ESAIA 51:9 - Jinghpaw Hanson Version Bible

⁹ Yehowa a lata e, rawt u, rawt u, na a atsam dagraw u; moi chyaloi nhkoi na prat nhtoi ni hta zawn, rawt u; Rahab hpe kahtum gadaw di nna, baren numraw hpe galun ai wa gaw, nang rai nga ai, n rai ni?

Jinghpaw Common Language Bible 2009

⁹ Madu e, rawt u, anhte hpe karum la mi! Na a daru magam n-gun lang nna, anhte hpe hkye la mi; dai hpe moi chyaloi nhkoi prat ni hta nang lang ai zawn lang u. Dai daru magam n-gun hte nang gaw panglai numraw Rahab hpe kahtum kadaw di azat kau nga ndai.

ESAIA 51:9 ပူးပေါင်းရင်းမြစ်များ

YOBA 26:12

Shi a n-gun atsam hte nammukdara hpe kabrawng shangun nna, shi a zai byeng-ya hte Rahab hpe shamyit kau wu ai.

YOBA 9:13

Karai Wa gaw myit kawp wa na, n rai; Rahab a shingtau ni pyi shi a npu e dagum nga ma ai.

SHAKAWN KUNGDAWN 21:13

Yehowa e, na a atsam hte rawt u; Shaloi anhte gaw mahkawn mangoi let Na a daru magam hpe, shakawn kungdawn na ga ai.

SHAKAWN KUNGDAWN 44:1

Karai Kasang e, anhte na hte anhte na yu saga ai, anhte a ji woi ni anhte hpe hkai dan ma ni ai: Moi ji woi ni a lakhtak e, amu langai mi nang galaw nit dai.

SHAKAWN KUNGDAWN 44:2

Na a lata masha amyu ni hpe shaden kau nna, Ji woi ni hpe hkai da mu ai: Amyu baw ni hpe nang zingri kau nna, Ji wa ni hpe shabran dat mu ai.

SHAKAWN KUNGDAWN 44:23

Madu e, rawt u, nang hpa rai yup mu nga n ta? Rawt u, anhte hpe tut tut hkum kau da et.

SHAKAWN KUNGDAWN 44:24

Nang hpa rai na a myi man hpe up da nga nna, Anhte a ru tsang ai hte tsin-yam tsindam hpe malap kau ya nga n ta?

SHAKAWN KUNGDAWN 59:4

Mara n nga timung htim sa wa na, shanhte gat nga ma ai; Ngai hpe karum na rawt nna yu nga e.

SHAKAWN KUNGDAWN 7:6

Yehowa e, masin pawt let rawt u; Nye a gumlau ni n-yun bu ma ai hpe, shabai ya mu. Nye a lam dum u; dawdan ai hku nang hkang da ngut sai.

SHAKAWN KUNGDAWN 77:5

Moi na lai mat wa ai nhtoi ni hte, chyaloi nhkoi na prat ni hpe, ngai myit yu nga nngai.

SHAKAWN KUNGDAWN 78:65

Shaloi dai Madu gaw, yup pyaw ai wa hte, Tsabyi majaw jahtau ai share zawn, hprang wa ai.

SHAKAWN KUNGDAWN 87:4

Ngai hpe chye chyap ai ni hta na, Rahab yan Babelon rai nga ma ai, ngai ngu na mawe ai. Hpilisti, Turu, Hkusha hpe yu yu mu: Ndai ni wonang e shangai wa masai.

SHAKAWN KUNGDAWN 89:10

Sat kau hkrum ai wa hpe zawn, nang Rahab hpe agrawp kau nna, na a n-gun rawng ai lahpum hte, gumlau ni hpe shabra kau mu ai.

SHAKAWN KUNGDAWN 89:11

Sumsing lamu hte dinghta ga gaw, na a rai nga ai. Mungkan ga hte de a yawng mayawng hpe, nang gaw da nit dai.

SHAKAWN KUNGDAWN 93:1

Yehowa gaw Hkawhkam rai nga ai; Hpung shingkang hpe shi bu hpun nga ai; Yehowa gaw n-gun hte mawn sumli nga ai, Dai hpe shingkyit zawn kyit da nu ai: Gaja wa, mungkan ga hpe shi tawn da nu ai: Dai gaw shamu shamawt nga ai n rai.

PRU MAT 6:6

Dai majaw Israela amyu hpe, ning ngu tsun u: Ngai Yehowa rai nga nngai; Egutu mung a mayam lit hta na ngai nanhte hpe shaw la nna, shanhte a share punghkaw hta na shapraw la na made ai; sharawt nga ai lata hte mung, ari kaba amyu myu hte mung ngai nanhte hpe hkye hkrang la na made ai:

ESAIA 27:1

Dai shani e, Yehowa gaw, shi a ja la ai, galu kaba nna n-gun ja ai nhtu hte, lawan chye a baren lapu hte magyi magaw re ai baren lapu hpe, kawan katsan yu nna, nammukdara e, rawng ai numraw hpe sat kau na ra ai.

ESAIA 30:7

Kaning rai nme law, Egutu mung gaw, asung n shang ai hte kaman lila rai nga ai: dai re ai majaw ngai shi hpe, “N shamu chye ai Rahab,” ngu nna shamying we ai.

ESAIA 51:17

Yehowa a lata hta na n-yun bu ai gawm lu sai, Yerusalem e hprang u, hprang nna rawt u: nang gaw n di n da hkawm shangun ai gawm hpe lu kau nna, jabu du hkra shup lu kau nu ai.

ESAIA 51:5

Nye a dinghpring ai tara ani sha rai nga ai; nye a hkye hkrang la ai lam pru wa sai; nye a lata gaw amyu baw ni hpe tara dara na ra ai; zunlawng ni gaw ngai hpe ala nga nna, nye a lata hta shamyet shanat na mara ai.

ESAIA 52:1

Ziun e, hprang u, hprang u, na a n-gun atsam dagraw u; chyoi pra ai mare Yerusalem e, na a tsawm htap ai hpun palawng hpe mawn sumli u: kaning rai nme law, ya kaw nna matu n gadoi ai hte n san n seng ai wa kadai mung, nang kaw shang lu na n rai.

ESAIA 52:10

Yehowa gaw masha amyu baw ni mahkra a man e shi a chyoi pra ai lahpum shadawng dan nna, anhte a Karai Kasang a hkye hkrang la ai lam gaw, lamu ga htum hkra dan leng wa sai.

ESAIA 53:1

Anhte shana ya ai shiga hpe, kadai kamsham a ta? Yehowa a lahpum, kadai hpe shadan dan a ta?

ESAIA 62:8

Gaja wa ngai gaw, na a nai mam hpyen ni hpe htawm hpang e jaw na n rai; nang shakut nna lu ai tsabyi jahku hpe, maigan masha ni lu lu sa na n rai:

EZEKELA 29:3

‘Madu Yehowa ning nga ai: Nila hka ka-ang e hpum nga nna, Nila hka gaw nye a hka rai nga li ai, ngai nan dai hpe nye a matu hpan da ni ai, nga nna tsun ai, baren kaba ngu ai, Egutu hkawhkam Hpara-u e, ngai nang hpe hkap daw na nngai.

MIHKA 7:15

Egutu mung na pru wa ai shani e, nang mu ai hte maren, ngai shanhte hpe mauhpa amu bai madun na nngai.

HABAKU 2:19

Hpuntawng hpe, Yup hprang u, n chye shaga ai nlung hpe, Rawt u. nga nna tsun ai wa gaw, dingnye lu ai.

HABAKU 3:13

Na a namman chya hkam ai wa ngu ai, Na a amyu hpe hkye hkrang la na matu, nang pru ndai; Tara n lang ai wa a nta hta na baw hpe, nang hkala kau ndai: De a npawt nhpang ni npawt ndung hkren shadawng da nu ai. [Selah.]

ZEHKARIA 10:11

Shi gaw kyin dut ngu ai nawng hta rap lu nna, ngai gaw nammukdara hka leng ni hpe kayat kau na hte, Nila hka hpungla ni yawng, hkyet mat na mara ai: shing rai Asuri mung a gumrawng gumtawng shara yu mat nna, Egutu mung na hkawhkam sumdoi, htawm kau ai hkrum na ra ai.

ZEHKARIA 2:13

Hkrung mahkrung gaw Yehowa man e asim sha nga mu ga: kaning rai nme law, shi gaw shi a chyoi pra ai shara kaw na hprang rawt wa sai.”

LUKA 1:51

Shi a lahpum hte atsam pra di nu ai; Tinang kraw e maw ai hku hta gumrawng nga ai ni hpe, shi shabra kau nu ai.

YAWHAN 12:38

“Madu e, anhte tsun ai shiga hpe kadai kam ya a ta? Dai Madu a lata mung kadai kaw dan yu a ta?” nga nna myihtoi Esaia tsun ai ga dik wa na re ai majaw, shanhte gaw shi hpe n kam ma ai.

KASA 7:7

shanhte e yam sha ai amyu hpe mung, ngai jeyang na mawe ai; shaloi shanhte pru wa nna, ndai yang e ngai hpe jaw jau lu na mara ai, nga nna Karai Kasang tsun sai.

TARA JAHPRANG 4:34

Nanhte a Karai Kasang Yehowa Egutu mung hta nanhte a man e galaw dan ai zawn chyam dinglik ai, lamik kumla hte mauhpa amu madun ai, hpyen majan shapraw ai, n-gun ja ai lata hte ladawn ai lahpum sharawt ai, hkrithpa shingran madun ai di nna, Hpara shaje langai wa mi masha amyu mi hta na masha amyu mi hpe tinang a matu nga nna shaw la yu ai, nga a ni?

SHINGRAN 11:17

“Ya aprat e, moi na aprat e dinggrin anga nga ai Chyahtum chyalai n-gun rawng ai Madu Karai Kasang e, nang gaw, na a daru magam ahkang dagraw nna a up nga ndai majaw, anhte nang hpe shakawn kungdawn ga ai:

SHINGRAN 12:9

Shaloi, mungkan ga ting hpe hkalem kau ai, Nat hte Satan ngu ai, moi na lapu rai nga ai baren numraw kaba gaw, jahkrat kau ai hkrum wu ai: shi gaw, le ga de jahkrat kau hkrum ai rai nna, shi a ali ama ni mung shi hte rau jahkrat kau ai hkrum ma ai.

TARA AGYI 6:13

Gidon chyawm gaw, “Nye a Madu e, Yehowa anhte hte rau nga nga ai rai yang gaw, hpa majaw ndai hte chyum ai hkrum a ta? Yehowa anhte hpe Egutu mung na shaw la sai n rai ni? nga nna anhte a ji wa ni hkai dan ai mauhpa amu yawng mayawng gaw, ya kanang rai wa sata? ya e Yehowa anhte hpe kau da nna, Midian masha ni a lata hta ap kau ma ni ai n re hka,” ngu wu ai.