ESAIA 52:7 - Jinghpaw Hanson Version Bible

⁷ Shiga kaja gun nna, ngwipyaw ai lam shana, kaja ai shiga kajai gumhkawng ai hte, hkye hkrang la ai lam shana ya let, “Na a Karai Kasang up nga ai,” nga nna Ziun hpe tsun shana ai wa a lagaw gaw, bum lang ntsa e gade tsawm htap nga a hka!

Jinghpaw Common Language Bible 2009

⁷ Bum lang ni hpe lai di nna kabu gara shiga, ngwi pyaw sim sa lam a shiga la sa ya ai wa hpe mu lu ai gaw kade sha mauhpa rai nga a hka! Shi gaw awng padang hpe ndau shabra nna Ziun hpe, “Na a Karai Kasang gaw hkawhkam rai nga ai!,” ngu nna tsun ai.

ESAIA 52:7 ပူးပေါင်းရင်းမြစ်များ

SHAKAWN KUNGDAWN 59:13

N-yun bu ai hte shanhte hpe jahtum kau mu, Shanhte n nga lu mu ga, jahtum kau mu. Yaku hta mung, lamu ga htum hkra mung, Karai Kasang up nga ai, shanhte hpe shachye mu. [Selah.]

SHAKAWN KUNGDAWN 68:11

Dai Madu gaw mungga jaw dat mi ai; Shi ga htawn tsun ai num ni, hpung kaba rai nga ma ai.

SHAKAWN KUNGDAWN 93:1

Yehowa gaw Hkawhkam rai nga ai; Hpung shingkang hpe shi bu hpun nga ai; Yehowa gaw n-gun hte mawn sumli nga ai, Dai hpe shingkyit zawn kyit da nu ai: Gaja wa, mungkan ga hpe shi tawn da nu ai: Dai gaw shamu shamawt nga ai n rai.

SHAKAWN KUNGDAWN 96:10

“Yehowa gaw Hkawhkam rai nga ai,” Ngu nna masha amyu ni hpe tsun dan mu; Gaja wa, mungkan ga hpe shi tawn da nna, Dai gaw shamu shamawt nga ai n rai; Amyu baw ni hpe malang ai hku, shi dawdan na ra ai.

SHAKAWN KUNGDAWN 97:1

Yehowa gaw Hkawhkam rai nga ai; Ginding aga kabu jahtau nga u ga; Zunlawng law law ni mung, kabu gara nga mu ga.

SHAKAWN KUNGDAWN 98:2

Yehowa gaw shi a hkye hkrang la ai lam hpaw ya wu ai; Shi gaw shi a dinghpring ai lam, masha amyu ni a man e madun dan mu ai.

SHAKAWN KUNGDAWN 98:3

Shi a chyeju hte sadi sahka, Israela a nta a matu shi dum nu ai: Lamu ga makau shagu hkan e mung, Anhte a Karai Kasang a hkye hkrang la ai lam mu lu masai.

SHAKAWN KUNGDAWN 99:1

Yehowa gaw Hkawhkam rai nga ai; Amyu baw ni hkrit gari nga mu ga: Hkerubim ntsa e shi adung nga ai, Ginding aga awam nga u ga.

Shawlumon A Mahkawn Ga 2:8

Ngai tsawra wa a nsen law! Yu u, shi du ra ai: Bum ni hpe shi gumtawng lai nna, Kawng ni hpe shingtawt lai nga ai.

ESAIA 24:23

Dai shaloi e shata gaw mak mat nna, ajan gaw kaya kahpa hkrum na ra ai; kaning rai nme law, Zaw nawng zaw wa up ai Yehowa gaw Ziun bum ntsa Yerusalem mare hta up nga nna, shi a salang ni a man e arawng sadang dan hkung nga na ra ai.

ESAIA 33:22

Kaning rai nme law, Yehowa gaw anhte a tara agyi rai nga ai; Yehowa gaw anhte hpe tara jaw ai wa rai nga ai; shi anhte a hkawhkam rai nga ai: shi anhte hpe hkye hkrang la na ra ai.

ESAIA 40:9

Ziun bum de kabu gara shiga htawn tsun ai wa e, tsaw ai bum de lung u; Yerusalem mare de kabu gara shiga htawn tsun ai wa e, na a nsen hpe tsam mari sharawt u; dai hpe sharawt u, hkum hkrit et; “Nanhte a Karai Kasang hpe mada yu mu,” ngu nna Yuda mare ni hpe tsun u.

ESAIA 41:27

Yu mu, yu mu, dai lam byin na ra ai, ngu nna Ziun hpe shawng tsun ai wa ngai rai nga nngai; Yerusalem mare hpe kabu gara shiga htawn tsun ai wa ngai shapraw nngai.

ESAIA 42:11

Nam mali hte de a mare ni, Kedara masha ni shanu ai kahtawng ni, nsen sharawt mu ga; lung rawk e shanu ai ni mahkawn mangoi mu ga, bum pungding kaw nna garu mu ga.

MIHKA 4:7

lagaw hten ai wa hpe, naw ngam ai amyu chyen mi, tsan tsan de shaden kau hkrum ai ni hpe, n-gun ja ai amyu mi, ngai shatai nna, Yehowa gaw Ziun bum ntsa e, ya kaw nna prat dingsa du hkra, shanhte hpe up na ra ai.

NAHUM 1:15

Mai kaja ai shiga hte, ngwipyaw lam tsun shana ya ai wa a lagaw hpe, bum lang ntsa e mada yu mu! Yuda e, na a poi ni hpe galaw u; na ndat ga rap raw u: n hkru ai wa gaw htawm hpang e nang kaw ga sa wa lu na n rai: shi gaw nhtum nni shamyit kau ai hkrum wa sai.

NAHUM 2:1

Sumdu ngu ai wa gaw, nang hpang de du ra ai; hpyen dap hpe shangang u; nmaw lam hpe sin u, nshang shingkyit kyit u; n-gun da ting dakan nga u.

ZEHKARIA 9:9

Ziun shayi sha e, nachying kabu gara nga u; Yerusalem shayi sha e, garu jahtau u: yu u, na a hkawhkam wa nang hpang de du ra ai; shi gaw dinghpring nga nna, hkye hkrang la ai lam shapraw nu ai: shi gaw sumnung ai myit rawng nna, lawze a ntsa e, rai sa, lawze kanu a kasha ntsa e, jawn nga ai.

MAHTE 25:34

Shaloi e dai Hkawhkam wa gaw shi a hkra maga de nga ai ni hpe, “Nye a Wa kaw na shaman ya lu la ai ni e, sa marit; ginding aga nnan lat kaw nna nanhte a matu lajang tawn da ai mungdan ngu ai sali wunli hpe hkam la mu:

MAHTE 28:18

Shing rai Yesu shanhte hpang de sit sa wa nna, Sumsing lamu hta e mung, ginding aga hta e mung, up hkang na ahkang nlang hte, ngai hpe ap ya ni ai.

MARKU 13:10

Dai kabu gara shiga hpe, masha amyu baw shagu hpe, shawng hkaw dan lu na, rai nga ai.

MARKU 16:15

Bai shi shanhte hpe, “Nanhte mungkan ting chyam hkra hkawm sa wa nna, shinggyim masha amyu baw shagu hpe, dai kabu gara shiga hpe hkaw dan mu.

LUKA 2:10

Dai majaw lamu kasa gaw, “Hkum hkrit myit; yu mu, masha nlang a matu nachying kabu gara mai ai shiga, ngai nanhte kaw gun sa ring ngai;

LUKA 24:47

Yerusalem mare kaw nna, masha amyu baw shagu hpe yubak raw dat kau ya lu ai myit malai lu na lam hpe, shi a amying nsang hte hkaw tsun lu na mung, ning nga nna ka da nga ai.

EHPESU 6:15

ngwipyaw shabyin ai kabu gara shiga hkaw tsun na jin jin rai nga u ga, lagaw hta kyepdin din let, lahpran tsap nga mu.

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.

SHINGRAN 14:6

Bai, dinghta ga ntsa e nga ai ni hte, amyu baw shagu, baw lakung shagu, ga amyu shagu hte masha mungdan shagu hpe, htani htana a kabu gara shiga hkaw dan lu ai lamu kasa kaga gaw, sumsing lamu hpatwat e pyen nga ai hpe, ngai mu nngai: