ESAIA 52:1 - Jinghpaw Hanson Version Bible

¹ Ziun e, hprang u, hprang u, na a n-gun atsam dagraw u; chyoi pra ai mare Yerusalem e, na a tsawm htap ai hpun palawng hpe mawn sumli u: kaning rai nme law, ya kaw nna matu n gadoi ai hte n san n seng ai wa kadai mung, nang kaw shang lu na n rai.

Jinghpaw Common Language Bible 2009

¹ Yerusalem e, n-gun shaja ai hte kalang bai galu kaba u! Karai Kasang a Chyoi Pra ai mare e, na hkum hpe hkik hkam ai hpun palawng hte mawn sumli u! Sumla nawku ai ni na a mare chyinghka de galoi mung bai shang lu na mara ai n rai.

ESAIA 52:1 ပူးပေါင်းရင်းမြစ်များ

1 HKAWHKAM LABAU 16:29

Yehowa a mying ningsang hpe hpung shingkang yin la mu; Lusha hkungga lang let shi a man de shang mu: Chyoi pra ai hpe mawn sumli nna, Yehowa hpe nawku mu.

NEHEMIA 11:1

Ya mung du ai gaw Yerusalem mare hta de ma ai; naw ngam nga ai masha ni gaw, marai shi hta na marai langai mi, chyoi pra ai Yerusalem mare hta nga nga nna, kaga jahku hte gaw mung mare ni hta de nga na lam, hpaida da ma ai.

SHAKAWN KUNGDAWN 110:3

Na a hpyen majan shani e, na a amyu masha ni gaw Chyoi pra ai hte mawn sumli let, hkan nang mayu nga ma ai; jahpawt manap jau jau na mari zawn, Na a brang ram ni nang kaw du na mara ai.

PRU MAT 28:2

Na nhpu Arun hta arawng sadang hte hpung rawng na matu, shi hpe chyoi pra ai hpun palawng nang galaw jahpun na rai ndai.

PRU MAT 28:40

“Bai Arun a shadang sha ni arawng sadang hte hpung rawng na matu, palawng galu, shingkyit, bunghkaw re ai ni da ya na rai mu ai.

ESAIA 1:21

Shawng e tara ding ai hte hpring nga ai, kangka re ai mare gaw, kaning rai shawa num tai a hka! Dinghpring ai gaw dai kata e shanu nga sai; ya chyawm, masha sat ai ni hkrai dè nga ma ai.

ESAIA 1:26

Moi na tara agyi ni zawn re ai, ngai bai san da nna, nang hpe hpaji daw ya ai ni gaw, shawng na ni hte bung na mara ai: dai hpang na a mying hpe, Dinghpring ai mare, kangka re ai shara, nga nna kajai na mara ai.

ESAIA 26:2

Dinghpring ai hte kangka re ai amyu shang lu u ga, mare chyinghka ni hpe hpaw malang da mu.

ESAIA 35:8

Dai shara e, ningmaw lam mung, lam masun mung, hku na ra ai rai nna, dai hpe, Chyoi pra ai lam ngu na maru ai; n san n seng ai ni dai hku lai sa lu na n rai; bawng lawt ai ni hkrai sa lu nna, dai lam hkan ai ni hta angawk ai wa pyi, lam yit na n rai.

ESAIA 4:3

Yehowa gaw tara dara ai wenyi, wan hkru ai wenyi hte, Ziun shayi sha ni a agang chyalang hpe kashin kamun kau nna, Yerusalem mare ka-ang na asai hpe yeng seng kau nhtawm,

ESAIA 48:2

chyoi pra ai mare mying hkan nna tinang hkum hpe shamying ai hte, Israela Karai Kasang hta shamyet shanat ai ni e, ndai lam madat mara mu: shi a mying gaw, Zaw nawng zaw wa up ai Yehowa rai nga ai.

ESAIA 49:18

Grup yin shara shagu mada yu u: ndai ni yawng hpawng nna, nang hpang de du mara ai. Yehowa ning nga ai: “Ngai hkrung nga ai hte maren, nang gaw na hkum hpe ndai ni hte mawn sumli nna, num ningnan zawn, shanhte hpe kyit na rin dai.

ESAIA 51:17

Yehowa a lata hta na n-yun bu ai gawm lu sai, Yerusalem e hprang u, hprang nna rawt u: nang gaw n di n da hkawm shangun ai gawm hpe lu kau nna, jabu du hkra shup lu kau nu ai.

ESAIA 51:9

Yehowa a lata e, rawt u, rawt u, na a atsam dagraw u; moi chyaloi nhkoi na prat nhtoi ni hta zawn, rawt u; Rahab hpe kahtum gadaw di nna, baren numraw hpe galun ai wa gaw, nang rai nga ai, n rai ni?

ESAIA 60:1

Rawt u, htoi tu u; na a nhtoi du ra ai; Yehowa a hpung shingkang na ntsa e dan hkung nga ai.

ESAIA 60:21

Na a amyu masha ni gaw, hkum ting dinghpring ai ni, tai na mara ai; ngai gaw arawng sadang lu la na matu, shanhte gaw, ngai hkai da ai bawng, nye lata shabyin ai amu ngu ai mungdan hpe, prat dingsa madu na mara ai.

ESAIA 61:10

Ngai gaw Yehowa hta aja awa kabu gara nga nna, nye a myit masin gaw, nye a Karai Kasang hta sharawng awng na ra ai; kaning rai nme law, la ningnan gaw nampan shanghkawng gup ai zawn mung, num ningnan gaw shi a lungseng ni hte shi a hkum hpe mawn sumli ai zawn mung, shi ngai hpe hkye hkrang la ai hpun palawng jahpun ya nna, dinghpring ai nba lawai ya ni ai.

ESAIA 61:3

Ziun mare hta sharung shayawt ai ni hpe, wan dap a malai nampan shanghkawng, sharung shayawt ai a malai kabu gara ai namman, myit kaji ai a malai kabu gara ai hpun palawng jaw na matu mung, shi ngai hpe shangun dat nngai; shing rai, Yehowa gaw arawng sadang lu la na matu, shanhte gaw, shi hkai da ai dinghpring ai hpun ni ngu ai mying, mying na mara ai.

ESAIA 64:10

Na a chyoi pra ai mare ni, nam mali tai mat sai; Ziun bum mung, nam mali tai mat sai; Yerusalem mare gaw katsi katsang re ai shara tai mat sai.

YEREMIA 31:23

Israela Karai Kasang, Zaw nawng zaw wa up ai Yehowa ning nga ai: Bawng dung hkrum ai ni hpe ngai bai woi wa ai shaloi jang, Yuda mung hte de a mare ni hta nga ai ni gaw, Dinghpring ai shara e, Chyoi pra ai bum e, Yehowa nang hpe shaman ya u ga, nga nna bai tsun lu na mara ai.

EZEKELA 44:9

Madu Yehowa ning nga ai: Israela kashu kasha ni hta hkran ai, myit masin mung, ashan mung, matu gadoi n hkam ai tsasam masha kadai mung, nye a chyoi pra ai shara hta shang lu na n rai.

Daniela 10:9

Rai timung, dai wa a nsen hpe ngai na nngai; ya shiga tsun ai nsen ngai na yang, ngai ga de gum dagup nna, nawng mat nga nngai.

YOELA 3:17

Shing rai, nye a chyoi pra ai Ziun bum ntsa e shanu nga ai, nanhte a Karai Kasang Yehowa, ngai rai nga ai hpe, nanhte chye lu na marin dai: dai shaloi e Yerusalem mare chyoi pra ai shara tai nna, tsasam masha ni dai mare hpe htawm hpang de kabye lu na, n rai.

NAHUM 1:15

Mai kaja ai shiga hte, ngwipyaw lam tsun shana ya ai wa a lagaw hpe, bum lang ntsa e mada yu mu! Yuda e, na a poi ni hpe galaw u; na ndat ga rap raw u: n hkru ai wa gaw htawm hpang e nang kaw ga sa wa lu na n rai: shi gaw nhtum nni shamyit kau ai hkrum wa sai.

HAGI 2:4

Rai timung Zerubabela e, n-gun da ting u, nga nna Yehowa tsun ai: Yehozadak a kasha, hkinjawng agyi, Yoshua e, n-gun da ting u; mung masha ni mahkra e, n-gun da ting nna, bungli galaw mu, nga nna Yehowa tsun ai:

ZEHKARIA 3:4

Shaloi lamu kasa gaw, “Agang chyalang re ai hpun palawng raw kau mu,” ngu nna shi a man e tsap nga ai ni hpe tsun mu ai. Bai shi gaw Yoshua hpe mung, “Yu u, na a mara hpe ngai raw kau ni ai rai nna, tsawm htap ai hpun palawng nang hpe jahpun na nngai,” ngu wu ai.

MAHTE 4:5

Shaloi Nat gaw dai chyoi pra ai mare de, shi hpe woi wa nna, nawku Htingnu a nchyun e shadun da nhtawm,

LUKA 15:22

Kawa chyawm gaw shi a mayam ni hpe, “Reng htum ai hpun palawng alawan la sa nna, shi hpe jahpun ya maru; shi a lata hta lachyawp chyawp ya maru; lagaw hta kyepdin din ya maru;

ROMA 13:14

Dai hta n-ga, Madu Yesu Hkristu hpe bu hpun dagraw nga mu: hkum shan a myit marin ai hku shadik na matu, hkum maw hkum hkyen nga myit.

ROMA 3:22

dai gaw Yesu Hkristu hta kamsham ai a majaw, kamsham ai ni nlang hte a matu mara Karai Kasang a dinghpring lu ai lam rai nga ai: lachyen lahka chyawm gaw hpa mung n nga lu ai.

EHPESU 4:24

tengman ai hte seng ai dinghpring ai hte chyoi pra re ai Karai Kasang hpan tawn da ai gawng shing-yan ningnan hpe dagraw lu myit ga, nanhte sharin achyin hkam la manit dai, rai nga ai.

EHPESU 5:14

Dai majaw, Yup pyaw ai wa e, rawt u, Si ai kaw na bai rawt wa nu; Shaloi Hkristu nang hpe jahtoi na ra ai, nga nna tsun ai.

EHPESU 6:10

Ya kaw nna dai Madu hte, shi a n-gun marai a atsam hta e, n-gun lapyin rawng nga mu.

SHINGRAN 11:2

Dai Htingnu a shinggan wang hpe chyawm gaw, shinggan kau da u, dai hpe hkum shadawn et; dai gaw maigan amyu ni hpe ap ya kau ngut sai rai nna, shanhte gaw dai chyoi pra ai mare hpe shata mali shi lahkawng tup kabye dip na mara ai.

SHINGRAN 19:14

Sumsing lamu na luksuk ni mung, gumra ahpraw jawn nna san seng hpraw tu ai lachyit nba bu hpun let, shi hpang e hkan nang ma ai.

SHINGRAN 19:8

hpraw tu ai hte san seng ai lachyit nba hte tinang hkum hpe mawm sumli na ahkang shi lu la nu ai: shing re ai lachyit nba gaw chyoi pra ai ni a dinghpring ai a amu bungli rai nga ai law,” nga nna tsun ai gaw ngai na nngai.

SHINGRAN 21:2

Shaloi chyoi pra ai mare ngu ai Yerusalem ningnan gaw, la ningnan a matu mawn sumli ai num ningnan zawn, lajang shachyip ngut nna, Karai Kasang a man sumsing lamu de na yu hkrat wa ai, ngai mu nngai.

SHINGRAN 21:27

Awu asin re ai hpa mung, matsat shabat hte masu magaw lam hkan ai wa gaw, dai mare de galoi mung shang lu na n rai: Sagu Kasha a asak laika hta amying lawm ai ni chyu sha shang lu na ma ai.