ESAIA 51:20 - Jinghpaw Hanson Version Bible

²⁰ Na a shadang sha ni gaw htan mat masai; shanhte gaw mahkam hta lu ai shan zawn, mare lam mashe shagu hta taw nga ma ai: shanhte gaw Yehowa a n-yun bu ai, na a Karai Kasang a daru jet ai hte hkru nga ma ai.

Jinghpaw Common Language Bible 2009

²⁰ Nmaw lam jut shagu hta na a amyu masha ni n-gun kya ai hte taw nga ma ai; shanhte gaw jaugawng wa a sumgawn hta rim hkrum ai shannga zawn rai ma ai. Shanhte gaw Karai Kasang a sindawng kahtet ai n-gun hpe hkam sha manu ai.

ESAIA 51:20 ပူးပေါင်းရင်းမြစ်များ

ESAIA 29:9

Mak mat nna mau nga mu; myi di nna n mu nga mu; shanhte tsabyi jahku hte nang ai n rai, chyaru hte ndi nda re ai n rai.

ESAIA 40:30

Shabrang ni mahtang n-gun yawm nna, hki ba hkrum na mara ai; wa-ngan ni gaja wa kataw na mara ai.

ESAIA 49:26

Nang hpe adip arip ai ni hpe, tinang a hkum shan ngai sha shangun na nngai: dwi ai tsabyi jahku zawn tinang a asai hpe nang hkra lu shangun na nngai; shing rai, ngai Yehowa gaw, nang hpe Hkye hkrang la ai Madu, Yaku a Daru Magam rawng ai wa gaw, nang hpe Shaw Mawai la ai wa rai nga ai hpe, hkrung mahkrung chye lu na mara ai,” nga ai.

ESAIA 5:25

Dai re ai majaw Yehowa gaw shi a amyu hpe pawt bu let, shi a lata ladawn nna, shanhte hpe adup kau mu ai; bum ni mung gari wa nna, amyu masha ni a si mang ni mare lam hkan e shanut shanaw zawn jawng nga ai: rai timung, shi a pawt sindawng ai gaw sim wa sai n rai; shi a lata naw a ladawn nga ai.

ESAIA 51:17

Yehowa a lata hta na n-yun bu ai gawm lu sai, Yerusalem e hprang u, hprang nna rawt u: nang gaw n di n da hkawm shangun ai gawm hpe lu kau nna, jabu du hkra shup lu kau nu ai.

ESAIA 51:21

Dai rai nna nni nkri hkrum ai hte, tsabyi jahku hta kaga nang ai wa e, ya ndai madat u:

ESAIA 66:15

Kaning rai nme law, yu mu, myit kahtet ai hpe n-yun bu ai hte, daru jet ai hpe grung ai wan hte shapraw dan na matu, Yehowa gaw wan hte du nna, shi a leng ni bungsha zawn rai na ra ai.

ESAIA 8:21

Shanhte gaw hki ba ai hte kawsi hkrum let lai mat wa na mara ai: kawsi hkrum yang, shanhte myit kahtet nna, ntsa de dap mada yu let, tinang a hkawhkam wa hte, tinang a Karai Kasang hpe dagam kau na mara ai:

YEREMIA 14:16

Bai, shanhte a myihtoi ga hta la ai shawa masha ni gaw, kawsi hpang gara ai hte nhtu tsin-yam majaw, tinang nan kaw nna madu jan ni, shayi shadang sha ni hte hpawn, Yerusalem mare lam ni hta kabai kau ai hkrum nna, shanhte hpe lup makoi na kadai n nga ai: shanhte a ntsa e tinang a mara hpe ngai ru bun na nngai.

YEREMIA 14:18

Ngai pa ga de hkawm yang, si ai ni hkrai jawng ma ai; mare kata de shang yu yang, kawsi hpang gara majaw machyi hkrum ai ni hkrai rai nga ma hka! Myihtoi wa hte hkinjawng wa pyi, hpa n chye ai, shara magup hkan e jawt hkawm ma ai.

SHARUNG SHAYAWT 1:15

Madu gaw nye a share ni yawng hpe, nye a ka-ang e jahti kau da mu ai; Nye a shabrang ni hpe, shamyit kau na matu, shi shawa hpawng shaga mu ai: Madu gaw Yuda shayi sha hpe, tsabyi htumbyen hta kabye kau nu ai.

SHARUNG SHAYAWT 1:19

Ngai gaw sumtsaw ni hpe shaga ni ai; shanhte ngai hpe hkalem kau ma ai; Nye a hkinjawng ni hte nye a salang ni gaw tinang asak bau na, lusha tam yang pyi, Mare kata e nsa hti mat masai.

SHARUNG SHAYAWT 2:19

Rawt u, shana ladaw da ai aten hkan nna jahtau u; Madu a man e na a myit masin hpe ntsin zawn ru dat u: Kawsi ai majaw lam she shagu hkan e htan mat ai, na a ma kaji ni a asak jahkrung da na lam, shi hpang de na a lata ladawn u.

SHARUNG SHAYAWT 4:11

Yehowa gaw shi a myit kahtet ai shakawp nna, shi pawt sindawng ai hpe ru kau nu ai; Shi gaw Ziun mare a npawt nhpang ni du hkra, hkru kau ai wan nat nu ai.

SHARUNG SHAYAWT 4:2

Jet htum ai ja hte bung ai, hpu la ai Ziun a shadang sha ni hpe, Di bu sama a lata hte galaw ai ga dibu zawn, kaning rai nawn da wu hka.

SHARUNG SHAYAWT 5:13

Shabrang ni gaw, htumrin hpe hpai ma ai; Ma kaji ni gaw, hpun npu e apyet taw ma ai.

EZEKELA 12:13

Ngai gaw nye a sumgawn hte shi hpe ka-up nna, nye a mahkam hta lu shangun na nngai: Hkalde a mung, Babelon mare de ngai shi hpe woi wa na nngai: dai mung hta e shi si timung, dai hpe mu lu na n rai.

EZEKELA 17:20

Ngai gaw nye a sumgawn hte shi hpe ka-up nna, nye a mahkam hta lu shangun nhtawm, Babelon mare de shi hpe woi wa nna, nye a ga hpe tawt lai kau ai yubak majaw, dai yang e shi hpe dawdan na nngai.

EZEKELA 39:19

Nanhte a matu ngai lajang da ai poi hta, hkru kat hkra sau man sha nna, lau hkra sai lu na myit dai.

TARA JAHPRANG 14:5

shan krang, shan nga, mailu, aya shahpa, atsu, chyahkyi re ai hte;

TARA JAHPRANG 28:20

“Tinang galaw shut ai yubak hte ngai Yehowa hpe kau da ai mara majaw, nang hten byak nna alawan htum mat ga du hkra, na lata galaw ai lam magup hta, dagam dala, sharu shatsang, aroi arip, na ntsa e du shangun na we ai.

SHINGRAN 14:10

Karai Kasang a sindawng kahtet ngu ai gawm hta hpaw bang tawn ai pawt bu ai tsabyi jahku jet lu lu na ra ai; dai hta n-ga shi gaw chyoi pra ai lamu kasa ni a man e mung, dai Sagu Kasha a man e mung, wan hte kan kayau ai hta nni nkri zingri ai hkrum na ra ai: