ESAIA 52:2 - Jinghpaw Hanson Version Bible

² Yerusalem e, nang hta kap ai ga nhpu hpe ahpu kau u; rawt u, na a tingnyang hta dung u: bawng dung ai Ziun shayi sha e, na a du na sumri raw kau u.

Jinghpaw Common Language Bible 2009

² Yerusalem e, nang nan ndut ndang ashun nga u! Ga nhpu kaw na rawt nhtawm na a tingnyang hta dung u! Ziun a bawng dung amyu masha ni e, nang hpe gyit ai sumri ni hpe raw kau u!

ESAIA 52:2 ပူးပေါင်းရင်းမြစ်များ

ESAIA 10:27

Dai shani e, shi nang hpe gun shangun ai lit, na a lahpa hta na, nang hpe hpai shangun ai kandang, na a du hta na, shayu kau na ra ai: du bau ai majaw, kandang agrawp mat nga ai.

ESAIA 14:25

ngai gaw nye a mungdan hta Asuri wa hpe agrawp kau nna, nye a bum ni a ntsa e shi hpe kabye kau na we ai: shaloi jang, shi shanhte hpe hpai shangun ai kandang shanhte kaw na, shanhte hpe gun hpai shangun ai lit shanhte a lahpa hta na, yu kau na ra ai, nga nna Zaw nawng zaw wa up ai Yehowa dagam nga ai.

ESAIA 29:4

Nang gaw shagrit kau ai hkrum nna, ga e taw let ga tsun ai hte, ga nhpu kaw nna ga gasa tsun na rin dai; na a nsen gaw, nat shung ai wa a nsen zawn, ga de na pru nna, nang gaw ga nhpu kaw nna ga kahte tsun na rin dai.

ESAIA 3:26

Shi a chyinghka ni gaw hkrap ngu hkrap ngoi let sharung shayawt na mara ai: shi gaw shingran katsi ai shara e ga hta dung nga na ra ai.

ESAIA 49:21

Shaloi nang gaw, “Ndai ni hpe, ngai e, kadai shaprat ya a ta? ngai gaw matu htum ai wa, katsi katsang re ai wa, bawng dung ai hte let hkawm ai wa rai nga ninglen, ndai ni hpe kadai kaba wa shangun a ta? Yu u, ngai hkrai sha nga ai rai yang, ndai ni gaw kanang na rai ma ta?” nga nna na a kraw e tsun na rin dai.

ESAIA 51:14

Bawng dung ai wa gaw htawng kata e n si, kawsi hpang kara n hkrum na hte, alawan, hkye hkrang la ai hkrum na ra ai.

ESAIA 51:23

nang gaw na a shingma hpe lam lai ai ni a matu hkrun lam zawn shatai nna, Anhte lai lu hkra, ga e gum-yan taw nga u,” nga nna nang hpe zingri zingrat let, tsun ai ni a lata hta, ndai gawm hpe ngai tawn da na nngai.

ESAIA 60:1

Rawt u, htoi tu u; na a nhtoi du ra ai; Yehowa a hpung shingkang na ntsa e dan hkung nga ai.

ESAIA 61:1

Madu Yehowa a Wenyi gaw nye a ntsa e dung nga ai; kaning rai nme law nga yang, matsan mayan ni hpe kabu gara shiga hkaw tsun dan na matu, Yehowa ngai hpe namman chya ya ni ai; gawng run ai ni a nma hpe ahkyen kayawp na matu mung, bawng dung ai ni hpe shalawt dat na lam, gyit hkang hkrum ai ni hpe htawng chyinghka hpaw ya na lam, hkaw dan na hte,

ESAIA 9:4

Hpyen luksuk laba ni a hpyen kyepdin hte, sai galu ai hpun nba ni yawng, wan nat na matu wan shat tai na ra ai.

YEREMIA 51:45

Nye a amyu e, dai mare kata na pru wa mu; Yehowa pawt bu ai kaw na, langai hte langai tinang a asak mawai la mu.

YEREMIA 51:50

Nhtu tsin-yam lawt ai ni e, sa wa mu, hkum hkring nga myit: sumtsan mung hta Yehowa hpe dum nna, Yerusalem mare hta myit manoi nga mu.

YEREMIA 51:6

Babelon mare na hprawng pru mu; langai hte langai tinang asak hpe mawai la mu; mare masha ni a yubak hta, hkum lup mat lawm et; kaning rai nme law, dai gaw Yehowa a matai dawp na aten rai nga ai; shi gaw dai mare hpe matai dawp na ra ai.

EZEKELA 34:27

Nam mali na hpun gaw, asi si na ra ai; lamu ga gaw nsi naisi shapraw na ra ai; shanhte gaw dai mungdan hta apyaw sha shanu nga na mara ai: shanhte hpe zingri ai kandang hpe ngai agrawp kau nna, shanhte hpe yam ai ni a lata na mawai la yang, ngai Yehowa rai nga ai hpe shanhte chye lu na mara ai.

ZEHKARIA 2:6

“He, he, dingdung maga de na hprawng wa marit, nga nna Yehowa tsun ai; kaning rai nme law, sumsing lamu na nbung mali zawn, ngai nanhte hpe shabra dat nngai,” nga nna Yehowa tsun ai.

ZEHKARIA 2:7

“He, Babelon shayi sha hte rau de nga ai, Ziun e, hprawng lawt u.

LUKA 21:24

Shanhte gaw ri nhtu e sat kau hkrum ai hte, amyu shagu ni e rim woi mat wa ai hkrum na mara ai: maigan amyu ni a nhtoi dik wa ai du hkra, Yerusalem gaw maigan amyu ni e kabye dip da ai hkrum na ra ai.

LUKA 4:18

“Madu a Wenyi nye a ntsa e nga nga ai: Matsan mayan ni hpe kabu gara shiga hkaw tsun na matu, shi ngai hpe namman chya ni ai: Bawng dung ai ni hpe shalawt lu na lam, Myi kyaw ai ni hpe myi bai mu na lam, hkaw tsun na matu mung, Zingri zingrat hkrum ai ni hpe dat dat shangun na hte,

SHINGRAN 18:4

Bai, sumsing lamu de na nsen kaga gaw, “Nye a amyu masha ni e, dai mare a yubak hta nanhte n lawm myit ga mung, de a ari zinli n hkrum myit ga mung, shi kaw na pru wa mu: