marang e, ngai nanhte hpe shadut jahkat dat made ai.

1 KORINHTU 13:12

Ya gaw gumwai hku rai nga ai jamna shingna sha anhte naw mu nga ga ai; rai timung, dai shaloi e myi man yawng let mu na ra ga ai: ya gaw daw chyen mi sha ngai chye nngai; dai shaloi e, Karai Kasang ngai hpe chye chyang ai zawn, ngai mung chye na ring ngai.

HEBRE 13:17

Nanhte a lam woi ningshawng ni a ga madat mara nna, shanhte a npu e taw nga mu: kaning rai nme law, shanhte gaw jahpan dan na ni rai ma ai rai nna, nanhte a myit masin a matu mara a maja nga ma ai: jahpan dan ai shaloi e, nanhte a matu akyu n shabyin lu ai yawn madai ai hte n rai, kabu gara ai myit hte dan lu mu ga, shanhte a npu e taw nga mu.

SHINGRAN 18:20

Sumsing lamu hte chyoi pra ai ni, kasa ni hte myihtoi ni e, dai mare a majaw kabu gara nga mu: kaning rai nme law, nanhte a matu matai htang na lam, Karai Kasang gaw shi a ntsa e dawdan nu ai, nga nna tsun ai,” ngai na nngai.

SHINGRAN 19:4

Shaloi dai salang hkun mali hte dai dusat amyu mali hte gaw, dingnyawm dagup nna, tingnyang hta dung nga ai Karai Kasang hpe nawku let, “Amen, Haleluya,” nga ma ai.