ESAIA 52:5 - Jinghpaw Hanson Version Bible

⁵ Dai rai nna Yehowa ning nga ai: “Nye amyu masha ni hpe mayu la dik e rim mat wa nna, shanhte a ntsa e up ai ni gaw shabam let, nye a mying nsang hpe tutnawng e jahpoi ma ai majaw, ya ngai kaning mai di na rai ta?

Jinghpaw Common Language Bible 2009

⁵ Ya Babelon mung hta mung dai zawn byin lai wa nga sai: nanhte gaw bawng masha ni rai nga myit dai, nanhte a matu manu jahpu n jaw ma ai. Nanhte hpe up hkang ai ni gaw shakawng shakat grang dakat ai hte ngai hpe tut nawng n kaw n law ai lam madun ma ai.

ESAIA 52:5 ပူးပေါင်းရင်းမြစ်များ

2 SAMUELA 12:14

Rai timung, nang ning rai shut ai rai nna, Yehowa a hpyen ni a man e jahpoi shara kaba shatai ai majaw, ya shangai na kasha gaw teng teng si lu na rai nga ai,” ngu wu ai.

SHAKAWN KUNGDAWN 44:12

Na a amyu hpe jahpu n hpyi ai sha nang dut kau nna, De a manu hte na a sutgan jat lit dai n rai.

SHAKAWN KUNGDAWN 44:16

Ngai hkrum ai shatan nhkan shani shagu ngai hte nga nga nna, Nye myi man a kaya kahpa ngai hpe htinggrum da nga nngai.

SHAKAWN KUNGDAWN 74:10

Karai Kasang e, gaten du hkra, hpyen ni shatan lu na rai nga ma ta? Gumlau ni gaw na a amying nsang hpe, tut tut asawng nga lu na rai ma ni?

SHAKAWN KUNGDAWN 74:18

Yehowa e, da ndai dum u: gumlau ni shatan nna, mana ai amyu gaw na a amying nsang hpe roi ma ai.

PRU MAT 3:7

Bai Yehowa gaw, “Egutu mung e nye a amyu hkrum ai ru tsang lam hpe ngai azin ayang mu se ai rai nna, shanhte a hpareng ni a majaw hkrap sharung ai nsen hpe ngai na ya mase ai: shanhte hkrum ai nni nkri hpe ngai chye nga nngai:

ESAIA 22:16

“Nang gaw nang e hpa galaw n ta? nang e, lup tawk da na lam, nang hpe kadai ahkang jaw a ta? ataw, tsaw ai shara e lupwa, tinang moi mang a matu, lunghkrung hta shanu shara, tawk da a hka!

ESAIA 37:28

Rai timung, nang dung nga yang, pru wa shang wa yang, ngai hpe n-yun bu ai lam ngai chye nga nngai.

ESAIA 37:6

Esaia mung, “Nanhte a madu du hpe ning ngu tsun mu; Yehowa ning nga ai: Nang na ai, Asuri hkawhkam a shangun ma ni ngai hpe shatan nhkan ai ga majaw, hkum hkrit et;

ESAIA 47:6

Ngai gaw nye a amyu hpe pawt kahtet nna, nye a sali wunli hpe jahpoi kau ai hte, na a lata hta shanhte hpe ap kau nngai: nang chyawm gaw shanhte hpe matsan n dum nna, prat kaba ni a ntsa e pyi, li ai kandang mara da nu ai.

ESAIA 51:20

Na a shadang sha ni gaw htan mat masai; shanhte gaw mahkam hta lu ai shan zawn, mare lam mashe shagu hta taw nga ma ai: shanhte gaw Yehowa a n-yun bu ai, na a Karai Kasang a daru jet ai hte hkru nga ma ai.

ESAIA 51:23

nang gaw na a shingma hpe lam lai ai ni a matu hkrun lam zawn shatai nna, Anhte lai lu hkra, ga e gum-yan taw nga u,” nga nna nang hpe zingri zingrat let, tsun ai ni a lata hta, ndai gawm hpe ngai tawn da na nngai.

ESAIA 52:3

Kaning rai nme law, Yehowa ning nga ai: “Nanhte gaw jahpu n hpyi ai, dut kau hkrum ai rai nna, gumhpraw n hkrat ai, hkye hkrang la ai hkrum na marin dai.”

YEREMIA 50:17

Israela gaw bra mat ai sagu rai nga ai, “hkanghkyi ni gaw, shi hpe jahtaw kau mu ai; moi shawng e Asuri hkawhkam shi hpe kawa sha nu ai; ya htawm hpang e Babelon hkawhkam Nebuhkadneza gaw, shi a nrut nra ni hpe daw kau nu ai.

SHARUNG SHAYAWT 1:21

Ngai madai ai hpe shanhte na timung ngai hpe shalan shabran ai wa n nga ai; Ngai hkrum ai ruyak hpe hpyen ni yawng na lu nna, ndai lam nang shabyin ai majaw, shanhte kabu nga ma ai. Nang ndat da ai nhtoi nang shadu nna, shanhte gaw ngai zawn tai mu ga.

SHARUNG SHAYAWT 2:3

Shi pawt bu nna, Israela nrung yawng hpe daw kau nu ai; Hpyen ni a man e shi a hkra lata dawm la nu ai: Shara shagu hkru ai sharaw zawn, Yaku hpe hkru kau nu ai.

EZEKELA 20:14

Rai timung, shanhte hpe shaw wa ai chyeju hpe mu ai maigan amyu ni a man e, nye a amying ningsang jahpoi kau ai n hkrum hkra, de a matu ngai shakut sharang nngai.

EZEKELA 20:9

Rai timung, shanhte nga ai maigan amyu ni a man e, nye mying ningsang jahpoi kau ai n hkrum hkra, de a matu ngai shakut sharang nna, maigan amyu ni a man e, shanhte hpe nye hkum shadan dan let, shanhte hpe Egutu mung na shaw woi wa nngai.”

ZEHPANI 1:10

Dai shani hta e, nga chyinghka lam hku e hkrap shabam ai nsen, mare wang lahkawng ngu na daw hta na, marawn jahtau ai hte, kawng ni kaw na sharut gyi ai nsen, pru na ra ai, nga nna Yehowa tsun ai.

ROMA 2:24

Kaning rai nme law, Karai Kasang a amying ningsang gaw, nanhte a majaw maigan amyu ni hta shatan nhkan hkrum nga ai, nga nna laika hta ka da ai hte maren rai nga ai.

TARA AGYI 18:3

Mihka nta e nga nga ma yang, dai Lewi shabrang wa nsen shanhte chye nga ma ai rai nna, shi hpang de shang nhtawm, “Nang ndai de kaning rai du n ta? ndai yang hpa galaw nga n ta? nang e hpa rai nga n ta?” ngu nna san mu yang,