ESAIA 52:12 - Jinghpaw Hanson Version Bible

¹² Kaning rai nme law, nanhte tin shapun pru wa na n rai; hprawng ai zawn mung pru wa na n rai, Yehowa nan nanhte a shawng e sa wa nna, Israela Karai Kasang gaw nanhte a hpang e sin langa tai na ra ai.

Jinghpaw Common Language Bible 2009

¹² Ndai lang chyawm gaw nanhte tin shapun pru mat wa ra na myit dai n rai; nanhte hprawng shakut ra na myit dai n rai. Dai Madu na a Karai Kasang gaw nanhte hpe lam woi nna kade nde nanhte hpe makawp maga na ra ai.

ESAIA 52:12 ပူးပေါင်းရင်းမြစ်များ

1 HKAWHKAM LABAU 14:15

Iabri hpun ni a ndung e hpyen hkawm sharat ai na ai shaloi, hpyen gasat na htim u: Hpilisti luksuk ni hpe gasat na nga, Karai Kasang gaw na a shawng e pru wa sai,” ngu nna shi hpe tsun wu ai.

PRU MAT 12:11

Dai hpe nanhte ning rai sha na rai myit dai; nshang e shingkyit kyit, lagaw hta kyepdin din, dawhkrawng lang rai nna, alawan wan sha na rai myit dai: dai gaw Yehowa a shalai dat ai poi rai nga ai.

PRU MAT 12:33

“Egutu masha ni mung, Anhte nlang chyasi rai ma saga ai, nga nna tsun let,” dai mung na shanhte hpe alawan shapraw dat na gawt shadut mu ai.

PRU MAT 12:39

Egutu mung na tin shapun gawt kau ai hkrum nna, n hkring lu mu ai hte, sha jarit n shachyip rau ma ai majaw, Egutu mung na la wa ai muk katsing hpe matsi n rawng ai ta kabaw sha ma ai.

PRU MAT 14:8

Yehowa mung Egutu hkawhkam Hpara-u a myit shaja ya wu ai rai nna, shi gaw Israela kashu kasha ni hpe hkan shachyut wu ai: kaning rai nme law, Israela kashu kasha ni gaw gumrawng gumra rai nna dai mung na pru wa ma ai.

ESAIA 26:7

Dinghpring ai ni a lam gaw malang ai lam rai nga ai; nang gaw dinghpring nga nna, myit malang ai ni a lam lajang nga ndai.

ESAIA 28:16

yu mu, Madu Yehowa gaw, Ziun bum ntsa e kangka re ai, hpu la ai hte ngang ai njut nlung hpe, ngai npawt gaw da nna, kamsham ai wa gaw hprawng ra ai n rai.

ESAIA 42:16

Myi hten ai ni hpe, shanhte n chye ai lam hku ngai lakawn wa nna, shanhte n lai yu ai lam hta woi wa na nngai: shanhte a man na nsin hpe ngai nhtoi shatai nna, magaw ai lam hpe shading na we ai. Dai chyeju ngai galaw nna, shanhte hpe kau da na n rai.

ESAIA 45:2

na a amying hte nang hpe shaga ai wa, Israela Karai Kasang, ngai Yehowa nan rai nga nngai gaw, nang chye na lu hkra, ngai gaw na a shawng e sa wa nna, kabawng kachyawng re ai shara ni hpe ara sha di na we ai;

ESAIA 49:10

Shanhte gaw kawsi hpang kara hkrum na, n rai; kahtet kamawt hte jan ja mung hkrum na, n rai: kaning rai nme law, shanhte hpe matsan dum ai wa gaw, shanhte hpe woi wa nna, hka hpawk makau hku lam madun na ra ai.

ESAIA 49:11

Nye a bum ni yawng hpe ngai lam shatai nna, nye a nmaw lam ni hpe, gaw shatsaw na we ai.

ESAIA 51:14

Bawng dung ai wa gaw htawng kata e n si, kawsi hpang kara n hkrum na hte, alawan, hkye hkrang la ai hkrum na ra ai.

ESAIA 57:18

shi a arawn alai ngai mu se ai; ngai shi hpe shamai shatsai na nngai; ngai shi hpe woi wa nna, shi a matu mung, shi hte rau sharung shayawt ai ni matu mung, ngwipyaw lam bai shatai na nngai.

ESAIA 58:8

Shing rai na a nhtoi gaw, jahpawt manap na nhtoi zawn, htoi wa nna, na a hkam kaja ai gaw alawan tu na ra ai; na a dinghpring ai lam na a shawng e sa wa nna, Yehowa a hpung shingkang na a hpang e sin langa tai na ra ai.

MIHKA 2:13

Lam hpaw ai wa gaw, shanhte a shawng e lung wa sai; shanhte ru kabang wa ai hte, chyinghka de du nna, dai hku pru wa masai: shanhte a hkawhkam wa gaw, shanhte a shawng e sa wa nna, Yehowa gaw shanhte a baw rai nga ai.

BU HKAWM 10:25

Dai hpang, dap yawng a hpang jahtum dap ngu na Dan dap a hpung daw wa ni gaw tinang a dawnghkawn hte rau rawt sa wa ma ai: dai dap a agyi gaw Amishadi a kasha Ahiza rai nga ai.

TARA JAHPRANG 16:3

Dai poi hta matsi rawng ai muk nang sha lu na ndai n rai: nang hkrung nga prat dingsa, Egutu mung na pru wa ai lam hpe nang dum nga lu hkra, sanit ya tup nni nkri ngu na matsi n rawng ai muk nang sha lu na rai ndai: kaning rai nme law, Egutu mung na nang tin shapun pru wa nit dai.

TARA JAHPRANG 20:4

Kaning rai nme law, nanhte a Karai Kasang Yehowa gaw, masha hpyen ni hpe manga kau nna, nanhte hpe hkye la na nga, nanhte hte rau sa wa nga ai,” ngu na rai wu ai.

YAWSHU 4:11

Shing rai amyu masha ni mahkra rap kawt ma jang, she, Yehowa a sumpu hte hkinjawng ni gaw amyu masha ni a man e rap wa ma ai.

YAWSHU 6:9

Ri nhtu lang ai ni, pahtau dum ai hkinjawng ni a shawng e sa wa nna, hpang na dap ni gaw dai sumpu hpang e hkan nang sa wa ma ai: hkinjawng ni pahtau dum let sa wa ra ai.

TARA AGYI 4:14

Shaloi Debora gaw, “Rawt u; dai ni nhtoi gaw, Yehowa na a lata de Sisera hpe ap kau na nhtoi rai ra ai; Yehowa na a shawng e rawt sai, n rai ni?” ngu nna Barak hpe shaja wu ai. Dai rai nna Barak gaw, Tabora bum kaw nna, masha mun mi hte rau, yu wa ai.