ESAIA 52:6 - Jinghpaw Hanson Version Bible

⁶ Nye a amyu mahtang, nye a amying nsang hpe chye na ra ai: ga tsun ai wa gaw ngai nan rai nga nngai, dai shani e jang, shanhte chye lu na mara ai: yu u, ngai nang e rai nga nngai,” nga nna Yehowa tsun nga ai.

Jinghpaw Common Language Bible 2009

⁶ Aten du ai shaloi, ngai gaw nanhte hpe ga shaga ai Karai Kasang rai nga nngai hpe nanhte yin la na rai myit dai,” ngu nna tsun ai.

ESAIA 52:6 ပူးပေါင်းရင်းမြစ်များ

SHAKAWN KUNGDAWN 48:10

Karai Kasang e, na a amying nsang grau nga ai hte maren, Nang hpe shakawn ai gaw ga ting e chyam nga ai: Na a hkra lata dingman ai hte hpring nga ai.

PRU MAT 3:13

Bai Mawshe mung, “Yu u, Israela a kashu kasha ni hpang de ngai sa du nna, Nanhte a nji nwoi ni a Karai Kasang gaw ngai hpe nanhte hpang de shangun dat nngai,” ngu mawe yang, shanhte mung, “Dai Karai Wa a amying ningsang kaning nga lu ta?” nga nna san dam yang, “Ngai kaning ngu bai htan na rai ta?” ngu nna Karai Kasan hpe san wu ai.

PRU MAT 33:19

Yehowa gaw, Nye a mai kaja ai hpung mahkra na a man e ngai shalai dat nna, Yehowa a mying hpe na man e ngai shapraw na we ai: chyeju madun mayu ai wa hpe ngai chyeju madun na we ai; matsan dum myit rawng ai wa hpe ngai matsan dum na we ai.

PRU MAT 6:3

ngai gaw Abraham, Isak, Yaku hte kaw Chyahtum chyalai n-gun rawng ai, ngu ai Karai Kasang mying hte dan pru nngai, rai timung, nye a mying ningsang Yehowa re ai gaw shanhte n chye ma ai.

ESAIA 40:9

Ziun bum de kabu gara shiga htawn tsun ai wa e, tsaw ai bum de lung u; Yerusalem mare de kabu gara shiga htawn tsun ai wa e, na a nsen hpe tsam mari sharawt u; dai hpe sharawt u, hkum hkrit et; “Nanhte a Karai Kasang hpe mada yu mu,” ngu nna Yuda mare ni hpe tsun u.

ESAIA 42:9

Yu mu, shawng hkaw ai lam ni byin wa sai; lam ningnan ni hpe ya ngai tsun nngai; garai n byin pru yang, ngai nanhte hpe tsun shana ya ni ai.

ESAIA 49:23

Hkawhkam ni gaw na a kawa malai, hkawhkam jan ni na a chyu jaw kanu malai tai na mara ai: shanhte a man e gum dagup nna, na a lagaw na ga nhpu mata na mara ai: ngai gaw Yehowa rai nga nngai, nang chye na rin dai; ngai hpe ala nga ai ni kaya kahpa hkrum na n rai.

ESAIA 60:16

Nang gaw maigan amyu ni a chyu chyu na rin dai; hkawhkam ni a madoi chyu hpang hpe chyu na rin dai; shing rai, ngai Yehowa gaw nang hpe Hkye hkrang la ai Madu, Yaku a Daru Magam rawng ai wa gaw, nang hpe Mawai la ai Madu rai nga ai hpe, nang chye lu na rin dai.

YEREMIA 31:34

dai ni gaw, Yehowa hpe chye u, nga nna langai hte langai tinang a htingbu wa hte, tinang hpunau wa hpe, sharin achyin ya nga na ma ai n rai; kaning rai nme law, kaji htum ai wa kaw nna, shanhte a kaba htum ai wa du hkra, nlang hte gaw ngai hpe chye ma na mara ai, nga nna Yehowa tsun ai: shanhte mara hpe ngai dat kau nna, shanhte a yubak hpe bai dum ya na ni ai, n rai, nga nna Yehowa tsun ai.

EZEKELA 20:44

Israela dap e, nanhte a n hkru ai arawn alai hte, nanhte a n seng ai amu hte maren, ngai nanhte hpe n dawdan ninglen, nye a amying ningsan tau let, nanhte hpe dawdan yang, ngai Yehowa rai nga ai hpe, nanhte chye lu na marin dai,” nga nna Madu Yehowa tsun ai.

BU HKAWM 23:19

Karai Kasang masu na gaw, shi masha n rai, Myit malai lu na gaw masha kasha n rai: Tsun kau ngut sayang, n shagrin ai nga na a ni? Ndat da ngut sayang, n shatup ai nga na a ni?