ESAIA 51:18 - Jinghpaw Hanson Version Bible

¹⁸ Shi shaprat ai kashu kasha ni mahkra hta na, shi hpe lam madun ai wa langai mi n nga ai: shi kaba wa shangun ai shadang sha ni mahkra hta na, shi hpe dun la ai wa langai mi n nga ai.

Jinghpaw Common Language Bible 2009

¹⁸ Nang hpe lam woi na masha kadai n nga ai, lata hte nang hpe woi dun wa na, na a amyu masha langai mung n nga nga ai.

ESAIA 51:18 ပူးပေါင်းရင်းမြစ်များ

YOBA 8:20

Yu u, Karai Wa gaw myit tsup ai wa hpe kau da na, n rai; tara n lang ni hpe gaw shadaw ya na, n rai.

SHAKAWN KUNGDAWN 142:4

Nye a hkra maga de mada yu u, Ngai hte hkau chyap ai wa n nga ai; Ngai shingbyi shara hten wa sai, Nye a myit masin hpe lahpawt ai wa n nga ai.

SHAKAWN KUNGDAWN 88:18

Ngai hpe ra ai wa hte jinghku hpe, Ngai hte nang shatsan kau nna, Ngai hte hkau chyap ai ni, nsin zawn rai ma ai.

ESAIA 41:13

Kaning rai nme law, Na a Karai Kasang ngai Yehowa gaw, “Hkum hkrit et; ngai nang hpe karum na de ai, nga nna, na a hkra lata jum let, tsun na nngai.

ESAIA 45:1

Yehowa gaw, shi a namman chya ya ai wa, Kuru hkawhkam hpe sha-ang nna ning nga tsun ai: Masha amyu ni hpe shi a man e shagrit kau nna, hkawhkam ni a shingkyit hpe ngai raw kau na matu mung, shi a man e chyinghka ni hpaw malang da nna, mare chyinghka ni n la da na matu mung, ngai gaw shi a lata hpe shadaw ya se ai:

ESAIA 49:21

Shaloi nang gaw, “Ndai ni hpe, ngai e, kadai shaprat ya a ta? ngai gaw matu htum ai wa, katsi katsang re ai wa, bawng dung ai hte let hkawm ai wa rai nga ninglen, ndai ni hpe kadai kaba wa shangun a ta? Yu u, ngai hkrai sha nga ai rai yang, ndai ni gaw kanang na rai ma ta?” nga nna na a kraw e tsun na rin dai.

ESAIA 54:11

Nni nkri hte, laru e ahpawt hkrum nna, shalan shabran n hkrum ai wa e, ngai gaw na a nlung ni hpe engade achyang hte, na a npawt nhpang ni hpe nila nlung hte gaw da na nngai:

YEREMIA 10:20

Nye a sum hten mat sai; nye a sumri ni yawng dut mat sai: ngai sha ni mung, ngai kaw na pru nna mat mat masai; nye sum hpe gap ai wa, nye nba grang ni hpe grang ai wa, ya kaw nna n nga sai.

YEREMIA 31:32

shanhte a kaji kawa ni hpe lata hte dun la nna, Egutu mung na woi wa ai shaloi na, shanhte hte tawn da ai ga shaka hte maren, n rai: kaning rai nme law, ngai shanhte a Madu rai nga timung, shanhte gaw, ndai, nye a ga shaka hpe run kau ma ai, nga nna Yehowa tsun ai.

EZEKELA 34:6

Nye a sagu ni gaw bum lang shagu, tsaw ai kawng shagu ntsa e brak hkawm nga ma ai; gaja wa nye a sagu ni gaw ga ntsa ting hta bra wa nna, shanhte hpe hkan sawk tam ai wa n nga ai.”

AMO LAIKA (AMOS) 5:2

Israela hkawnsek kataw nga sai, htawm hpang de rawt lu na n rai: shi gaw shi a ga hta kabai jahkrat kau ai hkrum nga ai; shi hpe bai sharawt ai wa n nga ai.

MAHTE 15:14

Shanhte gaw nga nga mu ga: myi kyaw ninglen lam madun ai ni rai nga ma ai: myi kyaw ai wa gaw, myi kyaw wa hpe lam madun a taw gaw, shan lahkawng gaw nhkun kata de hkrat na mara ai,” ngu mu ai.

MAHTE 9:36

Dai shawa hpawng ni hpe mu jang, shi shanhte hpe matsan dum da mu ai: kaning rai nme law, shanhte gaw, sagu rem ai wa n nga ai majaw, ru tsang hkrum ai hte bra mat wa ai sagu hte bung nga ma ai.

MARKU 8:23

Shi gaw dai myi kyaw ai wa hpe lata hte dun nna, kahtawng shinggan de shapraw nhtawm, shi a myi hpe mayen madit nna, shi a ntsa e lata mara da let, “Nang lama ma mu da nu ni?” ngu nna shi hpe san wu ai.

KASA 13:11

Ya, yu u, Madu a lata na ntsa e du nna, tawng marang mi jan n mu lu ai, myi kyaw nga na rin dai,” ngu wu ai. Shaloi jang shi a myi shinggang mat nna, nsin chyip rai mat salu ai; shing rai, shi a lata dun ai masha tam let, kayin hkawm nga ai.

KASA 9:8

Shaloi Shawlu rawt nna, myi hpaw yu wu yang, hpa mung n mu lu ai rai nna, shi hpe lata e dun let, Damasku mare de woi shang wa mu ai.

HEBRE 8:9

Shanhte a kaji kawoi ni hpe lata hta dun la nna, Egutu mung na woi wa ai shaloi na, Shanhte hte tawn da ai ga shaka hte maren, n rai: Kaning rai nme law, nye a ga shaka hta shanhte maju n jung ma ai. Ngai mung shanhte hpe n yu n gawn mawe ai nga nna, dai Madu tsun nga ai.